[開箱] 最強之電競滑鼠--ROCCAT TYON

肥仔在線

唉，舊A/C用唔返......話說最近見到2000Fun又有返ROCCAT冰豹產品，呢隻德國牌子由創辦人本身係德國專業電競發燒玩家，所以大部份產品都係以最貼實滿足高階電競玩家為賣點，相信好多電競發燒友都會聽過，甚至已經用緊，當中Kone系列一路都都得到唔少人好評，但我今次介紹嘅係最新嘅TYON，同Kone系列好唔同。之前上ROCCAT官網見過TYON，單單係16鍵加上黑白撞色設計已經俾佢深深吸引，於是乎即刻走去買返隻玩下 (友情客串 R.A.T 5 ) .........

先黎當然係包裝盒，盒面大大隻TYON十分突出，左邊則是列明重點功能和設計，包括8200DPI PRO AIM (R3) LASER SENSOR、16個可編程按鍵、16.8M MULTI-COLOR ILLUMINATION、ROCCAT™ EASY-SHIFT[+]功能等等。盒內重點介紹了X-CELERATOR，即係拇指按軸，主要針對上下左右傾斜操控而設，尤係揸飛機等滑暢控制，另外亦有1個FIN SWITCH，可以快速切換。



接著盒中顯示出TYON所提供嘅16個按鍵，嚴格黎講應該係14個鍵再加上、下滾輪，亦有提及EASY-SHIFT[+]功能，可以令1個按鍵演變成為支援2個按鍵防能，盒中重點介紹支援Battlefield 4的功能鍵，能夠快速作出適當指令，但實際係用家可以自行選配，之後會再講下。



最後盒嘅背面，再一次列出TYON每個細節的特點，包括採用32 bit 72MHz Turbo Core V2處理器、12 LV 發光滾輪、快速EASY-SHIFT鍵等等。



TYON 真身正式曝光 ，同場加映友情客串嘅R.A.T 5 (之前用緊) ，就咁睇外觀外型已經係完全唔同，從停面睇可以見到TYON比較高身，形成一個拱形可以令手掌DUP DUP 冚包實滑鼠，變相長時間使用都冇咁攰，對手掌同指指壓力亦都減輕不少，而R.A.T 5就冇咁高身，即係唔會有拱形呢個情況。




雖然話有16 (14) 個按鍵，但每個按鍵分佈細明，唔容易按錯，而且每個按鍵手位剛剛好，無需大幅度移動手指，呢點非常重要，因為手指/手掌移動幅度越大手指就越難歸位，變相越易按錯，相信ROCCAT係設計TYON嘅時候有重點考慮呢個問題而唔係亂咁將大量按鍵塞哂入滑鼠度。唯一缺點沒有支援法碼，滑鼠有點輕，同埋鼠腳墊令我壓下滑鼠時有少少氣墊感覺。





細細睇睇16個按鍵的分佈，除左基本左右鍵之後，左右兩邊都有2個功能鍵，食指和中指(或無名指)可以快速輕鬆使用，TYON左邊拇指位舒適，上方有一個X-CELERATOR拇指按軸，方便隨時使用，亦有2個按鍵，而下方近卻位亦有1個按錯，主要用作操作EASY-SHIFT[+]功能。另外正中間位置有一個FIN SWITCH，可以單靠食指和中指移動控制亦係好方便，總括黎講每個按鍵都分佈得剛剛好，一隻手玩哂。






最後就係軟件部份，其他野唔多講，主要介紹EASY-SHIFT[+]功能，機本上TYON本身預設左16個按鍵的功能，但用家可以自已重新調配，但相信都唔會有人轉，而係EASY-SHIFT嘅情況下，其中的11個按鍵可以再多出11個功能，即係變相成為22個功能鍵，而每個鍵功能亦都調整，如果針對遊戲進行果時，可以作出適當指定，平時則可以作多媒體快捷鍵使用，呢個功能十分強大。



總括暫時使用體驗可以講得上係有讚無彈，TYON係ROCCAT年度之作，整體設計可以睇得出設計師真係花過心思去微調每個細節，用上手之後係非常舒服，但要一味讚的話講出黎有點兒那個……….所以最好自己真係去試下。缺點方便暫時未見，但如果使用一段日子之後發現，一定會再黎補充。

牛丸王

好似正喎, 幾錢?

肥仔在線

之前買850