在監房的日子

curry0804

爬文搵到呢個POST~
慶幸自己無入到沙咀,係壁屋拋完21就可以自由(舊年8月)
可能相對壁屋好受過沙咀,但果21日前期真係好難受,特別第一個星期
後期因為做得好,阿SIR又見我比心機操,同埋我白手就比我去左2次醫院,
之後全部做廚雜,相對係輕鬆,仲要有幾個阿SIR係廚雜會請我地食包,又講道理~

但我好記得我最後一日,無比人叫到去工作,去左操,好記得果晚好唔舒服,一早操
用手抹一抹汗,比秋SIR一拳打留個肚到,差D暈底,隻眼見到D野真係黑白,我估我果時就休克,
但我諗到我女朋友,諗到我U D同學,我忍住左.果一刻,令我發誓永不回頭!

雖然壁屋係相對輕鬆,但唔係鼓勵人去犯罪
當你晚晚以淚洗面,係夏天都係可以半夜凍醒,
比人拳打腳踢,比人做無限循環力竭聲沙
去做評估比個SIR當你唔係人要你扮狗吠,
要你蹲係度4個鍾唔比俾郁,
晚晚隔住個鐵窗望住條馬路係度D巴士,會諗點解巴士上便既唔係你
真係好難受
同時又為一班人可憐,班吸毒既藍精靈,黑手果班,入到入便都要
蛤人,抵班人比人無限循環喊晒口,果頭比人罰完又要走黎寸我地DCR
之後又比人無限循環,咁就一日- -

所以話,你出便幾惡都好.入到倉都係受靶
係出面幾威又勁幾疊友都好,入都去都係比人打
入便D人,真係多多少少都比人出賣入黎
講真做黑社會好?入左黎邊個幫到你?
我果時同倉講,衰左野,300蚊都唔拎你保釋你,呢D叫兄弟?
當你望住D床板上寫D字句,感覺好似身同感受,無限思念後悔
悔不當初,真係想大家諗清楚,好好讀書,享受人生 唔好衰左先黎後悔