Isa：兩個角度「看」一個世界 - 仙境傳說 Ragnarok

2000FUN論壇 › 綜合論壇 › 仙境傳說 Ragnarok › Isa：兩個角度「看」一個世界

查看: 21304\|回覆: 231	go Isa：兩個角度「看」一個世界 [複製鏈接]

瀨戶１貴

五星白金會員

Rank: 5 Rank: 5 Rank: 5 Rank: 5 Rank: 5

UID: 33758
帖子: 1802
積分: 3117
Good: 0
註冊時間: 02-6-20
在線時間: 465 小時

1^#

發表於 04-11-14 04:53 AM |只看該作者 |正序瀏覽 |打印

～～～～～～～～～～～～～～～～～序～～～～～～～～～～～～～～～～～

我諗我算唔上係咩金仔既老臣子
但係總算係一個經歷由金仔係２級公會變到２２級公會既一個老會員
我仲好記得一開始入金仔，純粹係一種你買我賣既關係
賣：我牧師比公會吸５０％等公會升級
買：金仔比我隻鑄鐵一個位去吸牧師升級
唔理我同金仔係咩原因走埋一齊都好，金仔都係一個同我一齊左陪左我近半年既公會
對金仔，我未必有情，始終我唔鍾意打王，唔鍾意ＰＶＰ，淨係鍾意買賣野掛機
但係我肯定，我對金仔有義，因為冇金仔既話，我冇牧師，我冇鑄鐵，而且吉分密穴真係算係一個可以幫人致富既地方，所以冇金仔，我諗我好多野都好唔同，所以我覺得金仔對我黎講，我係差佢一D野，難聽D講句，我真係欠左佢D野。
雖然金仔既公會等級，我諗２２級有２０級係吸我吸返黎，但係我覺得我依然係欠金仔D野，我依然覺得自己仲未可以還曬比金仔，所以即使我知道我對金仔係有貢獻，但係我都唔敢周圍同人講我對金仔「冇功都有勞」呢D說話，因為呢句說話既條件，係要功、勞相近先成立，多勞而少功，又點算得上係「冇功都有勞」呢？

有時世界真係好真實好公平，每一樣野都有佢既光明點同陰暗面，一個密穴，雖然係令金仔帶黎某D正面既野，但係同時，都真係帶黎左其他負面既野。

我o係金仔雖然係有近半年，但係，我諗頭４個月大家都係一種買賣關係，因為果期我拍緊拖，RO對我黎講，我諗果時係一樣我一日都唔會用半個鍾去搞佢既野，所以同公會入面既人冇咩兩句，淨係同金仔會長凝雪有一兩句。係去到變左單身既時候，先開始多D掂下RO，但係對我黎講，RO淨係一個沖下野刺激下既遊戲，好快，我就決定左賣裝備唔玩，而係果個時期，我開始認識多左一兩個公會既人，佢地就係奔走行同埋乜九都擋（即NN）。
之後我賣左一頂小惡魔帽同一件+9洞斗，當時打算快快手手賣曬就走。
可惜要賣曬D野對我呢個懶人黎講實在太難啦，加上果時要準備去台灣電視台實習，結果係賣唔曬就要飛左去台灣。

o係台灣既時候，間唔中得閒都會上下網玩下icq，有幾次撞到金仔會長凝雪，佢話唔想玩RO跟住直頭係冇玩RO TIM......原因.....又係D掛機之後掛左D寶既問題。對我黎講，我不嬲掛機都係幫人淨掛，咩叫淨掛？即係開左外掛之後，就唔理佢去搞其他野，唔敢話去掂人地帳號D野甚至話拎人D野咁大膽，講真，人地信得過你先比個ACC你掛，我諗唔係要做到咁冇品去拎人D野掛，GAME錢JAR喎，係就係話可以賣到真錢，但係果少少錢去出賣其他人對你既信任，我覺得唔值得LAW。

最後我返香港之前，凝雪仲話不如比左個公會我，當時對我黎講，一來係有種受寵若驚既感覺，二來，覺得有D可悲.....點解你有咁多真人FD你唔比，但係你會講埋帳號同密碼一個你素未謀面既人果一刻我諗，金仔入面既人.....唔會係咁差呀?大概都係誤會黎JEL。最後我因為仲係o係台灣，所以推左雪佢話遲D再算。

返到黎香港，雪已經冇玩，但係反而同金仔既人開始多左接觸，始終係暑假關係，真係人都FREE D。奔走行佢地叫左我幾次去網吧之後，有一次終於去左，之後就開始同金仔既人熟，識左JJ（我諗金仔之中，我最當佢係朋友既一個）雲天、鈴鈴、蕃茄、ROY佢地。呢段時間，係我同金仔既熱戀期，真係好多時會出黎打下機，間唔中會搵JJ食飯，佢又會搵下我搞緊咩果種（雖然我經常放飛機）。但係有時有D野就係咁，「路遙知馬力，日久見人心」，大家唔識、唔熟，可能覺得大家都冇咩野咁，但係真係識耐左熟左，好多野就會比你見到另一面出黎.....

讚0 噓0

回覆引用

pupi_hk 該用戶已被刪除	228^# 發表於 04-11-26 11:40 AM \|只看該作者提示: 作者被禁止或刪除內容自動屏蔽
pupi_hk 該用戶已被刪除
	點評回覆引用舉報返回頂部

望族俊少該用戶已被刪除	225^# 發表於 04-11-26 06:59 AM \|只看該作者提示: 作者被禁止或刪除內容自動屏蔽
望族俊少該用戶已被刪除
	點評回覆引用舉報返回頂部

無命氏該用戶已被刪除	224^# 發表於 04-11-26 04:49 AM \|只看該作者提示: 作者被禁止或刪除內容自動屏蔽
無命氏該用戶已被刪除
	點評回覆引用舉報返回頂部

關閉 安全驗證

Isa：兩個角度「看」一個世界 [複製鏈接]

瀏覽過的版塊

關閉安全驗證