話說我今朝係交易區到開POST話收56LV以上既刺客同狂戰
咁就有一個人ADD我, MSN係:big_pkok@hotmail.com
佢一開始就問我係咪收AC啦, 咁我就答係, 就問佢幾錢.
佢就話5舊水, 咁好自然我就問佢有咩裝,
佢就SD左一張圖俾我, 全+7藍裝.
之後問佢叫咩名, 佢就話白色天使, 之後仲話好少人識佢.
咁我就奇怪啦, 玩到60, 至少都唔會冇人識掛?
之後我都冇咩野, 繼續同佢傾.
咁我就問佢平少少得唔得, 佢就話4百蚊, 銀行入數.
咁我開始覺得奇怪,
我本人都放過唔少AC, 如果真係想放既話, 絕對唔會俾人講兩講就話平1舊水.
除非好等錢洗, 又或者吸引人落搭, 想呃人錢.
咁之後我就問佢, 面交得唔得啦? 佢就答我.
面交都OK, 不過問我住邊,
我就話, 你呢? 我就你啦, 始終係我買AC..
佢就死都唔肯講, 我都知有D問題
之後我就話, 我香港九龍新界都冇問題, 只要你肯面交.
之後佢就話自己住西貢, 就話西貢冇咩網吧.
仲話銀行過數平多50蚊, 即係350蚊.
咁我就話, 如果面交既話400蚊, 我入去西貢同佢交易,
加上我查過, 西貢係有24小時網吧的.
之後佢就話, 銀行有佢資料, 又話俾電話我..
我就同佢講, 好老實, 就算俾人呃, 我都唔想報警, 唔想麻煩.
加上手提電話可以轉, 屋企電話可以改, 可以唔聽.
佢就話, 佢屋企人唔俾轉, 加上唔俾佢唔聽屋企電話 (睇到呢句野笑左)
跟住我就話諗唔到有咩理由佢唔出黎面交.
第1, 我去佢住既地方同佢交易, 佢落一落樓就有多50蚊, 何樂而不為? 加上網吧錢唔使佢俾.
第2, 如果佢真係有AC既話, 點解咁怕面交? 除非佢冇果隻AC, 又或者一開始想呃錢.
咁佢之後就話自己要返工, 放好夜, 問我係咪等到佢咁夜先?
我就話, 24小時都OK, 只要你肯面交.
之後佢就話, 佢放12點幾, 等到就等, 等唔到就算.
咁我就叫佢留電話俾我, 我夜晚12點幾打俾佢,
咁佢就即刻話, 我做野先, 唔傾住.
我再問多佢一句, 到底賣唔賣隻AC?
佢就話, 佢都要做野嫁, OFF先..
咁就OFF左了.
明眼人一睇就知, 佢既意途.
所以請大家小心, 過數唔一定係最安全的.
[ 本帖最後由 ＊追。月＊ 於 2009-4-16 04:08 PM 編輯 ] |
發表於 09-4-16 04:06 PM
發表於 09-4-16 04:18 PM
呢ｄ人見唔少一傾落去就知佢有問題
