樂章既問題

十

首先....多謝大家抽時間睇我既post

睇完藍月既post...我都想講下我既感受

我接觸樂章，應該係上年尾，隻game未黎hk，我下載個台版，點知台灣封海外ip，無奈del game

到知道香港都出呢個game既時候就試玩，一入game，畫面大不如想像，3d得好簡單.....幾經發掘，終於發現樂章既玩法同樂趣，決定長玩。

由1lv到57lv時時光就唔講，但由公測至今，都算係睇住佢"大"，我升lv唔算快，但都算係日日online吹下水打下怪，所以對呢個game既感覺都有唔少，當然有好有唔好......

慶幸轉錯職，本人玩左狂戰，爭議都唔少既職，由迴避型到力量型再到而家既沖鋒問題，經歷左高潮起跌，而家玩到57lv了，回頭睇返，呢個game既改變都唔少，人流都一直下降...


而我個人覺得問題既主要原因有兩個



遊戲未成熟
首先，係隻game推出市場時係未夠成熟，我之前d post都講過，樂章改得唔少，明顯係隻game出既時候準備未夠，引至有改動頻頻，例如橙裝數值上升，畫面變靚，等等，仲有最明顯既職業大平衡，加上測掛問題不輕，同埋玩家ac被盜既問題都成日發生，但官方既反應都係唔算快，到而家依然有人係俾人爆緊ac(話唔定就係呢一刻)。雖然話係公測，但改得實在太多，太密，令到玩家無所適從，自然反感。唔係話唔好改，但係密成咁，真係咁多online game黎講少見。如果用公測黎做檔箭牌，恐怕隻game未公測完就收左檔。至到今日，呢個game依然都係仲係度改緊，成熟緊，但我地玩家有冇咁好心機去等呢?



代理同玩家問題
仲有就係個代理(gamecyber)呢個代理，佢做得唔錯，好比心機，一黎多活動(先唔理做成點起碼有心做)，二黎重視同玩家既溝通，好多game既代理都做唔到呢點，可惜水能載舟，亦能覆舟，就係因為有"小妹"呢個角色，一堆玩家就借此"發表意見"，其實小妹同gc都做得唔錯，不過唔知係香港既玩家未夠成熟定係官方太過親民，大家仲記唔記得財爺向市民收集財政報告既意見?而家既情況就差唔多係咁，當然有建設情既意見，但依然會有人問"可唔可以唔交稅"?呢d咁既問題真係為官方帶黎好多麻煩，問黎都唔知做咩，玩家又唔識企係官方立場度諗下，有時官方都未反應得黎，因為好多時都要同開發商傾返，但玩家有時自己既意見一旦得唔到官方既理會(職業未平均等既問題)，一d就選擇離開，一d留底既都未必玩得長。

係我黎睇，香港方面係咁，受開發重視既台灣就唔清楚。

其實呢個game係唔錯，如果可以內測多d，準備好先推出市面，一定會成功好多(可能開發資金唔夠啦~~)，但而家人流少，連帶既問題都唔細，無論對玩家定官方。人地成日講:"要失去先識珍惜"。唔理玩家失去官方，定官方失去玩家，樂章都係要收檔......照而家咁發展落去樂章頂到年零兩年都算好野，不過天下冇不散之延席，只係浪費左一個好game....

而家開左四個月都入左衰退期，都好難補救，話唔定又好似"天戀"咁一年左右就出第2代嚕~~
要插隨便~我呢一個扮高手既玩家~~

[ 本帖最後由 十 於 09-10-16 05:35 PM 編輯 ]

SKL123

我都有玩樂章,雖然開game到而家目前都係得56LV,
感覺上遊戲不過係隨住開發商的改動而更新,
改動頻頻，例如橙裝數值上升，畫面變靚亦然,都是開發商對遊戲的優化更新。
所以GC有時更新取決於開發商,兩地的遊戲版本應該也會是一樣的吧@@
所以開發商要更新的話,gc應該也不會不作更新。

玩家其實係自私的生物,但自私係一種權利@@,所以有時官方小妹大開廣納民意之道,以樂章的人氣,多少都會有漏掉的人聲吧,所以意見得不到接納或無意忽略的玩家,個別玩家自然會抱怨,這點我也認同。

總括都看得出,gc代理得很有心,
最後,小妹加油,GC加油^^

psp5354

木人玩左狂戰

木頭人做狂戰!?

stevelove

支持十十....我係大陸撐你

sofia819

其實..除左隻game唔夠成熟個陣就推出既問題
我認為整衰隻game既係玩家~_~
係一D人黎拓高點數個價
係一D人係咁係到投訴呢樣個樣
開發就改呢樣改個樣野
同埋外掛,只要玩家肯自律既話我認為會比較少外掛既
-----
其實樓主係咪打錯字=.=?
木人=本人?
唔知係香港既玩家未夠成熟家=唔知係香港既玩家未夠成熟定?

[ 本帖最後由 sofia819 於 2009-5-4 10:33 PM 編輯 ]

十

原帖由 sofia819 於 2009-5-4 10:32 PM 發表
其實..除左隻game唔夠成熟個陣就推出既問題
我認為整衰隻game既係玩家~_~
係一D人黎拓高點數個價
係一D人係咁係到投訴呢樣個樣
開發就改呢樣改個樣野
同埋外掛,只要玩家肯自律既話我認為會比較少外掛既
...

係有錯字
敬請原諒

×葉仔×

我冇你地玩咁耐-.-"
玩左4個月到...個55LV係我玩到收40LV番黎的..
我一開始係小夜曲玩..原本一開始D人放點係好平
仲係1:1真係好平..依家咁多貪心人-.-"..推高個價...1:5.5--"
我身邊既朋友都因為點數太高經符太貴所以唔玩-.-"
依家得番個人....想係GAME到搵朋友又冇..
D人開口埋口就同人呀媽性交(粗口黎)-.-"係仆人個街
真係悶到冇朋友...

綠茶熊

你講既野全部都係我想講既野>.<”

Um...吸納人流既方法最簡單就係 廣告

其他我覺得GC既廣告沒有一點震撼力可言~ ~

如果唔跟台灣廣告,自已整個全民打世界王呢D大場面應該幾好><

可惜,呢D只係我既希望...

ben0725

這隻game係我第二隻玩既online game來的(第一隻係伊希歐之夢)
玩得唔係好耐,,得1個月左右,所以以前d改動我都唔太清楚,最初原本係練遊俠的,,但對我來說係難練,,所以轉左玩地獄使
感覺這game蠻不錯,,地圖夠大,,感覺上唔會比人搶怪,,即使比人地搶到佢都無經,,這是我玩下去的原因(以前個隻會係咁比人搶...)
而且佢獨有既天賦系統,,精靈覺得幾新奇(係獨有吧...?無咩點玩過online game...)
最初玩這game都係朋友介紹比我玩的,,一玩之後就上左癮....有種說不錯來的有趣吸引了我玩下去...
可惜原本我2個fd陪我玩的,,其中一個話有delay就放棄了,,另一個就跟佢無玩了....
結果得番我一個單練....雖然單練沒問題,,但有時打boss都係無咩可能打嬴的,,公會那些boss更不用指意單挑到....所以有時都幾悶下...但我一定會繼續玩下去
官方一定要加油ar~

║～丫健～║

見你咁俾心機打篇野....
贈你三粒GD

十

THANK各位睇我篇野

藍夢月

原帖由 十 於 2009-5-4 09:45 PM 發表
首先....多謝大家抽時間睇我既post

睇完藍月既post...我都想講下我既感受

我接觸樂章，應該係上年尾，隻game未黎hk，我下載個台版，點知台灣封海外ip，無奈del game

到知道香港都出呢個game既時候就試玩，一 ...

一齊努力令到這隻ONLINE更完善XD

老妖一早說過這隻遊戲會是一個傳奇,<<<因為老妖睇中了

老妖意見多多,,嘿嘿<<<不過老妖的意見,,考慮了所有因素,照全了大局才提出的

開發要懂得尊重玩家.<<由其是要聆聽香港玩家的心聲.XD
代理也是一樣..要尊重玩家,,要成為香港與台灣交涉的橋樑,,,與到不公平,,要替香港玩家爭取權益
GM要緊守岡位.你說過的,,要做好這份工XD,,,老妖看到了,,,,老妖還要靠你把玩家的心聲帶給代理,,所以不要捱病,,,,

藍夢月

打錯字都要捉..你地係人唔係??

我就5信你地估5到個個係咩字...

有本是你地打一篇比我睇下..

我個篇野打左冇人回的...唔好笑死我.

老妖最叻剷人,,你地好同我醒定D

藍夢月

原帖由 ×葉仔× 於 2009-5-4 11:20 PM 發表
我冇你地玩咁耐-.-"
玩左4個月到...個55LV係我玩到收40LV番黎的..
我一開始係小夜曲玩..原本一開始D人放點係好平
仲係1:1真係好平..依家咁多貪心人-.-"..推高個價...1:5.5--"
我身邊既朋友都因為點數太高經符太貴 ...

一早講左玩家問題...

E隻GAME好多COOL佬各有各升...唔悶先奇...

mingming1534

樓主講得唔錯,希望隻game仲有救啦。

disapointed

V_V 改得慢,, 吾系我吾記得囉"

[ 本帖最後由 disapointed 於 2009-5-5 04:39 PM 編輯 ]

藍夢月

原帖由 disapointed 於 2009-5-5 11:43 AM 發表
老實果句！隻ｇａｍｅ好好玩！
但系官方處理問題就好有問題！！！！
隻ｇａｍｅ超易比人爆ａｃ囉！
我有幾個ｆｄ系未開６５之前
就比人爆左１次～
之后佢地諗住算啦．刀系１次姐
就改曬ｄ密馬再玩～
點知冇幾 ...

得啦得啦..爆AC不嬲存在..得E隻GAME有架咋,,第2隻GAME冇架~~~~~

你記得唱通街AR~~~~~~~~~~~~~~~~~唔好玩E隻GAME AR~~~~~~~~~~~~~

sofia819

原帖由 藍夢月 於 2009-5-5 08:18 AM 發表
打錯字都要捉..你地係人唔係??

我就5信你地估5到個個係咩字...

有本是你地打一篇比我睇下..

我個篇野打左冇人回的...唔好笑死我.

老妖最叻剷人,,你地好同我醒定D  

都係提醒下樓主改番姐
其實我都唔肯定係咪錯字黎
只係想幫佢呢篇野寫得更好

藍夢月

原帖由 sofia819 於 2009-5-5 05:38 PM 發表

都係提醒下樓主改番姐
其實我都唔肯定係咪錯字黎
只係想幫佢呢篇野寫得更好

我知AR,,,因為我D FD E+都捉緊我D錯字,,,A_A

,,,,,,,,,,,打咁多錯字,,,,一金一隻.....佢捉左我N次啦,,

我,,,,上次餵精靈餵到連一金都冇....=.=.....

我講野咁既...對不起..^^......因為呢....有人回文第1句唔係SUPPORT.....而係你打錯左AR,,,

-口-...咁大篇野...你地竟然剩係睇到錯字個個位.....實在令人氣憤.....

qwwkit

雖然好想睇下你打狂戰心得..但好多字..眼花5睇.....我講我用狂戰感覺
整體攻技同攻擊力係全隻game最好(單講攻擊力當然係元素使),但防禦同血量明顯不足(要用血薔薇+神蹟弓補強),打公王/世界王必須有ec全力補血,衣服方面本人認為最好係狂戰(其次係地獄使)
再一次證明我轉玩狂戰係明智之舉