坦戰+光祭

曉諭

之前係個活動post po左一次了
但好似猜 乜人見到一w一
希望大家唔好嫌我底lv (果時55 現在都只係59...)
等我copy返過黎先
希望各位高手如果有咩建議都可以指點下

本篇只限副本方面既小小心得, 因為本人副本走向
本篇皆為個人心得, 請勿完全跟我一樣點法

坦戰:
素質: 全體
專精: 護衛,目前20點線前, 防護專注1/4, 算計0/3, 其餘點滿
22點線前將會點出20點大技, 防護專注滿
在此強調, 算計有點的價值, 目前我怒雷lv5 降攻速為11%
而30點線前, 總點數有30而所有專精滿級係32, 個人會捨棄忠貞護衛 (個人認為忘此技能偏向pvp)

坦怪時自身狀態:
防禦姿態, 力量藥水, 體質藥水, 敏捷藥水, 感知藥水, 生機晶柱, 王者晶柱, 玄甲晶柱, 獵隼晶柱, 祝福晶柱
由於buff有上限20個, 所以可以按情況取捨靈性藥水和加速藥水
打物理攻擊強的王之前, 請變身龍宮的剌龜大將, 使用堅硬龜甲技能+1530物防

坦群怪技能:
先用挑釁拉第一攻擊目標的怪到適合位置, 不過, 當小怪群有一隻遠攻怪時, 不論攻擊順序, 個人會挑釁遠攻怪!
怪群到身旁,立即用嘲諷
嘲諷和挑釁本人都經專精強化
其威力驚人
曾測試, 3隻小怪一團, 主目標當然一直做仇, 但其餘兩隻光是開場使用一次嘲諷+怒霤一擊, 足以吸住怪到主目標擊殺! (意為避免怪打補師, dd亂打不計)
當然,亦要視乎血量下跌速度才準
主目標有開場的挑釁+嘲諷加持下, 相信冇咁快會被ot, 所以可以放心適時逐一使用防禦崩潰
另外是,開場由於目標多, 所以建議使用盾擊敲暈一隻, 減輕補師負擔之餘, 亦少左被補師ot既機會

單坦(王)技能:
個人很單純的挑釁開場,防禦崩潰5之後全程痛擊 (其實穿插挑釁理應更高仇恨, 不過個人應該坦克既攻擊力都佔不少份量, 而且幻月戰士既仇都算非常足夠)
怒霤一擊個人比較少用, 一來用魔太多, 二來因為本人不確定攻速對物理攻擊技能有何影響
所以不希望因為mp問題不停吃mp水而導致cd中不能用紅水!

由於通常隊友都唔會留意其他道具既使用, 所以本人會自備一套, 值得一提的是,手榴彈和術式每一種都是分開cd, 極為好用, 如下:
誘導術式: 挑釁cd有時未完 就已經需要用到, 此術式非常好用
噬生術式: 吸血! 危急時當補血用 (pk時亦很有用)
噬魂術式: 吸mp! 幾乎cd到就用
音爆彈: 嘲諷cd長, cd中需要群拉時用到, 假如手頭上好多音爆, 可以經常使用亦得, 不過切記, 最好唔好拎黎開怪, 因為佢既大範圍好可能會引到怪
負面狀態方面本人由於包包有限,只會丟: 崩解彈, 震撼彈, 遲滯彈, 閃光彈

至於生命之靈, 防護心得, 精準格擋, 相信唔使講, 當然係強勁既王同危險時用!

真係好長..我會再開一篇講祭師同極少量30 40 50副本既野
抽獎方面放心, 只需要當我係一個就得, 唔會佔左大家便宜

戰士呢篇冇咩特別
但係光祭的一篇, 假如閣下有mp不足情況, 敬請期待
本人打一場副本, 絕對可以連果汁都不用一支! (唔係蝦lv)

我補返少少先~
坦既裝備係好重要的, 請花少少錢強化裝備
本人武器雖然只有+4, 但其餘裝全部+7 (雖然唔係好勁, 但起碼有用心)
我更加組過d隊友係+8 +9 甚至+10

曉諭

今次係光祭!
素質: 全智 (原諒我只有雷獸 沒有朱雀 不過本人副本走向 血量多2 300根本冇分別, 所以我唔點體, 更重要係..專美既補血技能, 吃好幾倍既魔攻!)
專精: 20點線前, 本人捨棄 感觸擴展, 身心學識, 強化信仰, 其餘點滿 (至於點解同理論就忽略吧, 因個人喜好不同, 唯獨治療增強必點, 不點的話, 本篇閣下就可以忽略了)

自身狀態:
體質激發, 感知增幅, 體質藥水, 智力藥水, 奧秘晶柱, 法皇晶柱, 玄甲晶柱, 獵隼晶柱

至於補血, 今次唔洗好似戰士咁長氣, 下面呢句就係本人既心得!!!
請用一級技能補血!!!!!!!!!!!!!!!!!!!!!!!!!!!!!!!!!

(專精點滿, 無任何buff,鑲入物,武器強化, 53全套杖盾+法祭裝)例子:
治癒術 1級: 補約1000 mp消耗17
治癒術 7級: 補約2100 mp消耗211
重未睇出分別?
咁我再透露一下, 全buff後本人治癒術1級補1300+

本人補副本, 目前重未遇到非用7級不可既情況
不過聽聞55副本的女武神很強勁, 可能1級補法就不適用了吧
強調: 1級補法應看情況使用
雖然本人目前所有技能都用一級補 (唯獨快補我會用滿級, 因為危急時我先會用到)

另外推薦善用 黑夜籠罩, 寧靜之風, 光裂術作輔助, 當然, 只限mp充足時再用光裂:)

打王時除左我用戰士時會丟既手榴彈之外, 我必定長駐 恍惚詛咒
變身技能方面我會看情況使用陰陽鬼神力或堅硬龜甲

道具方面:
噬生 噬魂 雙mp水(本人冇商城水) 陰轉術式 和諧彈 都係必備的 (其實係以防萬一)

打得太多,又冇組織..大家唔好見怪, 好似有d野唔記得左咁, 不過諗起再補上
之後係副本

30副:
要注意既係2王近戰係佢ae時請自己退下
3王50%血時請確保紅水,噬生 無cd中, 活力藥水可提早用, 祭如有聖光護盾可以丟自己或坦
坦克如果覺得太痛 可以行遠d 隻王就唔會再有"無動作而超痛"既普攻 只會剩底非常弱雞既魔法

40副:
祭師最好對河童組合丟恍惚詛咒, 變型同埋食氧氣都係好麻煩的技能 (本人唔期望法師解得快手..)
而戰士可以盾擊, 衝撞, 衝鋒 河童
3王有機工可以好輕鬆! 用地雷炸小怪
特別係鯊魚小怪群魔免, 光祭最好企埋機工或法師身後少少
而且有時會被食氧(打王途中) 要自己留意補氧氣丸

50副:
有隱型怪, 不過唔大問題
一王燈籠只需打王, 小怪等殺完王再清
即使防禦0, 光祭依然用1級治癒可以輕鬆補起
呢個副本最難係小怪: 鬼女烏鴉組合, 因為好多人就算講左比佢知, 佢都唔識停手
烏鴉會隨機丟我地一個人一個debuff 中左既人如有任何動作,包括補血,攻擊 都會炸到隊友!!
當然, 個爆炸距離有限, 唔係全場ae, 光祭可以自己企埋一二邊, 因為有時你迫於無奈都係要補血
建議先殺烏鴉 鬼女可以當佢冇到
2王酒吞童子 依然係1級補血就夠..前50%血唔洗講, 後50%比較麻煩, 會有全場ae+暈, 我試過企最遠補 一樣會暈)
不過要加入1級 治癒光波, 由於距離所限, 本人會預先叫遠程企埋一齊
本人不確定王所有技能中 有冇近戰ae (個人好似見到有, 因為有時只有近戰扣血 ) 所以唔敢叫所有遠程都企埋王身邊
50%後個人推斷係全物理攻擊, 所以個人光祭會開堅硬龜甲, 希望減少ae傷害 (不確定是否物理傷害)

講左咁多..其實都係一句..
一級技能補血!!!!!

再補上
龍宮圖鑑全連線獎勵
裝上地鍵後
得到的淚光晶
回843血 降1451仇 無法轉移
30s cd
又一好物
即使是坦 也有需要救命的時候 (無視果少少仇恨~)
更何況係一眾dd同補師!

牙仔=)

點樣簡番做一級補??

曉諭

由於小弟唔覺意升左幾級
想再補返少少55副既經驗之談
只講女武神啦~

首先, 先打藍護衛 再打紅
其實兩隻護衛都好雞
我第一次打 隊友要求我唔洗理添
我e+既打法係我會放生藍 (不過開場嘲諷時會故意嘲埋佢)
之後拒住女武神同紅色仔走黎走去 因為唔想補師太累~ 特別係紅衫仔有時會發顛 不停咁轉轉轉(只用嘲諷+挑釁就夠)

其間可以用衝鋒衝去藍色仔, 盾擊暈下佢之類
藍色仔死之時就企定定 一齊打死紅色 (方便近戰唔洗追)
之後出傳點 回滿再打

女武神75%血會有對白
對白出之前企定定全力做仇就得
個人習慣80%時開始丟住套手榴彈+術式debuff比佢 (因為預左冇隊友同我輪住丟)
75%之後 大約係樓梯位跑圈 其間只用挑釁和嘲諷 cd到就用

最重要既就係嘲諷同挑釁時機
挑釁要係你距離女武神一段距離時 再用 務求係佢追上之前動作完結
嘲諷要係佢差唔多追到你時用 務求唔好比佢太長時間打你 而又嘲到佢(理想為打一下 最多都只會比佢打兩下 不過打兩下其實都有少少危)

如果dd不幸ot 請馬上跑出傳點即可
甚至可以出去回魔又得

一直跑既原意為唔想比佢出大技 (75%對白出黎前 劍氣同全場ae大技都唔會出)

而呢招大技
小弟用53光祭去補時 完全唔掂.. 主要都係因為打法係跑圈 大家位置太散 (坦唔識拉令王出到大技) 而治癒光波又"經常"係重要關頭先不停miss 不過57光祭新團補 應該可以補得起 只要大家集中企埋一齊 雖然本人唔肯定女武神會出幾多次大技XD

[ 本帖最後由 曉諭 於 10-6-3 03:38 PM 編輯 ]

曉諭

原帖由 牙仔=) 於 10-6-3 03:32 PM 發表
點樣簡番做一級補??

開技能頁
如果可以降級既技能
佢會有個箭嘴比你
你按箭嘴就可以選lv
:)

曉諭

補充一下
55副如果女武神唔係玩企定定既正規打法
依然係全場只需要用1級技能補血就夠

60以上副本小弟未打到 唔清楚:)