狗-問題

假面具

我隻狗2個月大
1.我比d飯佢食 佢好開心係到追住黎食
我比左幾粒佢食  狗食唔食得飯嫁?

2.佢幾多歲先唔洗沉水餵狗糧?

3.點先教到佢唔咬野?

4.我有時坐係床坐得耐 佢係咁望住就會吠,,
有咩方法解決?.?

☆追魂★

1.我比d飯佢食 佢好開心係到追住黎食
我比左幾粒佢食  狗食唔食得飯嫁?
答：狗狗係食得飯既...

2.佢幾多歲先唔洗沉水餵狗糧?
答：5-6個月大

3.點先教到佢唔咬野?
答：當佢亂咁咬野你要教佢 話打打,唔準，同買一d骨頭比佢咬，佢就唔會咬其他野

4.我有時坐係床坐得耐 佢係咁望住就會吠,,
有咩方法解決?.?

答：佢有時想你留意下佢， 你試下摸下佢或者佢想上床到

SnowG

建議你唔好比佢上床啦...不可一,不可再~
日後想佢唔上都難= =煩死你...

AR敏x)

我覺得狗狗上床都冇咩野丫-0-"
我果隻狗一向都系床到同我地訓,不知幾happy~識得定時定候叫醒我返學@@
但系要教佢吾好系床到屙屎屙尿囉

丫,系..答返樓主d問題先
飯飯系可以既,不過緊系全狗糧會好d.. 比慣左佢食飯.. 有機會吾肯食返自己d糧
咬野多數系牙痕,買波波果d比佢咬下啦~但系佢咬其他野要鬧佢,鬧多幾次佢會明,應該會改善下

kristalltang

1)狗仔食得飯，但始終唔好俾太多既好…
2)其實沉到幾大都可以，但如果佢換曬牙仔就可以唔洗架勒
3)俾玩具佢咬未唔咬其他野
但如果堅要教的話
就用報紙卷成卷，打佢patpat，唔痛…但個聲會大就嚇到佢
佢就知道錯架勒，要慢慢尼，佢就知咩野得咩野唔得
4)==同佢玩吧，佢在召喚你哦

KL`﹏‧

1. 狗食得飯,,但grains 係致敏源,,,皮膚敏感主因~
2. 基本上換哂牙就吾洗了~

gv3170

如果想狗狗長命 盡量唔好比熱飯佢地食
其實狗狗係有潛在反叛性
但佢地既習慣性 服從性係比反叛性強既
所以你的 亂咬野/上床 行為
只要你自小就強硬咁唔準佢做 佢就會自然唔做

(你最好就習慣自己對佢有1個比較惡既指令 要佢1見到你講呢個指令就知你會嬲 慢慢就可以控制到佢)

我就用 拉長既 no1~2~3  通常數到2佢地就會停止

kiana

1.我比d飯佢食 佢好開心係到追住黎食
我比左幾粒佢食  狗食唔食得飯嫁?

答 : 可以的 但要注意營養均衡

2.佢幾多歲先唔洗沉水餵狗糧?
答 : 3個月到

3.點先教到佢唔咬野?

答 : 狗狗幼時有一段時間一定會咬的 大個自然不會咬 咬家具的時候 要即時責罵 過後才責罵就太遲了 罵都沒有用 可買玩具給他 但不太多  太多會令狗狗分不清 什麼是玩具 什麼是家具

4.我有時坐係床坐得耐 佢係咁望住就會吠,,
有咩方法解決?.?

如果你想狗狗不吠就要在他吠的時候 不理他  讓他知道吠是沒有人理 或 教懂他 吠 和 安靜 的指令

你這情況 可能 狗狗在測試你地的地位 (狗特別注重 郡體 中的位置安排 處理不好 對日後訓練  會有大困難) 你可選擇不理會他 直至他安靜 才陪他玩 不要讓他上床 有時會叫你起床 好像很可愛 但其實那是叫你起身 喂他 或 散步 或陪他玩 這在他心中主人地位大減