本帖最後由 shoyruho 於 11-11-13 09:02 PM 編輯
首先，今日既題目係：『我發現，大家對魔導器三招既感覺只有......Σ(▼д▼)』
魔導器既三招係咩呢？就係最為人所知，廢到嘔電既
一： 不停詠唱loop既聖光盾
二：
白痴仔先會中既重力場
三： 打極都唔中既隕石衝擊
Ｅ三招既用途通常都被人分為：防遊＊阻礙敵人＊攻擊敵人（誤？）
2KF上亦有網友表示 三爪痕 發表於 11-8-11 10:59 PM 
以依家d人既走向都係
聖光>重力>落石 『阿細』 發表於 11-11-8 12:00 PM
改版前,
重力 > 聖光 > 隕石...
聖光時間太短..
成場一直重唱..都唔洗打人,
隕石..
永遠都打唔中我想打既目標..
雖然會有意外收穫就對了..
好啦，我認我無聊一直都未到重點
以下落黎請大家忘記哂上面既無聊野
（一）：不停詠唱loop既聖光盾
"聖光盾！聖光盾！聖光盾！詠唱！！！無限輪迴"大概係每位使用聖光盾法師每日都會依Ｅ個輪迴幾百次。
當你每場用三分一既時間不停詠唱既時候，你有冇諗過將聖光盾既威力發揮到最大呢？
路上見到既聖光法，大家都中規中矩，唔會太後亦唔會上前，同敵人保持距離，將身上既聖光盾當防護盾用途。但係，傷害一直唔高（神手級請無視 ），到底有咩方法可以令傷高變高Ｄ呢？
Ｅ項技能唔係個個都做到，由其當你係高ping一族，眼（手）殘既時候，甚至係你一直以黎都係用Ｄ技唔用其他技能既時候，你係無可能到做 。
練火Ａ＊Ｂ 冰Ａ＊Ｂ 雷Ｂ 的時候
你要知道三類技能判斷速度都唔一樣
由快開始排起：雷Ｂ -> 冰Ａ＊火Ａ -> 冰Ｂ＊火Ｂ
你使用技能既時間亦隨之唔一樣
Ｅ項唔作詳講，因為版上好多文章，亦唔係我要講既重點。
既然你退（遠攻）唔得，不如試下進（近攻），進入敵方陣地進行放火行動。
因為你有聖光盾護身既關係，你可以進入戰場上最最最最（下刪幾萬最）多刀遊既地方。
即下圖綠色地方（小弟圖功粗略
紅圈地方為可進入區
橙為敵＊藍為已
當你進入敵人既地方，你就要不停小跳，交叉配合大跳，跳兩至三次左右立即逃出
點解要大跳呢？因為正常人都會小跳，你就要用Ｄ正常人唔會做既野令對手預測唔到你
如果你鐘意，你可以加入自己既獨特風格:o)注意：唔死，唔重傷為上
有時候，我鐘意山上小跳切入敵方後面，然後一直向已方軍直沖
當然，多當數都會被人見到然後圍攻。當發現自己被人睇上左既時候就會向任何一方向小跳一次，然後用大跳返回原位，冰Ｃ一下（無冰Ｃ可以試下雷Ｃ）
有時候，你會遇上神手級人馬。不過放心，你死過一次就唔會無啦啦再跳入去第二次，因為必死無疑。所以，你都係乖乖地練好Ａ＊Ｂ＊Ｃ技喇
請注意：以上方法為個人喜歡，如非必要請不要跟足每個步驟
（二）：白痴仔先會中既重力場
"哇＃！又冇人中，個＃個小跳避開哂！"Ｅ句說話如果係你口中經常爆出，就係因為你完完全全唔理敵人就放個重力場。
重力場殺人汁雞，阻人救命絕對好用（<-誇大事實），不過唔係講緊笑。
好多時候，重力場係以下情況係絕絕對對廢掉
就係拉鋸戰
不過，你亦都可以使用佢黎將無知沖入已軍放巨龍＊爆笑劍既戰士消滅。
就好似下面咁
將戰士（橙點）既退路完全封鎖
當然，你咁樣做，傷害亦都唔會高。所以你應該隨即利用技能將戰士既退路逼到重力場之內，不過戰士都唔係低能，正常人都會向無人方向走（有神手級玩家會繼續係已軍巨龍＊爆笑劍，請遠離使用其他技能）。如果係咁既時候，你可以做咩呢？如果無人追到佢既時候，你應該一個冰技＊雷Ｃ打落去（要注意其他人真係追唔到）。
咁如果係一堆戰士呢？通常Ｅ個情況就要睇下戰士走哂佬未，如果未就補多個重力場，如果走就應該圍隻戰唔切既戰士 。
如果你要將重力法練到高傷，你一定要練好Ａ＊Ｂ＊Ｃ技，因為佢地係你打重力場內既敵人既唯一攻擊技能。或者，你可以不停放重力場，利用高低無視既優勢，在敵方退就放後面；敵方進就放前面。
請注意：我家重力法最高傷都只有萬三，所以如果有唔岩既地方，請溫和地指正
（三）：打極都唔中既隕石衝擊
神奇三技中，令初上手者完全無法打中人既神奇技能。我曾經見過有隻新手法師全場隕石無打中過人，至少係我眼見既咁多次入面完全無中過人。
正常人都會係面向敵人使用技能，係唔係？我唔係話隕石唔洗面向敵人，不過你要知道隕石既攻擊範圍係
唔係我畫錯，亦都唔係你睇錯
事實上，隕石最右邊既石頭既會比較前，而且佢地落既速度分別係：中 ->左 ->右。
各位隕石法可以企係戰線既左下方（如圖黑圈）向右上使用隕石（如圖），你就可以盡量咁打到所有人
（其實唔一定要左邊．．．只要係斜斜地咁用，攻擊範圍就會大左）
當你明刀明槍咁用隕石既時候，你應該要預計將最右邊既隕石擊中目標而唔係中間既隕石，因為你用既方向唔係對住佢，而且佢既位置既最慢先至知道隕石落左黎 （最少起碼我次次都中
最有趣既係，只要你用左隕石，係隕石施法硬直期間，無論點樣，你既隕石都會如期攻擊。
請注意：以上為個人見解，如有使用上既錯誤，與本人無尢。
ヽ(ＴvＴ)ﾉ三
事實證明我真係極之無聊，大家睇完就算，只不過因為無聊先打咁多野 | 
發表於 11-11-13 08:55 PM
發表於 11-11-13 09:07 PM
