希望正視細細隻問題

佐ζ藤原

返左K1無耐既小弟(鬱姬) 真係忍唔住有感而發此帖!

剛公測離依家都有一段長時間, 大部份玩家都全身紫品+10裝,
而且總會最少有一粒吸血石係裡頭. 因為已經成為基本需要.
不過裝備問題唔講咁多~因為我先前都係靠屈裝黎打入動漫決賽=]

無錯, 出新角越黎越勁係無問題, 因為要吸引玩家去買或者合, 但係我
都有放過真錢同幾千萬GAME錢黎合細細隻, 一心支持呢個角色到依家
終於有隻黑級, 但係就連入PVP場既資格都無.小弟就覺得唔單止係角色
本身能力唔平衡, 仲有既係技能設計.

先前我亦都有影低細細隻所有技能升到10級既威力, 如下:
初始技: 起手龜速,範圍細,低攻
5級技: 距離近, 同樣兩hit低攻
10級技: 需要自身飛前, 食遠攻即破, 威力比其他任何角色10級技偏低.
15級技: 不知所謂, 如果想話細細係獨有補血優勝 我真係去跳河自盡!
20級技: 威力等同於其他角色10級技, 但係起手同HIT數就完全一樣.

另外我諗大家都有去過中華街打入邊一隻叫"女忍者"既細細隻.
先唔講佢有無敵時間, 但係佢既"旋影"同"瞬影"就真係嚇死我.
威力,起手速度,HIT數,攻擊範圍同音效都絕對比我正牌細細隻好.
真係唔敢諗如果女忍者再加埋穿心同怒影俾佢會唔會勁過哂上邊
堆BOSS.

唔知有無可能係細細隻全部技能既威力, 冷卻時間, 攻擊範圍,
技能附加效果, 技能類別, 技能音效同埋攻擊方式等重新再作
修改呢? 仲有就係細細隻到依家按"G"字儲爆氣都仲係無藍煙同聲, 歧視!?

marcoltw

鬱爺,好認同你所講,
我一直有勸08他們搞角色修訂計劃, 但只聞樓梯響
這樣吧, 我們1月比賽後, 在論壇以一個名叫"龍虎英雄修訂計畫"
俾大家對咁多個角色討論, 然而俾k1/08參考.

p.s. 你最尾張電影版細細的圖好正, 嘿嘿~

owenbb007

好同意 屈兄 所講 細細粒同浩南 真係有必要重做技能 最少都提升佢地2隻人物既攻擊數值 如果唔係 k1 真係失衡

不悔小龍

細細本是十分好用的角色不過講到比賽細細就真係好慘先唔講新加既角色之前係大亂對住小龍簡直係比人強姦一樣如果同一時間面對小龍圍攻就真係想死!!
細細係無疑用來刷野係好洗好用因為用魔相對較少而往開幾隻細細黎刷野由10lv2空開始刷刷刷刷到30lv好鬼正架!!現在連小龍都無十足把握既大亂面對無敵1技既洛軍真係慘慘慘!!

st850477

可能真係"遺傳"
無記錯同類GAME"武神三國" 都係同樣有隻可以回血既女人物(唔記得咩名了) ..D技都係勁廢+慢..

不過如果要講..好多都有問題..小似小虎咁 , 我追開龍虎門漫畫..啱啱上兩期先講緊話小虎一秒ko 6個人 ( 突出"腿王"的速度 , 如果有玩開"中華英雄"等等大型game應該都知用"腿"的係最快  )
但玩k1 -,- 打人就話啦..打怪招1技真係慢到..招5技又不見得可用"雷電橫空"來形容 . 兩招收手都極慢 . 講攻就真係..同一套水晶裝+全命 , 同洛軍/小龍等等差成200攻咁上下..技攻又唔係高.
另外小龍睇洛去好勁..不過都唔係冇問題..例如1/5技收手太慢..打怪都係極唔方便.

不過如果唔想咁煩就簡單小小..比玩家打關果時可以"cut"技就可以了..
例如 小虎/小龍 大家都知..打人果時 5/1 技cut得勁快 , 但可以有1 hit ..如果有得cut就冇咁煩

st850477

都唔只..我隻隻人物都有玩下咁.
好像山雞咁..唔記得1技定5技出手/收手都太慢了 ( 向上升果招 )
另外大飛..1技廢的 , 5技收手極慢.打得少,完招後就更會"倒怪" 要等起身先可以再打..就算要求呢招速度快一倍我都唔覺得過分 (拉火行果招)
仲有金羅漢..還可以說什麼..攻低技廢..