教卡位:
a1)如果對方控住波,你就禁住w制慢慢行前去,佢一插花過你,你就禁實前制再加左右係咁郁,係呢個時候,得2種情況,一係佢企返係到,一係就訓低左。
a2)當人地用特別嘅招例如大跨步，好易破,你禁住w,如果佢右手控波,就一定轉去右面，呢個時候,係佢未轉到去右面之前,你就行定右面,佢落地果下就用w+前，又係2種情況,一係就訓低,一係就拿住個死球。
a3)另外仲有種好得意嘅卡人方法,就係當個球係d死角位時,你俾人汁波,跟住即刻用w卡佢係角落頭,好得意嫁!
破卡位
俾人卡得最後就梗係中鋒,就拿中鋒黎講
b1)最無恥方法,就係跳入人地個卡位入面,之前有人話咩霸王步,係佢自己原創,其實係舊台板係人都識,不過唔用之ma,當俾人跳入黎,就唔好用w,就咁企係到同佢重疊一齊,到人地射完波,就要快過佢用籃下卡位,咁佢就pk左。
b2)一時行左,一時行右,得閒行出小小,又入返去,等佢係咁晒心機去卡你,總之你行左行右唔行前佢就卡唔到你,得閒黎個轉身行入去,ko!
b3)佢企籃底卡你,你就行入佢懷抱,定左1-2秒,佢就好似卡唔到你,你就會好似成碌柱企左係到咁,情況就好似2個人唔用w咁企左係籃底,當然你一郁又俾佢卡住,所以盡量唔好郁,等人射左先郁。
b4)係佢隻手後小小係咁係到左右咁推佢,係咁楔佢位
最後fs係用經驗練返來,唔可以紙上談兵,不過都應該有用。 |
發表於 07-1-10 10:42 PM
