轉]]情場秘訣大補貼 (好長的)

laam_stephy

1.表白
係你睇呢篇文既時侯,如果你定左日期,方式同對方表白既話
請你唔好行動住,睇完晒再作決定 ^^

表白,一種好普遍既追女仔行為
大家都認為,表白係決定命運既最後一步棋
但係有冇諗過,其實唔洗表白都可以呢?
係呢度賣下關子~呵呵
首先講下表白係咩黎先
表白,就係男方向女方表達愛意,希望對方接受自己
表面就好似好浪漫,但係實際上,其實係將主導權直接讓比女方
由女方決定自己生死!!!
成功,固然好啦,但係萬一失敗左呢?
我係(某壇)都回過好多人,叫人唔好表白
原因係因為表白係一種高風險既行動
除非你覺得成唔成功都冇所謂,咁我就冇野好講啦
但係我諗,用得表白呢招既人,都係希望成功,而且諗到將來好浪漫
我覺得用玩poker呢個例子黎解釋比夠易明
表白就好似攤開底牌同人玩poker,輸贏係決定晒係對方既手上
表白成功就係因為你運氣好到冇野好講,一開始副牌就好過對手
識玩poker既人都知,就算底牌差,都仲有機會贏
因為仲可以作大,等對方自動fold牌
你可能覺得表白係最直接既方法,但係諗真d,係咪真係次次都咁好運
表白成功只係數字遊戲,做得多(對住唔同人)咪會有次係掂lor
表白都有分三種
一種係三唔識七,第二種係普通朋友,第三種親密朋友
三唔識七同人講我愛你...真係牽強左D
對方可能完全冇留意到你,對你一無所知
就咁心口掛住個勇字,以為大膽女仔就會LUM,咁樣諗既人真係好無知
但係都會有可能成功,同之前一樣,只不過係數字遊戲
朋友關係都比較好,但係,對方唔係得你一個朋友
所以未必一定會留意到你,機會只不過係比三唔識七高少少
但係都係靠撞彩,有勇無謀
親密朋友機會係最大但係都係要睇識唔識得利用呢個優勢
有D女仔會覺得做親密朋友好D,一來有個人可以傾心事
不過,最重要都係,冇個種鍾意既感情係度
其實只要花少少心機,動一動腦,好容易就會產生呢種感覺
總括黎講,表白係一個值得忽略既步驟
就算係要表白,都唔應該將表白當成決定生死既情聚
應該係有晒萬全準備時先過既最後一關
除此之外,仲有一個更重要既原因表白唔應該做
就係好多時係男方向女方表白時,就算女方對男方有好感
都會係一迅間失去左個種吸引力
2. 心態

今次想講既係~~心態!!!!
就係因為情人節就到先要講
我諗,如果我講晒d方法出黎,d人一定會即刻係情人節用
拿拿聲搞掂就算,到時衰左,又怪返我教埋d冇用既屎橋比人...

唔講d無謂野~正式入正題
係度開post既人,十之八九都係有感情問題想搵人幫手
好多都係講分手,比人一腳踏兩船,x長腳等等
而大部分既受害人都係男性
有時真係覺得...身為男仔,點解會仲軟弱過女仔呢?
唔通,愛情就係一切?答我"係"個d人,你地生活圈子真係好狹窄...
改變唔到自己既諗法既話,再睇落去都冇用
要想成功追到一個女仔既話,首先就要做好自己
軟弱無能既男人係完全冇吸引力可言既
點樣為之"做好自己"?其實冇咩特別
只要識企起身,抬起頭就得,唔好因為感情問題就一振不起
周圍同人講自己既經歷,博人同情,呢d做法真係有d令人睇唔過眼
唔係可憐個種睇唔過眼,係覺得你好煩
比人飛,冇左女朋友...呢d事個個人都試過
再慘d都有,同其他人比,真係小巫見大巫
感情失敗呢d事,根本冇咩大不了,冇左咪冇左lor
既然對方同你發生左問題,唔可以係埋一齊,即係佢唔係你要搵個一個
與其停滯不前,不如努力搵下一個仲好
一腳踏兩船既話,唔理你下一步諗住點
呢種人就係唔值得你為佢付出既,做咩要為左佢令自己難過
不如堅強d搵過過好佢千萬陪既另一半,證明比佢睇你係有條件既
如果你係呢種人,就要改下,一個唔值得你愛既人,再為佢付出都係無補於事
另一種心態,就係太早"付出"
上一種心態講到d人點樣為感情問題傷心欲絕,原因係邊?
我認為係"濫愛",呢個唔係只一腳踏兩船,係指唔識分辨"值唔值得付出"
舉個例,有日你落disco識到個女仔,好快你就同佢拍拖,咁呢個女仔算唔算係值得個個呢?
答案我諗有去開disco既人都知係"NO!",如果知道對方係玩玩下既心態既話
做咩要去"愛"佢?其實"宗"個頭埋去已經係一個錯誤啦,除非你都係玩玩下咁
但係都唔排除個女仔係真心既~~咁又點講得通呢?
聽住啦: "係對方未證明到佢係值得你既愛之前,都唔應該盲目付出"
點樣證明就要靠經驗啦,你覺得佢證明左既話,咪去嘗試付出囉
大個仔就要識得分辨是非嘛,你阿媽生你唔通冇生埋個腦咩~呵
明知人地比個tum你踩,就要識得避,想成功,就要識得點用個腦
呢個例子就講太早付出
另一種盲目付出既係明知道對方不忠/對自己冇感情
都要傻傻地愛下去,聽落就好浪漫感人,實際上?
多餘!!!唔單止令自己痛苦,仲會煩到身邊既朋友
第二條法則: "當對方唔再愛你時,相對地就應該停止你對佢既付出"
雖然聽落好冷血,唔人情味,但係現實就係唔同童話故事
愛情小說個d,睇少本好d,沉醉係呢種童話世界入面只會令你係真正拍拖時更加辛苦
第三種心態,又係宜家呢個時期好流行既
節日心態!!!唔知大家有冇留意到,
逢係d咩特別節日,例如:平安夜,聖誕節,除夕夜,情人節,等等
一定會有一大堆人諗住去馬,就算本來唔係咁打算既
都會有其他人咁建議,呢種心態係最白痴,又最無知既
你係決定係呢d節日同個女仔表白個時,先問下自己:
"點解要咁做,我究竟係想追個女仔,定係想搵個伴過節?"
上一篇講過表白既壞處,呢度費事重覆
追女仔呢樣野,係要有耐性,要放長線釣大魚
除非你好肯定你會成功,否則只會功虧一簣,就算個女仔對你有d好感
你都好大機會舐野,同埋,呢d節日,以後大把啦,但係你追女仔既機會只有一次
衰左再翻身都幾難下,既然係咁,何必急於一時?
仲有記住,大部份女仔唔係"物質"滿足既,而係"心靈"上滿足
唔會好似男仔咁,樣靚身材正就ok,點都要講feel
所以更加唔會因為節日既需要而隨便同人開始
就算開始,對方只不過當你係水泡,唔會好長久
時機一日未到,都要忍住唔好亂行動
人地話:愛情係盲目既,我自己就覺得,盲唔盲係見人見智姐
我會選擇睜大隻眼去做人,咁先係明智既選擇
我自己就咁諗,你地又打算點做呢?



3. 追既定義

不過以下落黎,係一定要明白點解表白係唔好用既做法
仲係覺得表白好用d既人就無謂再睇,學極都冇用
呢d就係"未學行,先學走"既意思,前兩篇都諗唔通既話
之後呢d會令你覺得更加混亂
係出呢篇之前,有出過篇前言搜集下資料,唔知大家有冇留意到...
冇留意到既,可以去
睇下
總括黎講,咁多個選擇,係冇一個岩既...呵~~
所以以為揀岩左既人你地中左我計啦~

講下點解會錯
1. 買禮物tum佢,請佢去d高級餐廳食野,次次出街,吃喝玩樂全部包晒!!!!
以為買野tum人就可以追到女,太過低能既諗法...你買得起,第個都買得起
同埋,咁樣會比對方覺得你同其他追求者同一種類
要學追女仔,第一樣要識既就係點樣突出自己,點樣可以令對方比高分你
就算唔理呢d,比你追到呢種女仔,90%都係鍾意你d錢唔係你個人,要黎冇用

2.表白!!!同佢講我愛你,因為成日撞到佢都發現佢望住我,實係對我有feel la,正所謂,做左,有50%,唔做,0% ma
第一篇講左,呢種突然既做法係好不智既,除左嚇親人之外應該唔會有咩作用
至於成日撞到對方望住你呢d野,其實唔係真係佢"成日"望住你
簡單d講,其實係你成日留意住對方先會發現人地成日望你
當你鍾意一個人既時侯,你會突然變到好留意對方一舉一動
對方所有行動都會放大左,所以你會留意到你之前冇留意到既野
其實佢唔係淨係望你,其他人都有望,只係其他人冇留意到姐,唔代表佢"成日"望你
50%,0%更加冇根據,其實表白係低過50%成功率
呢度只係計左"做"同"唔做"既比率,完全冇計埋其他因素入去

3.慢慢接近佢先,同佢做住朋友先,熟左再展開熱烈追求
同第一個例子好相似,因為好多人都係咁做,所以完全表現唔到自己既獨特
你做得好,實有第個做得好過你,對條件高既女仔係冇咩用既
對方盡其量只會當你好朋友,唔會對你有咩特別諗法
追求其實同表白一樣,因為兩個情況入面對方都知道你對佢有意思
不過追求冇咁直接姐

4.叫個朋友同個女仔講/散播消息比身邊d人知,同個女仔明示
明示,同表白一樣,只係個女仔唔會即刻拒絕你,因為未到最後關頭都唔想搞到大家面??
另外,我覺得好多時講比第個知唔係一件好事,你永遠唔知你個朋友會做d咩
可能佢即刻幫你向個女仔表白,又可能周圍八比人聽
兩樣都唔係好事黎,如果佢口唔密,飲醉左亂講野...仲死
所以....無必要唔好講比第個知,除非佢係個好值得你信任既朋友

5.都係唔好la....等佢追返我轉頭好d(電台都咁講ma,實冇錯既 = =")
呢種做法,我最鍾意,不過都係錯既
唔係話我做錯晒,而係呢度用既心態唔好
"等佢追返我",即係被動啦,邊會有可能有咁多女仔鍾意自己送上門比人
你唔追既話,就算對方鍾意你,都會忘記你
至於我既做法,唔係等人倒追,而係比對方"覺得"係佢追緊我
當然之前要做d野令對方想追返自己

6.狂搵佢,又打電話,又sms,又約佢出街,要令佢既生活只有我
追女仔...唔係追殺個追....
係人地眼入面,個女仔直情好似欠左你錢咁,你就好似收貴利咁
狂搵人,唔會日久生情,只會令對方覺得你好煩
未開始都咁煩,開始左,咪直頭軟禁埋?
對方都有自己既生活,唔可能24小時向你報到,要比返小小自由佢好d

7.同佢做frd,不過,佢有咩事要幫手即刻幫佢,佢要咩即刻買比佢,比佢覺得我好可靠
好就話可靠,實際上其實係阿四
同第三好似,因為實有人比你更幫得佢手,所以機會真係好似抽六合彩咁
同埋,長時間養成呢種習慣,會令佢當你係工人多過係追求者
女仔想搵既,係一個同佢平起平坐,管到佢既人
唔係一個可以比佢指指點點既人
如果佢真係有嚴重問題時,佢唔會覺得你可靠,反而覺得你係負擔多d

8.浪漫主義,摺999個玫瑰比佢,再演奏情歌比佢聽,再講一大堆好sweet既對白,一定要lum到佢死~
現實...唔同愛情小說,追女仔唔係lum人就夠
至小都會睇下對個個人有冇好感,冇既話,越做越黑人憎
同埋,比人感覺係你成日幻想,唔實際,一d都唔成熟
浪漫呢d野,我覺得最好係一齊左先做,不過一定唔可以太過火,間唔中做下已經好夠
女仔係鍾意人tum,但係唔係人人都得
除非你真係靚仔過金城武,魅力仲勁過007,否則,呢個係最壞既選擇
以上都係錯既,咁點追先係最好呢?要點先可以突出自己呢?
反轉黎諗,點解一定要男仔追女仔呢?咁樣一開始自己就處於不利位置,任對方魚肉
咁如果女追男,點先可以令佢追我?情況就好似玩六合彩咁,咁多個入面抽一個
點知道對方一定會抽到你?問題就出係呢度啦,不過,有問題就實有答案
直接講,實有人唔認同,所以比你地自己諗下
追女仔個中心點就係個女仔度,所以我覺得由女仔既角度去諗可能會有說服力d
除左一d主動d既之外,好多女仔都係等人追既,咁佢地鍾意人既時侯會點呢?
由其係有條件個d女仔,唔通真係揀個就手既,普普通通既就夠?
錯,有條件個d女仔好多時都會主動同人做朋友,之後自自然然就一齊左
由朋友變情人,中間發生左d咩事呢?答案都係係女仔身上得出黎
由其留意下d靚女,唔係叫你睇靚女,係叫你留意下佢地同其他女仔有d咩唔同
呢度我就唔寫答案,比你地自己諗下......
追女仔既重點就係度,明白左之後好多野都會清楚晒
如果你可以做到呢一點,咁你就可以好似靚女靚仔咁,身邊一大班追求者
就算冇,都唔會再追唔到女仔(唔係百份百成功,但係至小增加成功率)
慢慢諗啦~~~~有d野係要自己去發現既,我就指左條路比你,識唔識行就睇你自己
當然,除左呢個答案之外,追女仔仲有好多野要學既,呢個只係重心之一
答案...唔好問我係咪呢個係咪個個-.-你覺得岩既話就岩啦~~呵呵

laam_stephy

4. 吸引力
廢話講完,講返上一回既答案,好多人都好近,但係諗得太深入
其實好簡單,只係"吸引力",動物界都係咁,如果雄性想同雌性交配,就要試圖吸引佢
好多膚淺既人就會話:"靚仔有錢咪得LOR~溝死女架"
我真係會突然有想丙人既衝動= =追女仔呢門學問咁簡單,又點會有咁多問題發生?
靚仔同有錢係因素,但係呢兩樣都唔係一D可以確定既因素
靚仔,天生既,不過你可以去整容,但係要我為左追到女仔而去搞埋呢D野,我會寧願去用D錢買部PSP好過
有錢,睇你投胎投得好唔好,撞正個有錢老豆,係就係第時可以努力,但係到左有錢個時你都冇左好多青春
具體黎講,吸引力,可以分開兩個因素,先天同後天
先天既因素:身高,樣貌,有錢....等等
後天既因素:性格,衣著,髮型,散發既氣息
先天既因素,好多都冇得改,你可以做既就係改變後天既因素,將所有因素改到最好,成為一個高分既追求者
有網友講話,做一個高分既追求者冇用,只要踩到入去女方個心入面就得,咁既講法係冇錯
但係大前提係,你一開始點樣踩入去?都係要追溯返去吸引力度,要對方對你有興趣,你先有踩入對方個心既機會
做一個高分既追求者既好處,就係可以突出自已,比對方發現你既存在,唔再係男方主動,而係雙方都主動,變做"互動"

吸引力有好多種,不過有一個好消息比天生條件差既人~~就係先天吸引力係女性心入面佔左好少既比例
唔信既話,不妨問下身邊既女性朋友,佢地會對一個靚仔但怕醜既人定係樣貌平平(甚至樣衰)但有自信既男仔有興趣多d?
就算話係靚仔個個,但係心入面其實都係想接近有信個個都d
靠樣追女仔既人,就算追到個女仔,都唔會維持到幾耐,同埋一個睇樣既女仔,真係要唔過
我最近睇緊一本講搭訕既書,入面經常提起一句:"a pickup artist must be an exceptional to the rule"
唔明英文唔緊要,我覺得唔係淨係pickup artist(好似冇中譯,大約係情場殺手咁啦),作為一個追求者
你都要做一個唔跟住慣例行事既人
舉一舉例子:係bar入面,如果其他男人都買杯酒比一個靚女,你就應該行埋去同對方講野,但係叫野飲時只係叫自己個杯
唔好理風唔風度既問題,首要條件係留一個深刻既印象比對方,之後先對人地有風度
因為吸引力真係一個幾大既範圍,所以今次講住一部份先~~
首先講一講吸引力有邊d,有d之前講左就唔講多次啦
其他既有:自信心,成熟感,安全感,神秘感,"壞",不在乎,等等
呢d都算係後天因素,可以訓練出黎既,只係睇你堅唔堅持到姐
今次講下"壞",好多人都話"男不壞,女不愛",其實係點解呢?
壞,唔係殺人放火個種壞,而係有d反叛,喜歡刺激個種壞
女仔好多都唔會一開始就定性,諗定結婚生仔呢d野,至少佢地比男性成熟得慢
所以一個悶既人係唔會吸引到女性既,對女方黎講,只係好似多左個老豆管住自己咁
一句經典既女性拒絕金句:"你係個好男仔,但係...."
其實真心話係話你個人好悶,冇d刺激感,但係遲鈍既男仔就會諗
"如果我係咁好既話,點解你會唔接受我呀?",如果你係呢種人,睇完就唔好再問點解啦
好男人既定義:太過正經,唔識點去玩,一霜情願,過份痴情等等
以上講既有你份既話,你今日就應該改一改啦~~好男人只會出現係愛情故事入面
現實係好殘酷,你玩唔起就唔好卷入愛情既問題入面啦
想成為一個壞男人,最好就係有一班損友先,因為佢地可以令你走出自己以往既生活圈子
如果你成日都係屋企上網/溫書既,識左呢種朋友,你就會變得成日出去玩
如果你做小小野都驚既,識左佢地你就會變得大膽左
唔係要你完全學壞,只係令你個人變得"好玩得"
第二點就係比人覺得你係隨時會走人既伴侶
當對方發覺你先係被需要個一方時,佢會比較著緊你,同時會減低佢出去偷食既機會
其實呢d point度全部都有牽連住另一個point既,當你學到一個,自自然然就會學埋另一點
要改變自己,就要踏出第一步先,有d人未試就話難做,咁我覺得你不如做個麻甩佬好過
金永遠唔會擺正係你面前比你既,通常會出現係你附近,等你行過去執
行唔行得出個一步先係關鍵
又差唔多係時侯完啦~~~如果對呢回有問題,意見既可以回post/MSN/PM我
你地如果睇得多漫畫/打得多機既,可以留意下D人物有D咩魅力,不過我就覺得睇真人個D好D

laam_stephy

5. innergame

inner game,就係內在既心理結構,但係好多人都冇打好呢d基礎就追求
偏偏呢樣野係追求過程最重要既野,因為呢樣係中心點
做唔好既話就算教晒其他野都仲係一個失敗既人~~我自己都花左唔少時間係呢一步
有幾樣野一定會發生既:
1.聽完之後會覺得好怪,唔易接受
2.明左道理但係做唔到
3.做到但係只係表面性
step1幾乎一定會發生,唔好咁急否定住,聽完再慢慢諗,好快就會諗得通
到左step2,雖然明晒,但係做唔到,我健議唔好一次過做晒,做到一樣先再做下一樣
step3係最難,我自已都仲未通過...
做到一點唔代表你掂左,內心有猶疑時,代表你同之前冇分別,一定要真心咁認同inner game
唔係做,而要"係"
舉個例子: 你可以做一d有自信既野/舉動比人睇,但係唔代表你就係一個有自信既人
最危險既係當對方接近你時,佢就會發現你既虛偽,所以呢d野冇得扮,唯有花多d心機...

1. 一開始時唔需要太投入,追求對象超過一個都冇問題
太過投入就容易係追求過程做錯野,比人拒絕個時更加係囉苦黎辛,所以,追求用輕鬆既態度最好
追求係單方面既行動,同埋又冇任何承諾,何必要限制死自己呢?
更何況你一心一意對人係追求時係唔會有任何回報
同埋搵多個對像可以令你唔會咁投入,因為你既注意力分散左係幾個人身上
當然我唔係建議緊你拍拖後一腳踏兩船,不過你要咁做我都冇計
(個人覺得同時間追2個人真係好徙心力,所以覺得追一個比較輕鬆)

2. 唔好介意成敗得失,反而要享受比人拒絕
學下點睇開d,感情唔係你生命中唯一既目的(答係既人你地真係想比人鬧定啦...)
追唔到唔代表你係個失敗既人,只係代表左你既"方法"失敗左,下次試下第個方法
換個角度諗,今次失敗代表左你離成功又近左,而每一次失敗你又會學到d新野
呢一點同第一點有d關係,都係唔好太在乎/投入,未拍拖時太在乎只會令自己辛苦

3. 就算依家比人拒絕左,永遠都有個更好既對象係出面等緊你
第二點既分支,可以令你唔會糾纏於一個目標
試下用另一個觀點睇,佢今日拒絕你,你冇損失左d咩,係佢損失左一個好機會
同埋佢唔受你,代表左對方都唔係一個好玩得既人(當然你係有條件,唔係指外在)
你都唔洗點失望,因為同佢一齊唔會玩得好開心,出面實會有第個同你玩得埋既人

4. 相信你自己既條件(前題當然係你有條件先)
自信心非常重要,如果連你自己都唔相信自己,咁你點要求人地相信你?
同埋有自信既人好多都會外向d,好玩d,咁樣先吸引到女仔,問心一句,你有未?
仲有女仔會不斷試探你係一個真男人,要應付呢d試探,首要就係有自信
相信自己既條件有助於第二點,因為你相信係個有條件既人,你唔會覺得損失個個係自己

5. 對方唔受你,係佢既損失,係佢錯失左一個好機會
諗深一層,香港(甚至其他地方)會有幾多個男仔係咁有條件呢?
有條件既女仔(外在)就大把,但係有條件既男仔(內在)真係唔多
佢今日走失左一個,就好難搵到第個,相反,你就可以第二日就係條街度搵到另一個靚女
80%男性擇偶條件係根據對方樣,身材,只有20%睇性格,內在
而女性岩岩相反,80%睇內在,20%睇樣,所以女性想搵個理想對象係比較難
所以如果你係一個有條件既人,應該會係搶手貨,有人唔要佢地真係唔識貨,佢一定會後悔

6. 係對方需要我,唔係我需要對方
當然,一段感情中,大家都應該需要大家
但係依家只不過係追求(甚至初識)中,比對方覺得你需要佢有害無益
情況同第一回差唔多,你比佢知道/覺得你需要佢,就係比左主動權對方
另外一個原因,當你太過表現出你需要對方時,對方會覺得你有好大性需求
對方只會將你歸立去失敗者個堆,一歸左類就好難翻身令佢對你改觀
最後一點,就係女性會對有強力需要既男性築起介備心,未開始追求就有介心,仲有咩機會?

7. 覺得自己係一個受歡迎既人,其他人好想同你一齊
首先,一齊唔係指拍拖,而係普通朋友鍾意接近你,同你傾計,玩等等
女性會鍾意一個有好既人際關係既人,佢地會由你身邊既朋友判斷你係一個點樣既人
仲會因應其他人對你既態度方式而將你評分
換句話講,即係佢地由其他人點對你而改變對你既方式
覺得自己受歡迎可以令你散發positive energy(正能量,中文直譯應該係咁)
散發positive energy有助於其他人對你既親熱程度

8. 唔單止相信自己條件,仲要相信自己既方法
好多時我個腦都會同我講,我所學既野係冇用,不斷企圖打擊我自信
我諗好多人都試過...呢樣野,你一生人中唔單止追求時,做咩野都會遇到咁樣
呢樣野係冇得改既,一定會出現,所以唯有面對佢,唔好比佢影響到
唯一解決方法就係要信,無論點都好都要信自己係做得岩(當然擺到明做錯就另計)
係追求過程中,第一樣令你失敗既野就係情緒
永遠唔好聽你個腦講咩,當係有隻魔鬼係度打擊緊你,佢講既全部係大話
只要過到呢關~~就成功在望啦

9. 錯不在你,乃在做法
當你被對方拒絕時,唔理佢用咩籍口(其實好多時侯都係個女仔對你冇興趣)
都唔係你本身作為一個人既錯,錯既係你用既方法
即係你本人唔係有d咩唔錯誤(樣衰呀,皮膚唔好呀,太過矮呀等等)
只係你追求(吸引)既做法有問題,不過同之前一樣,一個錯誤係你吸收經驗既好機會
比個例子:有個女仔同你講:"對唔住呀,你唔係我鍾意個個type"
唔係等於你真係唔係佢個type,咁樣只係代表左係你追求(吸引)時某一處你做錯左d野
當然,我唔係叫你咩都賴晒方法問題,如果有得改善既最好改善啦
(e.g.有暗瘡既打理下,唔識點著得好睇d既去問下人)改到既盡量改,呢d野唔好懶
後記: 以上咁多點,唔係要做,而係要"係"
唔好去諗"我有自信我有自信...",因為當你去諗時,你已經唔係有自信
有自信既話,你洗咩去諗?呢d野只有靠你自己不斷嘗試先會明
6. 女性心理

對男仔黎講,女仔係完全唔合邏輯既,可以話係講一套做一套
冇錯,女仔的確係咁,不過唔怪得佢地,因為佢地有時都唔知自己已經做緊d咁既野
有冇試過有女同你講佢想搵個真心既男朋友,但係到最後竟然跟左個飛仔?
有冇試過你女朋友同你講佢鍾意你對佢好,但係竟然比一個郁手打女仔既人搶左你女朋友?
有冇試過你既對象講話想有個可愛既男朋友,但你扮可愛時佢就話你好幼稚,一d都唔成熟?

根據以上案例,可以得出一個結論:女仔所講既唔係佢地真正需要既野
表面上,佢會同你講出佢既條件,但係當佢得到時,佢會用另一種態度對你
其實男仔都差唔多,一個男仔可能會話想要個痴身d既女友,但係有左時就覺得對方好煩
不過男仔就比較晚熟,就算到到21都仲對童話故事既愛情有憧憬
相反,女仔就算仲有呢種憧憬,佢地身體已經自動追求緊另一種愛情
呢d野發生係潛意識中,所以女仔跟本唔知自己點解會咁,點解會鍾意左一個咁既人
有冇試過問你女朋友點解會鍾意你?佢地通常都會答"我都唔知呀",呢個就係最好既例子
咁女仔究竟真正想要d咩?點解想要?
個個女仔都係想要一個"強"既男人,強既定義係指對方係社會生存呢一方面
係非洲一d仲未開放既部族度,呢一個觀念就比較明顯
係一個部族入面最強既男人就有機會去揀族入面一個女人做佢伴侶
而弱既男人就通常係得返好少選擇,甚至冇機會去揀
定義"強"既方法多數係通過打鬥,獵食,同其他部族開戰,肌肉,健康等等去判斷
你可能覺得佢地咁樣比武招親既方法好老土,但係唔好唔記得,其實你自己都係咁樣做緊
只不過因為時代唔同左,人既觀念都改變,"強"既定義已經唔再係好打就叫強
要生存係呢個社會,仲要有錢,有屋,職業,聰明,有生意觀念呢d野
而成熟感,自信心呢d野,其實來來去去,都係一個"強"既人本身擁有既質素
點解想要?基本上,呢一個觀念到左呢個時代,已經冇再咁明顯
不過仍然係我地下意識中進行緊,但係因為進行得好快(幾秒間),所以我地完全唔為意
如果比個男人見十個女人,佢可以好快將佢地排列好位置,而有條件個個女性通常會排係最頭
男人揀女人既方式大部份都係由對方外貌,身體黎分類
有d男人會話佢地會睇內在多過外在,我認同內在都重要,但係我地個腦仍然會自動排列
女性都係一樣,佢地可以好快係一堆男人中搵出一個最有條件(強)既,並自動排列
原因其實同動物一樣:繁值後代,人都係動物黎,自自然然會想繁值更好既下一代
就係因為咁,所以先會有"排列",因為你覺得一個人條件好d所以想追求佢
打個比喻,假設兩個同樣條件異性,你會想同個體弱多病定係個身體健康既人一齊?
仲有一個原因就係女性需要男性既保護(唔係打算引起性別歧視既話題)
唔單止需要一個男人去保護自己,仲需要人去保護埋佢既後代
所以一個強既男人係比較著數既,好多動物都係因應呢兩個原因去搵另一半
咁係咪強既話就可以得到對方?唔一定,強既話只可以增加你既勝算
就算到左呢個男女平等既年代,係追求呢方面,仍然係女方做揀個一方
有幾可見到係男既揀女既呢?就算比你做到情埸殺手,你都係要等對方揀你
大部份既女仔都好鍾意亂諗野,有時覺得你出面有第個,有時又覺得你唔愛佢等等
如果根據之前講過既第二個原因,咁樣就一d都唔出奇
舉個普遍既例子,一個男人同一個女人拍拖,個女人懷左孕,之後個男人怕負責任就一走了之
由呢個例子可以發現:女性好多時都係損失個一方,而且仲係負責任最多個一方
所以先要好小心咁搵個(自己)信得過既人做伴侶,因為好大機會會一個人照顧個bb
就算唔係懷孕既case,賣廣告都有話"男女其處一室,女仔實有損失",男仔有幾時會有損失?
就係咁女仔先會有多疑既性格,基本上就係天生既,冇得改,而男女都唔係真係"平等"晒
呢個觀念都可以解釋埋點解女仔多數係主動題出分手個一方
只要男方有令人懷疑,比唔到成熟感對方,有d信唔過
女方為左保護自己既利益就會同個男既講分手
如果你係男既,我建議你預好會撞到呢d問題先好拍拖,頂唔順既就係代表左你仲未成熟
講到呢度應該睇到好悶啦,講下另一方面既心理啦~
大部份既單身男女其實都好寂寞既,呢個係無可否認既事實黎
當然係有一d會與世無爭,看破紅塵既人存在,不過呢d多數都出晒家做和尚/尼姑...
而寂寞既人比有拍拖既人會對愛情特別多幻想,由其係未試過個d(基本上人人都會幻想,不過係多少既問題姐)
但係咁唔代表擇偶既要求會降低(男女都係),男既唔想搵件豬扒拍拖,女既同樣唔想要件牛扒
好多男仔以為,追唔到個靚女,咁追個冇咁靚既就實掂啦掛
呢個係錯誤諗法黎,個個女仔都係追求同一樣既野,你冇既話就幾乎連一個女仔都得唔得
d人成日話要求高,但係其實唔係咁樣,而係因為時代既改變,令到生活舒適左,男仔"強"唔再係必要既生存條件
換句話講,人類係某一個程度其實係退化緊,而且一代不如一代...
另一個原因點解條件較差既女仔會拒絕一個男仔係"羊群心理"
如果你追求一個條件好既女仔比對方拒絕時,其他女仔就會覺得你好失敗,你既地位(social status)會下降
因為咁所以你吸引力會同時下降,而令其他女仔拒絕你,令你覺得更加自卑
咁唔通就咁就一世?唔係,只要你今日下決心成為一個"強"既男性,你就唔會感到自卑,同時可以重新定立你既social status

laam_stephy

7. 吸引力x2
吸引既定義:

吸引同鍾意唔同,吸引可以係好短時間內產生(如果你做得岩)
如果你覺得一個人好傾,覺得佢靚仔/女,有性格,等等
你就已經算係"被吸引",基本上吸引同好感好相似,不過更加簡單
但係,唔等於明白如何吸引就可以令對方鍾意你(都係做法問題)
吸引仍然可以發生係朋友之間(同性都係),好朋友另一個講法就係受彼此吸引
流程:

First Sight Attraction -> 目標接近/認識 -> 對話 -> 吸引(追求)

以上流程只係解析主動識人既時侯,朋友介紹個種相識有d難解譯下..
不過其實都係差唔多,好多時都只係時間問題,流程之間可以間隔好長既時間
例子:a君識左b女,起初對b女冇感情,但係之後又鍾意左b女
之前講左,吸引=/=鍾意,所以a君唔需要鍾意對方先去識人
而對話->吸引中間可以分開好長時間,甚至唔會發生

First Sight Attraction,之前都講過,70%男性係因女性外在條件而被吸引
所以吸引可以係好短時間(望一望)之間就發生
而女性方面,可能會因為男方既群眾等等魅力而受吸引
點都好,如果你憎/對一個人冇興趣,你就唔會想去識對方啦
去到認識個環節,可以有好多種認識,搭訕,朋友介紹,上網識等等
其實點樣識到對方唔係幾重要,只要你開到口,咁之後講咩都可以叫做"識左"
重點係由第一句話(認識)至對話既開始中間,要點去繼續傾到落去
如果對話停左,咁就冇辦法去下一步吸引/追求
流程方面吸引之後仲有一堆野,不過今次重點唔係講呢d,只係比個idea大家
講返吸引力,之前講過,女性鍾意強既男人
所以基本上吸引力其實都係圍繞緊強既人既一d特徵,都唔會有太大變化
如果你係個種軟弱既人,就無需要再搵捷徑,以軟弱既性格制做浪漫,勞力,呢d根本唔可以叫做吸引
另一個最常聽到既自我催眠訊息,"再等下就會出現架啦",就算真係出現左,你覺得你有本事追到佢咩?
所以,唔好再自欺欺人啦!一個無法吸引女性既男性,根本唔可以叫做一個"男人",因為呢種"男性"已經同性無能無異
雖然係好難聽,但係呢個係事實,最好早日接受,個個人一開始都係咁樣
吸引力分開三種, 1. 無接觸既吸引力, 2. 間接接觸既吸引力, 3. 直接接觸既吸引力

1. 無接觸吸引力
好多時都會聽到一班女仔係度討論男仔,講阿邊個比邊個好d
當一個女仔覺得一個男仔a比另一個男仔b好時,已經代表左個女仔受a吸引多過受b吸引
呢種吸引力有可能係樣貌,身材,家底,身家,個性,社會地位,受唔受異性歡迎,等等

2. 間接接觸既吸引力
經過朋友/他人既接觸而表現吸引力,朋友/他人通常指係女方既人(相熟/識)
而條件係要女方都在場見到,你的佢個朋友去廁格傾計唔計- -...
例子:你同女方個朋友傾得好開心(你傾得開心冇用,要佢個朋友傾得開心先有效),咁樣女方已經唔多唔多唔少會受吸引,而佢都會想加入你同佢朋友既圈子一齊傾計
當然仲有其他,不過唔想一次過講咁多

3. 直接接觸既吸引力
即係直接同女方接觸,由接觸中產生吸引力,我個人相信呢種吸引力先係最重要
其他吸引力只有可能令對方暗戀你,但係可能性好低,所以諗住走捷徑既人就冇謂徙心機啦
接觸,唔單止係對話,仲包括左身體語言同其他接觸中發生既野都會影響到吸引力
同一個人既直接接觸可以睇得出對方係一個點樣既人
例如性格,興趣,同朋友相處,脾性,智識,點樣對待女仔等等
有樣野要講清楚,就係呢d野唔可以"扮",一定要"係"
如果你係假扮出黎既,對方好快就睇得出黎,同時都會懷疑你其他吸引力係真定係假
另外,唔好打算講比對方知你係一個有吸引力既人
即係同對方講:我好有型,好多女追,係人見到都望過黎,等等
就算係其他人...我諗都唔會信你講既野,而且仲會比人覺得你好黑人憎
點樣去吸引對方?答案係成為一個"強"既男人,一早講左係冇捷徑架啦...
我可以好明確咁同你講,點溝女點追女呢d野,係冇一招招咁計,你係咁諗既話,你只不過係另一個搵捷徑既人
只要你成為一個強既男人,剩落黎既就只係點樣去"講"比對方聽你係一個強既男人
不過~~~我想賣個關子,因為如果係呢度講左,我諗教左男仔點去做都冇用,因為對方已經知你做緊咩,一早起左介心
跳返去開頭認識...點樣去產生對話(吸引力: 好傾/有趣)
第一樣野一定要知既,你只有30秒時間(唔會再多)去令對方覺得你係一個有趣既人
30秒過左,你仲係一個悶既人,又或者你仲係諗緊講d咩去令對方產生興趣
你就已經被定生死,再講落去都冇意思,就算之後再返黎傾過,都已經定左係一個"悶"既人
HOW TO DO IT?當然就係用問題,永遠唔好用statement去接話題
女方冇義務去同你傾,所以你要做問問題個一方,覺得麻煩?不如唔好做,繼續做一個"性無能"既人就算
問題方面,永遠唔好問個種得三個可能性既問題: 1. 係, 2. 唔係, 3. 唔知XD
與其話唔好問,不如話唔好比機會對方咁答
如果呢種答案出得多既話,咁就變左唔係兩個人既對話,而係單方面既對話
女方會對一個一開始就冇吸引力既人產生"反抗",佢地會諗點樣去甩身
所以你要做既係令佢地係不知不覺中解除介心,通常用幽默令對方笑係最好既解除方法
有一點要留意,搞GAG=/=幽默,而搞GAG都唔係吸引力,只係表現出你幼稚,或者係小醜一個
用講笑黎對話,都唔係完整既對話,講笑其實會直接將話題CUT左,所以少用為妙
幽默應該當係一種廚飯香料咁用,唔夠味時落少少去增加味道
仲有講笑話都係少用D好,因為同搞GAG一樣都係CUT話題既野
正確做法應該係問一D需要比意見既問題(問對方LV袋定BUBERRY袋好睇D呢種意見唔算)
另外,最好一開始準備多幾個"意見話題",到時DEADAIR可以再傾落去
8. 混合

Trouble shooting篇:

問: 唔識個女仔,第一句講咩好?
答: 第一句講咩其實唔重要,但係一定要自然,同埋要比對方覺得你係隨機性問到佢
另一點要記住既係,第一句話最好係問題,仲要係open ended question
    open ended question通常用(點解,點樣,你覺得)黎開頭,目的係要對方既答案多過兩個可能性(係,唔係,好,唔好)
    例子: (錯誤做法) 男:可唔可以比你電話號碼我呀
女:....(得兩個可能性既答案)
          (正確做法) 男:唔好意思呀~~我想問你比一d意見,咁既~我個frd.....  女:....(答案既可能性多過一個)

問: 個女仔好多人追,好大壓力,點算好?
答: 其實,有條件既女仔一定有人追ga la,想要搵個冇人追既咪降低自己條件lor
    不過點都好,多人追既同冇人追既難度都係一樣,冇人要個d唔代表會降低條件去揀個冇用既男仔
多人追個d唔代表會求其應承其中一個追求者,我自己覺得,其實多人追個d先易追
只要識得點突出自己,對方就一定會留意到你啦(女仔其實好敏銳)
    舉個突出既例子,如果個個都送禮物比個女仔,你唔好送,但係又表現出你有意追求佢,咁已經算突出啦
問: 我想追個女仔,但係人地唔睬我,有咩辦法?
答: 人地唔睬你有好多原因,不過通常都係因為你悶,引唔起人地既興趣
得閒買本好多女仔都鍾意睇既雜誌,留意下入面有咩咁吸引啦
同埋有時間就打少d機,多d進修自己,咁樣都多d話題可以講啦
另外男仔最常犯既錯誤,呢個就係死纏爛打,如果你收到signal對方係唔想睬你,就唔好再咁落去
一下改變下自己,一下就唔好再煩人,煩住人只會令對方討厭你
問: 我想買份禮物比人,請問買咩好?
答: 問清一樣野先....人地生日咩?你買禮物比佢做咩?
    追女仔唔係靠買禮物ga,就算你份禮物好有心思又點,唔代表人地會鍾意你
如果個個都買禮物既,第二個人份禮物有心思過你,咁佢咪掂硬?
    錯!依家係追女仔,你估美術比賽呀?禮物呢d野,係拍左拖之後先送,而且少送仲好,咁先叫驚喜
另外,有d人以為,越值錢,越有心機整既禮物就越好,我可以同你講,有人送包coffeeshop既糖都掂過你個份大禮
問: 我個人好少女性朋友,點樣可以識多d女仔?
答: 如果你係呢d人,我諗問題其實係出自你自己本身多d
    可能你個人真係好悶,好靜,所以冇咩女仔想同你frd(參考第3條問題)
    不過如果你係環境問題所致,好似因為你讀男校/你讀個科冇女仔讀/你份工本身少女仔,咁你可以試下下面d方法
去多d社交活動(跳舞班,藝術班,補習社,做義工,做part-time)
    最好既方法都係搭訕,夠晒直接,如果你解決到同陌生人傾計既恐?,咁樣成街既人都係你既朋友啦~~

問: 我本身條件差,係咪代表我追女仔會容易失敗d?
答: 男仔講得條件差時,通常都係指自己唔靚仔,冇錢,矮,肥等等
不過女仔揀男朋友時,外在條件係比較次要,重要d既係內在條件(詳情參考第四回吸引力)
    而內在條件呢d野又係可以靠自我進修黎改變,都係視乎你自己有冇咁既耐性去改姐
所以做男仔真係著數好多,至少可以用後天既努力黎改變自己既感情生活,唔洗搞埋整容個d咁既野- -

問: 我女朋友要我做牛做馬,錢又我出晒,粗重工夫又搵我,似係做佢奴隸多過做佢男朋友,點好?
答: 雖然港女有部份係呢d人,覺得男朋友就係應該做晒呢d野,不過都唔怪得晒佢地
其實呢d權力係你比佢先有,如果你識得企硬自己既立場時,無論對方點扭計都冇用啦
但係港男就係欠缺呢份勇氣,女方一發脾氣,男方即刻低聲下氣,好一個絕配!!
    其實女仔天生就會識點去試探男仔,佢地會不斷試探男方既忍耐限度,當男方完全冇晒自專時,就等於gameover
    唔係話女仔發親脾氣都唔好理佢,而係女方無理取鬧時要適當地制止佢,信我,好多女仔都想比人制止下...

(女仔篇)  

問: 我覺得自己唔靚,又肥,d男仔可能唔鍾意我呀,點算好?
答: 煩都冇用ga la,呢d野天生既,唔通徙幾萬去整容咩
其實外貌對男仔雖然重要,不過仲有其他野可以改變既
例如身高,性格,身材等等,肥既話,咪努力減肥lor,矮既話,咪跳繩lor
    性格方面,男仔20以下既男仔通常鍾意可愛個d,20以上先開始鍾意成熟型,自己諗下啦
靠美色吸引人好多時耐左就厭,所以如果性格係其他人唔鍾意個d,最好改一改啦
另外,衣著方面...我個人覺得個個著埋同一個style真係好唔掂,最好搵一樣岩自己既style,突出d,咁樣先會吸引d

問: 有時我好介意其他人點睇我,有冇得改ga?
答: 改係有得改,不過係改變自己既睇法
何必要理人地點睇,人地點睇始終係人地既問題,個腦生係人地度你都控制唔到啦
而且人人都有唔同既睇法,同其他人接觸就實會有,所以計較咁多都冇用
有時介意人地點睇時都係因為失敗左先會介意,例如:比其他人話發姣,追男仔被拒絕等等(我唔係女仔所以唔清楚)
    依家教下另一種睇法,就係outcome over failure,來自nlp(neuro linguistic programming)
    意思係將失敗睇成一種結果,係咁多種結果中,失敗只係其中一個,咁樣睇法既好處係唔會有負面性
不過,千祈唔好變成大家口中既惡質港女,自信同自大只差一線.....

問: 我男朋友好細路仔脾氣,我覺得我好似仲大過佢咁,有時仲成日發我脾氣tim
答: 男仔係慢熟既人,反而女仔成熟得仲快過男仔,所以個男仔細路仔脾氣都冇辦法解決
男方唔成熟時,會引起好多問題,甚至會令感情出現裂痕
問題例如:成日因小事鬧交,覺得男方唔細心,同對方講認真野時對方心不在焉
我唔會比任何意見去鼓勵分手/一齊,呢d始終係人生決定
不過我就覺得男方如果唔識點照顧自己女朋友,咁呢斷感情就會好兒戲
鬧交雖然係因為大家著緊大家先會發生,但係重點係鬧完識得去反省,識得用同理心(jasonchong個篇有講)去體諒對方
如果男方係咁唔成熟既話,我既總結,就係佢仲未適合拍拖同處理感情問題

laam_stephy

男性心理篇:

自問溝仔方面唔熟悉(反正我又唔係斷背...),不過有隻紅鷺想睇,就當好心寫下啦....
事先講明,呢方面心理係講大部份港男,都唔係偏見,而係意見,冇針對邊個人

男性會鍾意靚/身材好既女性,如果係街度見到靚女,好自然一定會望
唔係因為鹹濕,花心,而係天生就係咁既構造,如果有個靚女同一個男仔示愛,個男仔一定會即刻應承
情況同女性想追求強既男性一樣,人係貪心既,會不斷追求更好既野
所以好多時女性示愛成功既機會係大過男性示愛,另外一個原因就係有d冇用既男仔唔鍾意自己主動,求其有個都ok...
都係因為呢個原因,所以發姣個d女仔好易就搵到男朋友...唔信?如果你樣貌ok既,試下係街度搵個男仔示愛XD
總結: 男仔係對外在條件產生興趣先,內在係次要,只要唔係好黑人憎個種通常都唔會抗拒

好多男仔都會想去做奴做婢,甘心做阿四,由其係追女仔個時,你會發現佢地仲落力過你屋企個個菲傭
男仔通常覺得佢地需要咁樣做去博取你既好感,如果有男仔成日同你講話你好靚個d,佢一定對你有好感
由其係個d過時過節實會送份大禮比你既男仔,要好好留意佢地啦
仲有,出街時男方比晒錢,呢個風氣都係佢地做成...其他男仔要怪就怪呢班人啦= =
想睇得出一個男仔係咪鍾意自己時,可以留意下佢既身體語言,通常都係做得好唔自然....

另一樣野好重要既,就係....男仔其實好蠢,所以有d野一定要講到好明
如果你唔鍾意佢既話,一定要講明你唔鍾意佢,最好講明原因
通常呢d男仔都係浪漫主義,永遠覺得你話中有話,覺得自己未衰得晒
所以唔好覺得你用最溫和既方式拒絕對方係對佢好既,其實係害左佢,又辛苦埋自己
要拒絕就要用最直接既方法,唔好覺得自己好衰咁,佢如果之後知道左,佢只會更憎你

男性心理真係好難寫....諗唔到啦,所以就係咁先啦- -


改變

要做一個吸引既人,最好由外在條件入手
放低改進唔到既條件唔理,只著重可以改進既條件先
之前都講過,相貌,身高呢D比較先天性既野,幾乎係冇得改,所以先天條件差,喊黎都冇用

衣著: 最好搵返男仔FRD幫手,女仔FRD可能會搞到你花里花碌,一D都唔吸引
      睇下身邊有冇衣著方面好熟手既朋友,叫佢幫你揀幾個STYLE,最好唔好明牌個d,著得舒服,款式又岩自己就夠
      另外最好突出d,唔好跟潮流,人地著咩你又著咩,咁樣根本唔算"吸引"

髮形: 搵個好既髮形師問下意見,呢d問下朋友有冇邊間佢地覺得剪得好既髮廊
      最好避免去d比較up dup既髮廊,價錢100,200咁上下己經好好啦
      剪頭髮最好徙多少少錢,轉一轉髮形其實已經成個人唔同晒,所以算係幾重要既一part

手飾: 最好買d比較特別既手飾,咁既做法係用黎比對方搵話題黎傾,通常女仔見到d古靈精怪既野會問下你係邊度買
      不過記住唔好一次過戴咁多,兩三樣己經好夠,記住手飾只係襯托

皮膚: 暗瘡多既話,最好去睇下醫生搞搞佢,女仔好介意男仔衛唔衛生
      最好得閒fu下mask個d野,聽落好似姿整左d,不過只要令皮膚睇落干淨,不擇手斷少少係冇問題既

牙齒: 天生唔直既話,如果可以最好矯正下,唔得既話就算啦
      不過去漂白一下就免唔到,牙黃個d人笑起上黎真係好得人驚
      同埋緊記,食完野之後唔好咦起彭牙笑,對方會有即刻想走既感覺....

體形: 呢樣辛苦d,不過長遠黎計,最好改一改
      肥既話,就去減,去跑步呀,做gym呀,做咩都好,減左先算
      瘦既話,食多d野啦....我本身天生就係瘦,食極唔肥,我諗瘦親個d人都真係肥唔到,等中年發福啦....

改完外型,就要改內在啦~~一早講左外型唔係最重要啦...不過外型可以比人睇得出你係一個點樣既人
如果要睇住張吸引力list一樣一樣黎改,不如改變生活方式,咁樣會快好多,而且仲好玩好多

興趣: 打機,上網,呢d唔當興趣,興趣係你可以囉出黎分享,而對方又有興趣想聽
      最好搵d特別d既興趣,籃球,足球呢d雖然好,但係好似太普遍
      比較建議去參加d課外興趣班,可以識多d女仔,又可以同人接觸多d
      做d咩呢方面自己諗,我唔會教埋你做d咩

朋友: 打機友個d...雖然係朋友,不過建議識多d比較有內涵既人,最好就識d天生就同女仔可以打得埋既人啦
      有咩用?一來,近得呢d人,實會識到唔少女仔,就算追唔到,識多個都可以令自己熟悉d點同女仔相處
      另外,又可以跟佢地學下野,睇下佢地點對待女仔,點同女仔傾計,等等
      不過就算識唔到呢d人,識左個有見識多既人都可以跟佢學下野,聽佢地d經歷令自己見識多d,咁第時都多野講d啦

屋企: 如果你係有心第時請第時女朋友/目標返屋企既話,最好執一執佢
      一定要整齊,唔排除你仲係同阿爸阿媽住,不過都最好幫手執一執,比對方有一種干淨既感覺
      通常請得人上屋企玩,都係入房唔比屋企人見到ga la,咁就要係自己房到落一d心思
      例如,擺d特別既書(占卜,星座,魔術呢d野女仔最鍾意)
      最好買d唔係BT落黎自己DUP既CD,擺係容易見到既地方
      盡量收埋其他女仔送比你既野,依家唔係曬命時間,呢D野佢見唔到仲好

專長: 要吸引女仔最好識幾樣,係傾到冇野好傾時可以同佢玩下
      魔術呀,手相呀,占卜呀,心理遊戲呀個D,通常一有野玩佢地就精神晒,所以呢D又稱為"chick crack"
      不過記住,唔好成日都表演呢d野,如果唔係人地就當你係佢既娛樂用品

苦月明

嘩....  我終於睇哂啦...

咁多個教人哩d野 你最有point

岩岩網上add左個女仔試刀先-.-  

希望第時得左, 個女仔唔好怪我

[ 本帖最後由 苦月明 於 2007-12-19 02:28 AM 編輯 ]

喪小兵

睇哂啦~ 覺得非常有道理

我發覺自己犯左好多好多錯~

成為左係童話世界生活既"好男人" ~ 哈哈

善福

嘩...我都要嘩一聲

長到, 不過幾有POINT, i like it

raymond~文

gd~~我同意..有道理

gtrrx7

有point,正,
依家追緊個女仔,用你呢d再加埋自己小小既概念我諗應該可以溝得成,
至衰就係好似係甘樣,同左個fd講,
跟住個fd同左我中2果個講,,,
吾知點做-,-

jacky2003

同學!你錯啦...
溝女并5難!仲有!我想問下你你實際上溝過幾多條女呢?
你以上講個d!我5係話完全錯!
可能我溝女方法同你有d5同!
so!有某d地方我覺得系無咩用.
你話咩5好成日搵佢!驚佢煩!(廢話!!)
你諗下如果一個女仔對你有意思點都想你去搵佢ge!
好少話會覺得煩!
記住啦!哥哥教你 :  女仔永遠5會主動!
so!我地就要主動d~密d去搵佢!
要溶入佢ge生活到(最好日日都有傾電話)
咁樣ge目的就係佢係佢自己ge生活中你ge存在!