幾年中改變了我對愛情的感覺

~源~~

我e家中3....由中1開始到e家...
我對愛情架感覺真係改變左好多
由中1開始..我去camp..識左個女仔..
個日佢知道左我電話...
去完camp...個個女仔同佢個女仔fd都有打俾我..
但係我知佢地只不果都係想玩我=.=..
佢地係想睇下邊個快d追到我..
e d野=.=我一直都覺得好無聊..
所以冇理到佢地...之後佢地係我學校架..
到左中2..個2個女仔其中一個同我一班..
由開學個陣..佢不繼打俾我..
令到我對佢有好感...之後就同左佢一齊.
但係完來我架決定係錯架..
因為個陣我係第一次拍拖..
咩都唔敢講..唔敢做=.=..
但係我諗應該會好幸福..
但完來唔係...e d野之係我諗..
結果之係惡夢架開始..
我同個個女仔..一齊架第一日..
我地返到學校...佢同另一個男仔.玩得好埋..
埋到你地可能唔信=.=..
佢地可以係我面前上堂個陣..
個男架可以整佢個胸...
仲有好多過哂介架野..
我次次都o左咀...
個陣我直頭唔想返學..一返學就見到佢地玩..
有時我見到佢地玩到過哂介..
我個心好痛..所以我一係望下出面..
一係就訓教..個個女仔仲可以問我..(咩事../做咩嬲呀)
我心入面往往都係叫佢自己諗..
你要睇清楚係心入面...=.=
我係唔敢同佢表達自己架心情..
係學校我完全感覺唔到我地係男女朋友..
係出面..當見唔到個個男仔..我係好開心..
因為我仲算覺得我地係男女朋友..
你地可能諗我好白痴..
做咩唔同佢散..大約咁樣都過左2個月..
每日返學...都令往心痛返屋企...
我忍唔往了...我同佢散...
佢問我點解...我叫佢自己諗下..
之後我地大家都冇理大家...
直到過多2個月..我唔知點解好掛往佢..
之後我同佢傾傾下電話又一齊左..
結果佢都係冇變...可能你會覺得我係令黎賤..
但我同佢拍拖個陣..日日都帶往希望架心情..
希望佢唔好同個個男仔玩...但次次都唔係..
結果同佢拍左1個月又散左..
之後我識左另一個女仔...咁我之前個個女仔就問我係咪同佢 一齊..
咁我同佢講唔係...但係...果左一日之後..
我同另一個女仔真係係左一齊..
之後我之前個個女仔可以玩我玩佢..=.=
但係我同之前個個女仔散左佢仲話我玩佢..呃佢.
我係冇呃佢...因為佢問個日..我同另一個女仔都未一齊
咁佢係學校..打左我2巴...我個陣唔想理佢..
但係我諗分左手之後都可以做朋友..
之後佢叫我出去...我就出左去啦..
佢可以同3,4個女仔一齊打我..=.=
咁當然我冇打佢地啦=.=...
過左e件事...我好嬲..唔想再理佢..
之後過左2個月..我就同另一個女仔散左.
之後f3...我有諗過同返玩我個個女仔一齊...
因為我都有小小中意佢..
但係佢都係冇變到...佢仲係玩仔..
所以我隔離左我同佢架關係..
所以我覺得愛情係好痛苦..
你要諗清楚...認識佢份人..
先好係埋一齊..如果唔係就會好似我咁..
大家係咪覺得好長...辛苦哂睇我打咁多字..

janicekiu

你知道佢份人係咁
就唔好再"中"個頭埋去咯
只會令自己更辛苦

雲吞餃

點解你明知佢衰...到左中3仲要鐘意人...?
忘記她...

YGT

醒下啦...明知人地咁玩野仲要繼續自己拎黎辛苦
不如早日解放自己啦
單向既感情係無結果架

♀蝶小若:]`

-.- 唔好再傻落去了...

呢D女仔要唔要都罷啦`

popguypop

努力讀書好過啦

天地龍王

明明係你自己白痴
有腦都識諗啦
你係咪唔明喜歡同鐘意ge感覺阿
咁容易同人地分手又一齊
o哂咀囉
你咁ge年齡應該仲味知道愛情係咩尼
慢慢諗下你愛佢d咩啦
唔夠1個月就溝另一個我好鬼無言
仲有唔好扮清高!咩唔打女仔?咪傻
家下男女平等!做軟弱果個一定死得
俾人打咪打999告佢地拎醫藥$
洗鬼扮清高咩!

☆傑少☆

咁耐以黎1次都無表達過自己諗咩...
軟弱... 抵死

～瞬之介～

感情係盲目既...你自己既決定..冇話對或錯
不過中三比d心機讀書啦...唔係真係後悔
女幾時都有...
我嬲你點解唔還拖....
一個就話唔打女人jer....4個....
唔q趙低一個都對唔住自己........

[ 本帖最後由 ～瞬之介～ 於 2008-4-10 03:10 PM 編輯 ]

紫月

其實話事話事~
中三唔係好大個~
你咩都唔講好難解決問題~
佢根本唔會諗到自己有咩問題~
不過建議佢呢種女仔~
最好唔好要la~都幾衰下~
你仲鐘意佢~係因為成日見到姐~
心理上既問題~
搵過件正既~

紫靈姬

明知同得佢一齊係痛苦既事..
不如你直接咁同佢講佢既性格比佢檢討一下..
如果佢覺得自己依然係無錯既..
咁呢個女仔要唔要都罷啦..
因為佢根本就只會顧住自己既感受,,
太過自我為中心..

vincent105

原帖由 ~源~~ 於 2008-4-8 01:49 AM 發表
我e家中3....由中1開始到e家...
我對愛情架感覺真係改變左好多
由中1開始..我去camp..識左個女仔..
個日佢知道左我電話...
去完camp...個個女仔同佢個女仔fd都有打俾我..
但係我知佢地只不果都係想玩我=.= ...

e...?樓主同我都係叫"源"喎xD"
樓主既經歷好慘哦-v-"
但希望經過呢次之後會令你成長吧--" <-----勁廢
um....
我覺得呢,識1個女仔到係埋一齊其實要一段時間,感情也應該可以培養出來的
但首先呢,要認清其實佢係咪你鐘意果種類型
聽你頭先咁講,我覺得你鐘意果種類型係果d呢,對個男仔勁專1,出面對其他男仔保持1定距離,
勁關心你果d,其實簡稱叫"完美的" 吧-____-"(個人覺得)
但係呢種女仔唔係冇,少囉,符合哂咁多條件既話和概率都ok細下-.-|||
but anyway呢,唔好唔開心,唔好憎恨愛情哦-.-|||
盡快忘記他們之後,
再開展一後新既感情吧- -"<-----(話開就開咩,你係咪傻左呀- -")

koy65

點解你唔同講清楚你唔鐘意佢同d男仔玩得咁埋....玩到咁過火.......- -

忘記佢吧......

我覺得你唔係真心鐘意人囉......分左手一排又一齊/有第2件- -

肌肉男

你見佢同另一個男仔玩渣波都唔出聲鬧佢,佢又點知你唔中意佢咁呀?
愛情係要坦白表達自己既心聲比對方知ga,你到下一個女友都係收埋自己既話,
咁你一世都會覺得愛情係痛苦!!!!

千龍

真係唉
我都改變左好多
當局者迷
明知係蠢都會去做
明白你心情

♂》笨笨=超〞▊

我諗唔明點解你唔直接同佢講點解要分手?
唔直接話佢知你好介意佢同個男仔fd玩?

你愛我像誰

我覺得好小朋友=.=
根本你地雙方都未知愛情係咩  好似好簡單咁
咁兒戲ge=.=   傾完電話又一齊返?
而且個女仔做到咁  擺明係玩玩下啦
作為男仔  應該要識諗
同埋拍拖應該要負番小小責任
所以經過今次  希望可以明白啦樓主!

emil200325

想得到真心....條件係你要付出真心...我大你唔係好多..我呢家17.
  個個人一樣有佢的故事..我一樣有..我的經歷比你痛苦多啦!!

loklok1823

唔值你愛 剩係可以講咁多
時日慢慢長

dereklok

努力讀書啦,未出來社會都未叫大個,未知咩叫愛情
咁急做咩呢?  你而家回望自己,好似好傻,再大D,又會唔同心態
我而家廿幾歲,成家立室,生左個女,諗返中學果陣,發覺自己真係好傻好晒時間
果陣覺得自己好似好了解愛情,好識諗,仲成日晒時間聽日訴苦,教人地野,成個南宮夫人咁
而家直頭覺得晒時間,就算有朋友打來問,都已經唔多想答,唔係覺得煩,係覺得哩D問題根本無得答
愛情其實真係無得討論架,大個D就明