請買賣點卡的朋友小心一下

au9mc4

最近好見到好多人係隻game度見到好多人係度收點卡~
有d仲用某某國家咩野十大高手擔保...點解會搞到咁??
呢排實在太多人呃點數，真係有d唔明點解連50點卡都呃??
比人呃錢或呃點，通常都會聽到有人話......報警啦!!!有佢id有晒證據佢死緊嫁!!
有d人會諗，果一百幾十算啦唉!!!
但係咁樣做既話，果D騙子只會越黎越多，就算你有相有對話內容有對方電話都無用。
因為你自己都唔肯行出第一步，雖然呢隻GAME既一張點數只係值50蚊，
但係希望大家唔好助長呢d風氣，
如果對方係真騙點卡騙game錢既話，辛苦d行去報警，
最高刑罰係五年嫁!!!

我開呢個post係因為成日見到有人係個頻度叫比人呃錢或呃點!!
最近一次係頻度見到有個叫幸福中的人係度呃人點卡，
有人賣點卡，幸福中話去買，當交易完之後佢立即下線，
當佢再次上線你搵佢既時候，佢會拒絕晒所有對話同信件。
佢打字方式有d特別，好似係用簡體字。
大家小心　幸福中　呢個玩家，唔好再同佢交易。


以上只係個人既意見，希望大家都玩遊戲玩得開心，小心騙子。

samchowcch

要買賣點卡最好用遊戲入面既寄賣系統，又簡單又安全，D錢又唔會呆帳同轉戰鬥金

天降神蹟

我覺得有點卡寄賣人，大家應該善用@@

au9mc4

好可惜個點卡寄賣商人係用唔到... 序號有5組
香港點卡序號得4組....

samchowcch

咁你就應該同代理反映....

ken11155

咁我地應該點樣報警..要打咩電話

牙傑~

其實隻隻game用既點係邊隻嫁@@"?
上網睇話咩通用卡!!但我又未聽過wo!

同理係邊度儲值嫁!

[ 本帖最後由 牙傑~ 於 2008-6-14 10:23 PM 編輯 ]

au9mc4

有人試過比人呃左點卡....打去夢想世界個代理度問~
結果係話呢樣野唔閞我地事~唔係差人打電話黎我地唔會理~
跟住仲問番轉頭....問隻game唔係有點卡商人咩???
點解唔用個點卡商人交易...當時人聽到火都黎埋....因為香港跟本用唔到個npc~
用到就唔洗咁多人叫頻買賣點卡....亦唔會咁多人比人呃...

果位朋友同我講~如果要報警...直接行去差官報案就行~

呢隻game用既點卡叫A卡~

上官網就可以儲值~

kenade228

預期賣點卡,不如買新手包再開多個ac入落去做vip,咁樣重搵得多過賣點卡

hung5134

其實隻隻game用既點係邊隻