分享在現場觀看賽事的經歷

苦月明

-

電視 / 電腦的螢光幕上收看球賽得多, 自己有否親身到球場做觀眾??
不論遠至奧脫福, 近至旺角球場, 都必定留下你心裡的印象

不限字數 盡情描述 自己親身到現場觀賞球賽的經歷&感想

愈多內容愈多FUN, 評分範圍會在20 - 150分, 會因應內容會作出適當的評分

同樣, 內容如太過空泛 / 字數不足(30字), 版主有權不作出任何評分




參加方法


於此帖回覆便可以


---------------------------------------------------
條文:

參賽文章內容的觀賞之賽事不接受街場的比賽
每一名會員在一場賽事只能分享一次, 如有違者, 撤銷有關評分
(example: 我曾在大球場看過 四場賽事, 如事者我可以分享四次經歷)
文章不得轉載 / 抄襲, 如有發現會被取消資格
內容如含有 暴力 / 粗言 / 色情 或有關"性"之字眼 會 -30分 作懲罰
如有疑問請使用短信通知本人, 請勿在此帖發問

參賽文章於評分前可任意修改
非相關文章請勿回覆此帖, 如有違者每帖 -5分


------------------------------------------------------------------------

活動暫時沒有時間限制, 會員可盡情分享




最終決策權歸版主所有

如有疑問請PM有關版主, 請勿回覆此帖

[ 本帖最後由 狄.龍 於 10-11-7 04:23 PM 編輯 ]

苦月明

備用

=[MOZ]=

二零零八年三月九日，萬人迷碧咸君臨大球場，這種百年難得一見的場面我豈能錯過。
又是一個陽光普照的炎熱夏天，甫一進入大球場，熾熱的氣氛就已經席捲而來，
令本來已經炎熱的夏日，增添了一份獨一無二的色彩。萬人迷一出場，更是令全場觀眾哄動起來。
雖然當日大球場並非「爆棚」，但亦足以令人為之雀躍，四周觀眾不斷聲嘶力竭叫囂，
「碧咸！碧咸！」，彷彿這場球賽就正正是萬人迷的個人演唱會似的，萬人迷的一舉手一投足都足以令觀眾歡喜若狂，
這種百年難得一見的場面，實在令人難以忘懷，群眾的叫喊有如波濤洶湧般淹蓋了一切。
那管天氣有多麼熾熱，全都不管了，眼睛只跟著碧咸走，
真的很難相信，全球共認的萬人迷就在我眼前踢球，雖然披著洛杉磯銀河的球衣好像格格不入，
還是曼聯七號球衣較為襯托他。但當時也沒想那麼多了，只專心看著他比賽，享受著。
而在他臨完場前攻入十二碼時，更是全場爆出一陣陣歡呼聲，叫人難忘。
雖然，最後銀河在互射十二碼時落敗，但輸給我們香港的南華，也難叫人氣上心頭吧！
碧咸的魅力實在叫人驚嘆，相信當日大部份到場的也只是因為他。
但萬人迷也已經三十有三了，相信這次也會是他最後一次出現在香港大球場，
所以就算花了一千元購買門票，也是值得的。
這一次除了令我開始關注銀河的比賽外，也令我開始著迷碧咸，
真真正正的著迷，
萬人迷的魔力真是沒法擋！哈哈！

[ 本帖最後由 =[MOZ]= 於 2008-7-17 12:25 AM 編輯 ]

無疑．閃

2007年7月24日 (Tue)
英超亞洲錦標賽
南華vs利物浦~
當日我好期待見到利記的一班球星 (特別是神奇隊長同王子)  
球員出場的時間  唔見隊長同王子在陣中  雖然有小小唔開心  
但都可以見到一班利記球員  自己都叫了出來~  開波10分鍾左右~  南華球員係禁區犯規
利記有一個自由球 ～　　ＲＩＬＳＥ　一射　成支箭飛埋去　　南華０：１利物浦
入球後觀眾都哄動起來。　２５分鍾左右南華球員在禁區犯規　球証直指１２碼　　
最搞笑係　當ＸＡＢＩ　射１２碼果時　竟有利記球員飲水　　結果　入埋　　
南華０：２利物浦　　成場波多數都係利記攻勢多～　　但在３５分鍾在右　　
南華有個４ｘ碼的自由球　　當時完全估唔到李海強會射～　　點知　一射　入左　　
全場都叫了出來ｃ＿ｃ”　強哥　好波！　好波！　　雖然我係利記ｆａｎｓ
但我都叫了＠ｏ＠　　在比賽期間　好多人都叫　〔我要謝拉特〕　｛ｗｅ　ｎｅｅｄ　ｇｅｒｒａｒｄ｝等字句　　可惜神奇隊長都冇出場　　賽後賓ｓｉｒ話佢傷左～
ｓｅｃｏｎｄ　ｈａｌｆ　ａｇｇｅｒ　再入一球　　結果南華１：３利物浦
感想：雖然最想看都係隊長同王子～　　但成場賽事都好精彩　由奇是李海強果球～
入場同電視直播可以話２回事ｃ＿ｃ
ＹＯＵ”ＬＬ　ＮＥＶＥＲ　ＷＡＬＫ　ＡＬＯＮＥ！

Sιυˇ°白

英超意甲足球日：南華邀請隊 vs 曼城
日期：5月22日
時間：晚上6時正
地點：香港大球場
去年首度到旺角場觀戰後(南華 vs 大埔)，
今日終於有幸第一次到大球場觀戰，
氣氛及場地都遠較旺角場理想，
尤其是今場四節波，
有三節都是好波(南祖下半場除外)，
實在物超所值。
小弟坐於328段的山頂位，
睇得唔係幾清楚-_-'
講番場波先，
由於對手曼城給予壓力不太大，
基本上是由得你攻，
所以此賽觀賞價值相當不俗，
部分邀論隊隊員的短傳入涉更令人看得開懷，
最衰是合拍性不足，
但既然是拉雜成軍亦難以苛求。
敗筆所在是用了雙防中科夫及盧沛廸，
兩人都毫無創造力，
尤其是後者，
究竟識唔識傳波架?
事前真係估唔到最後邀請隊可以贏3比1。
入場人數唔算多，
不過d氣氛都算0k喇。
ps:現場睇波真係唔同系屋企睇架`

→迪少←

南華對傑志..香港一年有幾次
但係415個次真係好深刻
個日我記得自己係旺角場搵個位都好辛苦
個個都迫埋一齊..
大家都為左睇南傑既比賽
阿叔完全冇留情既X人
一D比好多報紙都專業既評論
成場波都打得好火藥
場波最後都出現左紅色閃卡
場外既人都睇得好興奮..
大家都等緊第一個入球
最後出現左係傑志度..
個時望住阿古沙行過去南華個面..
真係好串..
不過唔夠一分鐘南華就令到成班傑迷係興奮情況下落番黎
一開波就追平左..
未到最後一分鐘 場波都未完既xD
結果南華係E場和左..都保住優勢到季尾
係香港足球不景氣之下
都有咁多人入場..
證明大家對香港足球仲有HEART係度
香港足球既特式 真係要入場先睇到
在場8000幾人 興幸自己都有份入場=]

苦月明

2007年新年   我果日睇左澳洲國奧 對 中國國奧     果場波入座唔高  但氣氛都唔差  最後中國國奧仲射入左球世界波  我去過幾次大球場睇波  但呢場比較有印象 可能係中國國奧隊, 事關果排佢地受到佢地係歐洲集訓既打鬥醜聞影響, 今場出奇地表現得冷靜同埋斯文, 最後更贏左澳洲國奧, 全場人士不時玩人浪同食熱浪 仲好齊心咁唱國歌  唔錯  果陣仲落緊毛毛雨架

皇家理得你

可能是旺角場改建前最高級的賽事:  
2009-04-07 南華 vs 柔佛(馬來西亞) (亞洲足協盃)

這天不是假期 ,  晚上到了旺角場 , 全場爆滿 ,  
入場時便聽到球迷高叫南華  ,  並聽到南華的會歌 ,
沒想到這場的人這麼多 , 只好在坐在龍門口觀看賽事 ,
南華只要在這場取得勝利便可在分組賽進級 , 是一場難得的主場比賽
在龍門口雖然不是一目了然看不清楚中場的活動 , 但南華一有進攻 , 球迷便會高叫起來
上半場由 陳肇麒接應李海強的長傳壓向右路底線位置回傳後上的文彼得第一時間撞射破網,
下半場10分鐘史高斯左路沉底傳中，卡卡接應頭槌攻門遠柱入網，南華領先至2:0。
年紀輕輕的歐沖只有19歲 ,  便能在下半場換出 , 看到他的控球能力  ,  便知道香港足球是有希望,
當中最深刻的就是在領先下 陳肇麒禁區頂施展倒掛金鈎~  使我目不轉睛
球曲墜向楣底位置被客軍門將古沙卡龍單手撲到後中楣彈出
看到南華的熱誠 , 波是沒有打進龍門 , 但這球波就打進了球迷的心 ,  
全場球迷也大拍手掌  

最後南華也在F組首名出線 , 為港爭光


[ 本帖最後由 皇家理得你 於 2009-7-6 12:23 AM 編輯 ]

皇家理得你

誰說現在還相信香港足球的人是傻佬？
香港足球
當初入場看南華初賽 , 穿上紅色衫的我可能會被人取笑 「睇香港波洗咩咁認真」,  
入場睇本地甲組聯賽 , 只有千幾人入場 , 南華球迷還在唱南華歌 , 局外人看簡直當他們是傻的 ,
每次入場看  ,  我也希望球賽是精彩 、 氣氛是強勁的 , 結果也是一次又一次的失望而回,
看現這次香港大球場的紅海 , 英超式的叫喊 , 今天我吐了一口烏氣。

風雨不改感動人心
這天看着全日烏雲密佈 , 雨未停過  , 實在存有改期比賽的機會 , 真的有想過應不應該還入場 ,
拿著雨傘抵抗著大雨 , 早了進場 , 在坐位中觀望全場 , 不然唉了一聲 , 這麼大雨 ,
應該沒甚麼人入場 , 還說甚麼氣氛 , 甚至有機會改期了
7時多過後開始停雨，草地積水情況開始改善。入場人數以複式一直上升 ,
坐在底層的我 , 如果不看球場電視 , 真的不知道上層已經全場爆滿 ,
記得上次本地聯賽入場連底層座位也坐不滿 , 更何來山頂位 ,
我便對著大電視「O嘴」了 , 我是不是在發夢 , 今晚，是連個天都出來幫南華。

主場威力
香港大球場已經成為了一個地獄主場 ,  對方一控球  , 全場嗚聲四起 , 粗口橫飛 ,
觀現今世界足球 , 不起名的波圖 、標準列治 , 頂級球隊到了他們的主場也會感到無比壓力 ,
相信南華已做到了一個地獄主場 , 能挑戰上世界強隊 ,
看來這次比賽 , 南華已經深入了入場的2萬多名球迷 , 誰說香港人不團結？
誰說香港足球已死？誰說現在還相信香港足球的人是傻佬？

                                                                                                  皇家理得你

29416411

2009年2月14日
保頓vs熱剌
賽前兩隊排名:
保頓:19
熱剌:6
由於保頓的護奴情況不妙,加上聯賽將近完結,他們會降級的機會很大。幸好,14-19位的分數差距
大概只有1-2分,他們只要勝出比賽便能成功護級,還可把排名升上第13名。
由於熱剌超級希望自己能擠入BIG4,所以這1場對保頓的比賽絕不能敗。加上,若熱剌這隊強隊不
能打敗保頓,面子還會在嗎?
主場:保頓
上半場
23分鐘,主場的保頓由中鋒艾文達傳中,交給奇雲戴維斯1腳撞入,領先1:0。
下半場
70分鐘,熱剌靠迪科爾追平,更把優勢拉到熱剌,不斷加強攻力,今保頓冇力還擊。
可是,保頓後防表現大勇,加上門框的幫忙,最後能守住1:1的戰局完場。
這局比賽真是極度精彩,今人不祇忘記。

SEVEN-ELEVEN

2009 年 12 月 12日
東亞運動會足球賽 決賽、 季軍賽
香港大球場

早前學校取得東亞運足球賽免費門票，當然我就第一個向我老師報名啦！

季軍賽( 14:00 )：
季軍賽時，我就支持南韓，但我同學就支持北韓，我同我同學打賭，估錯要請野食。
當南韓被北韓入咗一球後，我同學就話：「唉，你請野食啦，哈哈」我話：「睇吓點」
之後南韓真係追返一球
之後我同我同學講：「你岩岩講咩話？！」我同學話：「睇埋完全場先知」
終於南北韓打成平手　互射１２碼
緊係同自己支持嗰隊打氣啦
結果４－２　南韓嬴
之後我同同學講：「我請食野？！哈哈！睇黎係你請喎」
講完就一齊行咗出去買　ＫＦＣ　( 大球場觀眾席後 )
我同學就請咗我食一個茹飯咁啦，之後我地都買齊野入去等睇香港對日本啦

決賽( 17:00 )
當波落在日本球員腳下時，香港球迷就渴倒彩
睇睇吓帶隊阿 SIR 就拎手機出黎聽電台講波
之後我地都拎埋出黎啦
香港比日本入咗一球之後我地就好心急
之後就到下半場
到下半場，即換「陳七」出黎
一出黎姐，唔夠五分鐘就入波啦
係英超練完返黎嘅成果呀
就係呢一球先唔洗輸
呢一球就咁幫香港平咗
完全場啦，要加時
加時都咬得好緊，雙方都冇波入
到１２碼
歐沖第一個射
佢嗰球射中間，之後比龍門接住咗
葉鴻輝超勁，撲到日本球１２碼
射射射，射完１２碼之後香港就緊係拎咗冠軍啦
我地坐球場正中間架，之後等加賓席啲人走咗我就衝落去
我落去等握手
終於見到歐沖啦，同到歐沖握手，唸住用門票問佢拎埋簽名
但係張門票唔知係幾時唔見咗
之後就好開心咁返咗屋企

PS:當日香港球迷有挽人浪，但我唔知邊到打入去，所以冇打

[ 本帖最後由 SEVEN-ELEVEN 於 10-7-19 02:35 PM 編輯 ]