對遊戲進行毫無作用的豆知識...

古爾格雷

關於飛空庭

問: 飛空庭貼近小屋範圍內禁止放置任何家俱/寵物，有冇其他方法？
答: 有！可以用呢個方法放置如花盆等物件貼近間小屋... 感謝敎我呢個方法嘅人！

呢個範圍內放唔到任何嘢...


首先點擊飛空庭舵輪，打開改造飛空庭控制板


然後放置物品並移動到一個理想嘅位置 (範例:我張床 =w=)


跟住將小屋由控制板移到自己身上嘅道具欄




按下確定完成物品放置


再放回小屋就完成！ (當然呢個只係示範，俾張床插住間屋...)



問: 可以喺飛空庭開石像小商嗎？
答: 可以，同喺地上開係一樣！不過有冇人會走上嚟幫襯就...


問: 移除小屋後，屋內嘅家俱/寵物會去咗邊？
答: 屋內嘅所有嘢會原封不動（儲咗去四次元空間!?)，放回小屋後屋內所有嘢會保留喺同一位置！


問: 移除小屋後，屋內嘅人會彈咗出庭外；移除飛空庭後，庭上嘅人會彈返出飛空庭放置處，咁石像小商呢？
答: 石像會自動登出遊戲...


問: 掉落飛空庭地上嘅嘢，到最後會...？
答: 同其他地方一樣，過一段時間會自動消失！


問: 有時參觀人哋個飛空庭時見好多時見到"無影櫈"嘅情況，又或者貼咗入Ｄ家俱入邊...？
答: 可能係佢地個嗜好... 不過更有可能係大家唔知道呢個係飛空庭坐標嘅特性！喺庭上，家俱精確度以1為一個單位，但玩家精確度就以100為一個單位！

例如我放咗張櫈去位置x:-132, z:-223 (解說:x=橫,y=高度,z=直)




然後坐喺上邊...


其他人(圖中嘅女角)所睇到嘅都係差唔多，坐得好正～ 不過唔好以為咁就冇問題！


如果佢出咗屋外...


再入番小屋入邊，就會見到...又係"無影櫈"呀！


點解呢？因為呢個時候人地個畫面會見到你個位置會去咗x:-100, z:-200果度，不過你完全不知情因為你只會見到自己仲係坐正喺張櫈上邊...
所以放置好似櫈呢類嘅家俱時，家俱嘅位置(x同z)永遠要以100為單位嘅位置(如0,100,200,300..等)，咁下次擺姿勢時其他人入嚟就唔會見到你個位置變得怪怪地喇‧不過記得方向都係一樣，以45度為1個單位...


問: 點樣改變庭上/小屋內嘅背景音樂...？
答: 搵詩人幫手啦！暫時只有佢地可以做到... 不過遲Ｄ應該會出流聲機呢種家俱(要有唱片，不過流聲機港版好似未出...)



關於櫃子

問: 櫃子嘅用途係...？
答: 櫃子等如自家倉庫一樣，暫時見到嘅有大櫃子同小櫃子，大櫃子有20個空位，小櫃子有10個空位‧
滑鼠右按櫃子，選使用就可以打開櫃入邊嘅欄位，同倉庫一樣用法...

打開大櫃時嘅情況...



問: 如果我有10個櫃，一吓唔好彩我係唔係要開晒10個櫃先搵到我想要嘅嘢！？
答: 唔係，例如庭上放置咗2個小櫃同1個大櫃，小櫃每個容量係10，大櫃容量係20，咁你是但開邊一個櫃都會見到容量係40嘅櫃！
小櫃同大櫃無分別，睇到嘅嘢都係一樣，只係容量已經加埋一齊～

一開就睇到全部加埋嘅40個位...


問: 其他人（路人）可唔可以使用我嘅櫃子又或者睇到我放咗Ｄ乜入個櫃度！？
答: 答案係唔可以！當其他人使用你嘅櫃子時，遊戲會話佢聽個櫃已經上鎖，所以佢地唔會見到你櫃入邊嘅嘢，更唔好話拎...

女角:『我要偷晒入邊Ｄ嘢...』


當佢嘗試開果陣，就會出現...




關於合成

問: 合成物品會失敗！？
問: 當然啦，有試過嘅人都知，不過大慨只限原材料合成其他原材料先會有機會發生失敗... 例如用釘子(材料)＆堅硬鵝卵石(材料)合成石頭方塊(成品)時會有機會失敗，但係用石頭方塊(材料)去合成花圃(成品)就幾乎99% 唔會失敗 (我合成品未失敗過，不過有情報(?)指有存在極低嘅失敗機率...)



關於好友

問: 如果我將好友由好友列移除，咁對方會見到Ｄ乜？
答: 你個名同樣會由對方嘅好友列自動移除，即係佢會唔見咗你個名...


問: 我加咗人地好友，如果我刪除咗自己個角色，對方又會見到乜？
答: 你個名會繼續留喺對方個好友列，對方係唔會知道你已經刪除咗自己個角色！



關於軍團

問: 點先可以加軍團名聲值？
答: 只要軍團內有任何人完成咗一項任務(例如咖啡館接嘅任務)就會加 1 點


問: 如果我加入咗軍團，然後刪除咗自己個角色...？
答: 你個名會繼續留喺軍團，對方(包括團長)唔會知道你刪除咗自己個角色！呢個唔會影響軍團名聲值...


問: 如果任務失敗，對軍團名聲值嘅影響？
答: (未證實，有人知就話我聽喇...)



關於特殊寵物

問: 爬爬蟲拉丁...？
答: 商城購買/激賞禮券A 抽到，召喚後佔據寵物位置，玩家發動普通攻擊會由蟲仔代打，攻擊力以蟲仔為準(無論你係lv1定lv99都冇關係)，玩家唔會得到任何經驗值！透過戰鬥 爬爬蟲有機會提升自身能力，騎乘時唔可以憑依去其他人度，不能交易！！




問: 飛天的雨傘...？
答: 商城激賞禮券3 所抽到嘅物品，召喚後佔據寵物位置，通常狀態下會保持移動速度加快，普通攻擊由雨傘代打，玩家唔會得到任何經驗值！透過戰鬥雨傘有機會提升自身能力，使用時唔可以憑依去其他人度...




問: 魔法飛毯...？
答: 同雨傘一樣，不過不能交易！




問: 推進器...？
答: 打某Ｄ王或向他人購買，推進器分為普通(埃米爾用)，光屬性(塔妮亞用)同暗屬性(道米尼用)‧裝備佔用兩個位置，分別係寵物＆背部，雖然佔用寵物位置不過基本上唔算係寵物(應該掛?)，玩家發動嘅所有攻擊都係計玩家自身，推進器唔會升級...

光屬性嘅推進器...


裝備時會多咗個點火嘅技能，使用時會扣SP(一次過，唔係一路用一路扣)，用後會加些微移動速度...


使用時嘅一刻...


飛行嘅姿態...






憑依嘅時候，效果會去咗被憑依者嘅身上...






如果被憑依者同時用飛天雨傘/飛毯，會有速度加成，但如果被憑依者同時用推進器加速就冇呢個效果...


關於特殊用具

問: 隱形技能石...?
答: 如其名，使用後會令你暫時隱形嘅石頭，每用一次扣1點耐久度，扣晒就冇咗粒石！隱形後怪物會完全無視你，可以自由移動，進入傳送點或同NPC 對話一樣會保持隱形狀態，不過會不斷扣SP，只要冇晒SP，坐低休息，或攻擊/用技就會現形！


問: 射燈是...?
答: 冇乜作用，純粹自娛...






問: 變大/變小卡...?
問: 如其名，只係將你個體形變大或變小，攻擊力/能力唔會因而改變...

巨型鐵甲人?






關於特殊指令

女服務生托盤姿勢: /mayihelpyou


俾嘢人地嘅動作，只限女角先得: /present


睇番自己個重生點位置: /savepoint

自己現時嘅位置: /where

改邊人物面對嘅方向:
南: /dir 0
西南: /dir 1
西: /dir 2
西北: /dir 3
北: /dir 4
東北: /dir 5
東: /dir 6
東南: /dir 7

顯示自己飛空庭家俱/寵物嘅清單&位置(要喺自己個飛空庭先用到): /kagulist

瞬間移動到自己飛空庭嘅出入口(只限庭上使用): /housestackresq

返回重生點(唔駛用key)，不過10分鐘內做唔到任何動作: /stackresq (非緊急勿試!!)



未開放嘅指令 (網上搵到，未經證實...)

女性角色親吻前一格人嘅動作: /kiss
瞓床姿勢(要有床): /bed

[ 本帖最後由 古爾格雷 於 2008-8-26 10:42 AM 編輯 ]

lai112

d魔物模型好正- -

angelove

研究左好耐都放唔到個晴天公仔係屋上面-___-
原來要拎走左間屋黎就位.. 不過如果唔放係張床上面放唔放到個公仔??
同埋果D魔物模型要點樣先整到??

jackylover

ｌｅｅ個貼有好多問題都解決了。，。，＠＠

o0魚乂魚0o

直得+分
很有用

Kitty蚊

問: 如果任務失敗，對軍團名聲值嘅影響？
答: (未證實，有人知就話我聽喇...)


好似係冇影響??

o0魚乂魚0o

/stackresq
上面果個剛剛我試完
係得既
不過會扣1半 [hp/mp/sp] 唔知係我電腦問題定咩啦
會自動登出....

古爾格雷

原帖由 angelove 於 21-8-2008 01:03 PM 發表
研究左好耐都放唔到個晴天公仔係屋上面-___-
原來要拎走左間屋黎就位.. 不過如果唔放係張床上面放唔放到個公仔??
同埋果D魔物模型要點樣先整到??

要放晴天公仔貼住間屋唔難, 只係有d煩~ 因為要用其他嘢疊高隻公仔先得, 而且每疊一次就要移走間小屋一次去試位...
魔物模型要由賢者用佢 job lv 30 嘅魔物素描技, 將怪物畫去畫板度(需要畫板), 畫咗後連同10個黏土拎去俾木偶使總管佢就會幫你整~ 不過有d人話會有機會失敗, 我未試過所以唔係太清楚...

古爾格雷

原帖由 Kitty蚊 於 21-8-2008 01:22 PM 發表
問: 如果任務失敗，對軍團名聲值嘅影響？
答: (未證實，有人知就話我聽喇...)


好似係冇影響??

我今晚記得就會試一吓, 因為每次見到個人有任點就會忍唔住做晒佢... 所以一直都冇機會試~ Orz

古爾格雷

原帖由 o0魚乂魚0o 於 21-8-2008 01:37 PM 發表
/stackresq
上面果個剛剛我試完
係得既
不過會扣1半 [hp/mp/sp] 唔知係我電腦問題定咩啦
會自動登出....

勇者呀~~!! 因為呢個係緊急用嘅指令所以我一直都諗緊試唔試好~  不過你個結果應該係正常因為佢講明10分鐘內咩都做唔到... 想問你登出後10分鐘內喺唔係入唔返去?

o0魚乂魚0o

原帖由 古爾格雷 於 2008-8-21 02:30 PM 發表

勇者呀~~!! 因為呢個係緊急用嘅指令所以我一直都諗緊試唔試好~  不過你個結果應該係正常因為佢講明10分鐘內咩都做唔到... 想問你登出後10分鐘內喺唔係入唔返去?

係10min內唔比你行[仲未知點取消個指令]
之後就會返重新點
唔會登出
會扣8成 hp.sp.mp

鬼Ghost

原帖由 古爾格雷 於 2008-8-21 12:34 PM 發表
關於飛空庭

問: 飛空庭貼近小屋範圍內禁止放置任何家俱/寵物，有冇其他方法？
答: 有！可以用呢個方法放置如花盆等物件貼近間小屋... 感謝敎我呢個方法嘅人！

呢個範圍內放唔到任何嘢...
...

好有米牙
成炸魔物模型...推進器...雨傘...家俱...
真係天上有天...人外有人牙...

user1234

我合傢俱試過合石磚地時失敗了1次

[ 本帖最後由 user1234 於 2008-8-21 04:55 PM 編輯 ]

古爾格雷

原帖由 user1234 於 21-8-2008 04:31 PM 發表
我合傢俱試過合石磚地時失敗了1次

真嘅!? 我合咗幾個地台都未試過... 唔通只係好彩? @口@

zero0919

依家整飛空有小小無咩用=__=
齊曬料叉都有懶拎去整orz...(等埋改做一次過搞=33=)
推進器好彩掛1日可以打到3個=__=(超個人好彩?.?)
初初d成功率高到唔想合=__=(飛天鼠果排係北角膠一日幾乎有一set....)

╭o薑餅小孩o╮

超有用呀最後果d指令@@"
走佬必備

牙俊仔

貝爾格雷..完來你上次係打飛魚戈到影緊相..睇唔到自己上鏡- -
我係俊chun...話你係怪物戈位

user1234

真的，合傢俱的成功率是很高(99%?)，但記得有一次用礦工合磚地時爆了

[ 本帖最後由 user1234 於 2008-8-21 08:52 PM 編輯 ]

wong515

返回重生點(唔駛用key)，不過10分鐘內做唔到任何動作: /stackresq (非緊急勿試!!)

我用左之後等左十分鐘，返左去儲存點，但係扣左好多血-v-

juy182001

飛天毯試過....
就算係庭上召出黎都只會係騎乘狀態...冇得放係庭度....
基本上同把傘一樣.....
呃錢恩物.....