- 閱讀權限
- 10
- 最後登錄
- 18-5-20
- 精華
- 0
- UID
- 1141294
- 帖子
- 9
- 積分
- 9
- 註冊時間
- 08-8-31
- 在線時間
- 1 小時
- UID
- 1141294
- 帖子
- 9
- 積分
- 9
- Good
- 0
- 註冊時間
- 08-8-31
- 在線時間
- 1 小時
|
唔知大家對於網上識既朋友會點睇呢?
網友;有人會比網友呃,有d人會係網上識到知心朋友,而我就識到一個好錫我既男朋友!
2004年9月某一日(當時單身既我),留係屋企打online game天外,同朋友宜宜一齊去升lv,去到一個叫妖洞既地方,諗住搵人一齊升~搵左一陣就有2個男仔team左我地,我地4個人一路打一路吹水,吹吹下有個男仔話想要一個老婆~剛好我地2男2女,所以我就同左一個叫Capri仔既人係天外拍拖啦~~
起初我都係悶悶地所以日日都同佢一齊升,因為佢又高lv過我,同佢一齊又唔洗點樣打,所以日日都痴住佢啦~~~我同c仔日日都一路打一路打字傾計,搞搞下就開始傾電話啦~
唔知點解我同佢好岩傾,一傾就可以傾好耐好耐(當時我同佢都冇工返)傾到大家電話冇哂電=.="
跟住,佢係game到好錫我,送左好多game既物品比我~~知我鍾意咩就好努力去打返黎比我~~跟住我開始對佢有好感>w<唔知點解同佢一齊傾電話可以好開心,完全忘記哂唔開心既事,什至,之前同我拍左2年幾拖既男朋友!!!!屋企既唔開心事............咩都忘記哂^.^
有一次,我問佢拎相,佢send左比我,但係我一睇就覺得佢一d都唔靚仔,不過自己又冇拍拖又悶悶地,先會同佢玩住先~!識佢一個月到,佢約我出黎打機,我就叫左一個朋友出黎陪我見佢,我地打左12個小時.......我見到佢第一眼覺得貨不對辨,哈哈......係因為佢係電話到把聲好好聽,man得黎又好溫柔~不過由佢啦~我都係當佢朋友~本來我以為見完面佢會唔搵我,點知,佢送完我返屋企(我住旺角,佢住筲箕灣)之後冇幾耐佢又打電話比我同佢傾計~!傾到直至佢返到屋企,本來我想訓覺,點知佢又打電話比我=0=佢好細心好溫柔.............令我好sweet好開心~!過左幾日佢又約我去網吧,次次去我地都打12個鍾~~~有一次,佢叫我入去筲箕灣打機,又係開左12個鍾plan,打打下我好累,佢叫我訓係佢大(比),果一刻我覺得好有安全感~!
過左冇幾耐,我搵到一份工,就係,天外online game公司請左我~有一次我要去筲箕灣行哂所有網吧,所以我call佢叫佢叫佢帶路!因為佢又冇工做,所以一口答應左我啦~我地行左大半日,之後又去左打機~^^~
唔覺唔覺又過左好耐,就黎到christmas!我好怕到christmas,因為我2003年christmas同阿文(拍左2年幾果個)散左~c仔約我christmas同佢一齊出街,我話唔想出去,佢就同我講:出黎玩開心d架~唔好諗以前既野啦~最後,我都係同佢一齊出左去旺角網吧打左12個鍾~!!
之後,佢約左我出街好多次,成日同我行尖咀~坐海旁~當時都已經係冬天,好凍~我地成日一坐就可以坐好多個鍾,等到夜晚就睇燈光會演~有一晚,睇睇下我話好凍,佢就同我講左一句:你凍呀,禁我攬實d你咪唔凍囉~!就係禁,我同佢就一齊左啦~~~~直到而家..... |
|
發表於 08-9-2 03:16 PM
發表於 08-9-3 01:21 PM
