話說今日因為下午一點要番工,咁我都好神奇地星期日都會向11點就起左身,
正當準備出門口既時候,我老爸叫我拎埋兩大袋垃圾出去拋棄佢地,
因為屋企樓下本身之前有個位置係用黎放垃圾既,咁我都放左向個度啦,個陣我唔知道個位原來已經取消左冇人黎收,
正當我放低左,想繼續向前行,冇啦啦有把男聲兇我: 死靚仔,你的垃圾呀
我一擰轉面...見到住隔離屋既一個男人同埋佢老婆+個女向度,之後對話如下:
我 : 乜呢個位唔係日日朝早有人黎收垃圾既咩?
男人 : (依然聲大夾惡)之前係我比錢叫人黎收架
(其實一定係大話黎,因為之前個的係政府既清潔工人黎)
咁我都行番轉頭,去拎番去第2度拋棄啦,但係我好憎佢一開口兇我死靚仔,咁我咪話
我 : 先生,唔該你講野禮貌小小,而家乜野死靚仔呀?
之後個男人冇出聲,反而係佢老婆出聲
女人 : 佢大過你,唔撚叫得你死靚仔呀(勁大聲,勁惡)
(一听佢講完呢句,我即扯火,心諗,唔通你大過我,我叫你死老坑?..咁我咪回佢)
我 : 我而家唔鐘意冇啦啦比人叫我死靚仔呀(比佢仲惡仲大聲)
(本來佢唔講粗口,我都唔會講)
之後我都行番去執啦,我執緊個陣,個女人仲講左句
女人 : 你有權唔撚執架,冇人迫你執番架(勁大聲,勁惡咁)
之後我又扯火-.-..
我 : 我如果唔執我行番轉頭托撚呀,你粗乜撚野呀
我執完行番轉頭,佢2公婆企向路中心,封晒成條路咁想唔比我過(我住個度得一條路出入)
一見到,佢2公婆明玩野,我唔出聲行埋佢地前面,都唔肯讓開,咁我本身都火緊,
之後我行到個女人面前,好大聲咁喝左一句"死撚開啦,我趕住番工唔得閒同你嘈,都唔想同你嘈呀"
一叫完呢句-.-唔知佢地係唔係比我咁大聲嚇親,睇住佢2個成個彈開-.-...
晚上番到去,問番,原來個2公婆成日都係咁想無野搵野黎嘈,見人個樣"林"的,就會搵藉口恰人屌柒人
但當一比人兇番就會淆底收皮+走佬,附近好多人都知,所以平時都冇人會理佢地 |