轉貼~尋找白色北京狗前主人孫太(住官塘區)

小倩yy

孫太,唔知你仲記唔記得我,
2006年因為你有左第2胎,以冇辦法再養你屋企既狗,
而我就係0係呢個領養區到同你講,我本有已經有隻6歲北京,想養多隻黎陪佢,
所以我就收養左你隻當時9歲一隻眼盲既北京狗--奇奇,
當時我同我前男友去你官塘屋企既樓梯口帶走奇奇,我地走既時候都睇得出你唔捨得奇奇...
我0係呢度想搵返你係想同你講...
好對唔住,我冇好好地咁照顧佢,
0係我帶左佢返屋企之後我過一年左右,
我同我前男友分左手,我搬左返我屋企人度住,
我屋企人度有小朋友,所以無辦法帶埋兩隻狗走,
當時只好暫時將佢地兩個生命交比我前男友照顧,
再過左幾個月,我再搬返出黎住,
我要我前男友將兩隻狗帶返黎比我,
我個妹幫去接兩隻狗0個一日,
佢將佢地兩隻塞左落個好細既袋度,
抱佢地出黎既時候佢地兩個成身都爛哂,
好瘦,而且仲發現佢有食屎既習慣,
我唔知我前男友係唔係唔比野佢食搞到佢變成咁,
我一直好想搵你但我冇左你個電話號碼,
我只好0係度希望可以搵到你,但你唔好誤會,我絕對冇諗過將佢比返你,

而且你放心,佢地兩個都已經好返哂~
而家仲肥0都0都~不過奇奇既另一隻眼都因為白內障睇唔到野喇!
計落佢已經十一歲幾,我相信佢唔會仲有太耐既時間,
我只係想搵到你~等你見下佢,
而我亦會一直照顧佢,直至佢自然離開!

奇奇主人miriam_wai==>cwai@livemail.tw

睇到之後都想幫奇奇搵返以前ge主人見下~~所以轉貼左黎~
希望大家幫手搵^^等佢地可以見番面啦

TRUMP`

希望奇奇盡快搵到孫太^^
亦都希望佢地見返面

藍莓＊

岩岩先睇到~ 好感動啊T_T

yIn】.

感動 T^T

希望樓主快ｄ搵到孫太 啦 = ] `