今件大家都想知既報警事情經過~ - Fantasy Earth Zero

2000FUN論壇 › 綜合論壇 › Fantasy Earth Zero › 今件大家都想知既報警事情經過~

查看: 7959\|回覆: 68	go [新聞] 今件大家都想知既報警事情經過~ [複製鏈接]

難民無銀用

三星高級會員

Rank: 3 Rank: 3 Rank: 3

UID: 1094981
帖子: 550
積分: 533
Good: 29
註冊時間: 08-6-19
在線時間: 128 小時

1^#

發表於 08-12-29 03:21 AM |只看該作者 |倒序瀏覽 |打印

件事其實呢~就真係公說公有理婆說婆有理~

個個都講d唔講d~ 我依家遁例講返係點啦~

首先~我打緊第一場比賽果陣...無啦啦見到 c團唔知一個定幾個.....企上網吧d電腦台

大叫「玩game之人係唔係度呀係邊呀玩game之人」 <--不停大叫~

跟住呢~玩game之人就回頭望~ 「點呀我就係呀..咩事呀?」

c團眾人(好似好細聲):「哦...呢個係..哦哦哦...」 <--眾人的反應..叫前叫後兩個樣~

之後呢~玩game之人就話勒:「我依家睇緊比賽係咪有野想搵我傾呀? 係既ok~ 我睇埋比賽一陣出網吧慢慢傾」

跟住就埋下伏線~跟住繼續比賽..直到打c團...打緊既期間~c團不斷出口術~又話「淆呀?唔敢打」

「落黎啦我地輸左解團喎」有d呢..就大叫「無銀收皮啦吊你老母」..又有d 「打佢老母啦屌廢柴」<--類似咁既說話~

之後呢~ 烏合無人有回應~專心比賽~結果~當然c團嬴~ 嬴4個人頭~跟住呢~

等緊同紫焰打亞軍戰果陣期間既小插曲~就係玩game之人叫我 +埋一兩個烏合人~行埋去眷戀度問野

首先呢我就第一句問「乜水岩岩屌無銀老母呀?」眷戀答:「有咩?冇呀~我地無人屌~」

無銀再問:「無呀?真係無?岩岩我比賽緊好多人同我講你地有人屌無銀老母」眷戀+幾位c團人:「無~我地無人吊~

最多都係有人講打佢老母啦 ~但真係無人屌無銀老母~況且比賽之前我地係大家樂都同無銀用握左手」

玩game之人答:「下?握手? 無銀岩岩都未黎~你到底知唔知邊個打邊個」無銀再答:「我先係喎你攪清楚未」

跟住呢~無銀再問:「真係無人屌呀? 無人認? ok 無問題咁仲有冇野想講?」 c團幾位:「有咩想講?冇野了」

無銀:「ok」跟住玩game之人就問啦~:「咁點呀岩岩咁大聲搵我出黎 ~依家出左黎啦你點丫?」

跟住眷戀:「無..無..無..咩點?咪咁囉~點呀?咁囉..」慢慢呢~玩game之人就俾其他疑似c團既人係旁邊手指指屌老母

不停叫囂~我仲記得叫囂果個呢~就係灰衫肥肥地~ 個頭好短既~唔知乜水啦~不過在場人士實知乜水~好大聲咖講野~

手指指勁大動作~之後慢慢玩game之人就哄埋眷戀度啦~眷戀就一步一步退後..退到去張台到..成個人挨左落張台度~

眷戀呢個pose在場人士就知啦~文字好難形容個動作~跟住面青青地說道:「點呀咁囉唔係點?我係搵你呀..搵左啦?咪搵左囉~

點呀?」點解面青我唔知..可能入面熱~可能空氣唔流通~跟住呢~灰衫男就不停繼續手指指屌老母 ~跟住呢~無銀用又出場

說道:「拿拿拿~了解情況姐唔洗手指指咁惡既~拿一係大家出網吧出面傾..無謂攪到比賽進度」~跟住呢就有兩個

好似係烏合又唔知係咪烏合既人呢~就跳左出黎~同灰衫男發生口角跟住雙方鬥手指指~跟住雙方就講好左出網吧出面傾~

點知呢..個灰衫男不停話出..又好碎步咁慢慢出..又出又入..好似跳緊 "茶茶"咁..講野又愈來愈細聲..結果..當然冇出啦..跟住呢~

某c團人士:「算啦無銀無影大家出黎打機唔好攪到咁啦」無銀:「拿我黎呢~就係主要想知咩人屌我老母我既問題就解決左

依家呢~係玩game之人同你地既恩怨與我無關」期間玩game之人就繼續好似眷戀口中(好無料扮惡地)兇佢~

跟住c團有人就話報警啦..報左警先啦...跟住眷戀就打電話~跟住疑似烏合既人呢就同灰色男有身體接觸啦~

之後呢~我見有人叫我落場比賽~ 我咪去左比賽囉~跟住好似玩game之人果d呢~都去左睇我比賽~

跟住呢~ 打緊紫焰皇城既亞軍戰..一開波未有死傷既情況下..就有差佬黎左搵無銀講:「喂細路出黎傾啦打乜撚呀快啦」

跟住無銀呢~就退後補血..企左隻人係度..諗住搵gm講停賽既時候..個差佬就狂拍我個鍵盤叫我咪撚再打~咁我咪行囉~

跟住我是但叫左我身邊唔知咩人..叫佢郁我隻人幫我玩住先~跟住我就行左出網吧啦~之後場內發生乜事~我唔清楚~

跟住出到樓梯口~就俾差佬問話勒~問話呢度~冇乜精彩部份~ 不過事後聽返呢~

原來我未出去之前呢~唔知係眷戀定係灰衫男就不停講:「阿sir 我地俾人打呀俾人打呀」跟住呢d差佬就話

:「俾人打呀?咁洗唔洗驗傷呀?」跟住就唔知眷戀定灰衫男就答:「哦..唔洗」

大約就係咁~跟住呢~問完話~個阿sir就話眷戀唔追究~又呢樣果樣~冇乜特別~跟住期間個阿sir就撩眷戀傾計~

問呢個係咩party~點解咁多人..又話呢樣果個~眷戀就有問必答啦~阿sir問我我都係咁答~

跟住呢眷戀就指一指無銀話:「我同佢都係黎比賽~大家都係會長一向都無乜嘈~冇乜恩怨..可能係....(我唔記得左佢講乜)」

跟住我就答:「阿sir~有時d野呢~就好難講網吧幾百人..大把人抽水..(下刪幾十字)」

跟住阿sir後尾就話無事~拎返身分證走人~ 我同玩game之人同疑似烏合既黑衫男就好有禮貌咁同d差佬講~

:「阿sir 辛苦晒辛苦晒~走先」...跟住呢~當我地行到出網吧門口..就會合返我班朋友..去左網聚bbq~

走前難民無晒影見到眷戀落樓梯...就衷心大聲講一句:「c團好波~眷戀好波」跟住舉起隻母指讚眷戀同c團~

跟住唔知眷戀有冇回應~我就帶隊閃人網聚!

故仔就講完....我就如實報到~如有缺留~記住出聲提一提我~

好簡單我就想講返~呢次比賽~你地c團嬴左~係你地本事~

不過呢我就覺得係論壇繼續嘈~好無謂~

我今日過黎呢~好簡單我係想了解情況點解有人屌我老母呢~你地話無我咪ok囉~

你地同玩game之人咩恩怨咪燒落我果搭先得嫁~唔係關我事呀嘛?(乜唔係話你同我一向冇恩怨咖咩?眷戀)

又講乜野粒水呢個粒水...唉~網吧幾百人..咩人粒水一眼見啦...咩人無品..一眼見啦..下話~

嘈條毛麼~野就講完~ 我訓先我諗唔會再回呢個post~如果可以希望版主可以關post~我係當事人之一~

我想出黎俾個真實報導俾各玩家+想抽水既人睇清楚~

多謝大家收看~訓先~88

[ 本帖最後由難民無銀用於 2008-12-29 03:24 AM 編輯 ]

關閉 安全驗證

[新聞] 今件大家都想知既報警事情 經過~ [複製鏈接]

瀏覽過的版塊

關閉安全驗證

[新聞] 今件大家都想知既報警事情經過~ [複製鏈接]