可唔可以教我玩

cheung666666

可唔可以教我玩

happytcyhk

真係無得教架喎...

不知不覺的

原帖由 cheung666666 於 09-1-5 11:41 PM 發表
可唔可以教我玩

神族戰法.....
一開始爆工兵6隻,起1粒屋,再爆工兵拎水晶到150起升級廠,其間爆工兵拎水晶,起升級廠時搵1隻工兵去敵人基地入口位起屋,(唔可以比佢地發現你封佢路)然後等升級廠起好就起3個炮台封敵人基地路....
(此招好處,神族式快攻,封敵人位,令敵人減慢發展,若果運氣好,可以繼續起炮台進迫,以炮台取勝.....壞處:浪費資源起進攻炮台,如果唔係1on1,唔建議用此招)

招式...
人海戰術....爆兵廠,出四腳怪,狂戰士....
精兵戰術....起忍形兵"鬚菲呀"偷襲.....
血盾戰術....出一隊白波,3條虫....
內部破壞法....起2隻識出黑洞果種飛機,之後響自己屋企狂爆人海,將佢地集中一個地方,覺得人海夠海就將1架飛機飛去敵人基地,出黑洞傳送d卒過去,可以避過前線既防線從內部破壞

神族缺點:任何野都貴過人,d兵種響地圖上佔既位好大,基地建築唔可以起太密,空對地好弱,控兵能力要強,新手不推薦使用

空對地太弱,所以平時好多時由正面突破,打仗就係要攻弱點,硬碰無着數...平時起2架忍形飛機睇忍形,最緊要就係睇地圖,知己知彼先有得玩,所以我平時會響地圖中間,礦位出口起屋,分散咁起屋,雖然可能會浪費錢,但係咁做可以睇清楚地圖,易知道敵人既動向,知道敵人想拎新礦,都可以即時派兵封佢礦......而且咁做重有一個好處,就係當敵人想進攻,佢地多數都係按"a",點我既基地進攻,咁佢地既兵一見到有建築物就會自動開火,咁就可以減慢佢地到我方基地既時間,可以比你準備對抗既時間,如果佢唔係按"a"黎進攻,你見到佢地路過建築物唔打直行,就可以派兵按a攻過去,因為佢地唔係按a,所以未到目的地前都唔會攻擊,咁你就有先制攻擊,易勝好多,重有另一招,就係見到佢地打你鍵築物,你就可以派兵去佢基地附近,唔好比佢知,由佢基地既虛位進攻,因為佢地d兵出左去打你中間d屋而唔夠時間趕返基地解救,所以你可以盡情破壞.....

重有就係,響發展期時打到敵人基地,唔好同佢d卒硬碰除非你見個勢係嬴硬........盡量殺佢工兵....(發展期...大約係敵人有二十幾以下可出單位數既時期)

神族打要用空運進攻虛位方法....
1:用4條虫或以上進攻,用載人飛機載入去
2:起大艦半隊或以上進攻
3:用黑洞飛機放黑洞吸自軍入去

全部自己打,有意見先比good後再同我互相討論,令戰術更成熟.....