再見了…但很想說聲對不起

悲傷小子

呢個係我最近一次拍拖o既經歷…亦都係最長一次…
希望大家唔好怕長啦…

2007年:

9-10月:
我同佢相識o既時間大概係o係前年o既9-10月 佢中4…果陣我重新玩番一隻online game而識到佢 一開始我同佢都係只係鬥下氣 串下對方 當朋友咁玩 冇諗過溝佢… 果陣佢有一個game o既老公 冇見過面 果陣時佢覺得有game老公都唔可以有真人老公的..果陣我同佢都會日日sms 但係冇野的(ps:我同女性係玩得夾d同埋fd d的 對男性總係講唔出心事=.=)跟住知道佢o係學校唔開心..比人排斥..同埋同屋企人關係唔好…因為o係學校唔開心而成日唔番學…咁我就冇問點解比人排斥啦…只係關心下佢同埋哄下佢…當時佢話冇人知佢唔開心..除左佢親口講比人聽而知道果d之外…我係第一個睇得出佢唔開心的…所以果排我成日o係game同佢講野希望佢開心d…成日撩佢玩下呀果d…有次仲話見面果陣時一定咬對方 佢話買底褲比我要我著比佢睇 同拉我入bra鋪 不過我知道只係吹下水玩下 哄下佢開心 所以唔會當真…之後我地都一直以呢種鬥氣關係去到11月…

11月:
11月係我生日o既月份..咁我自己識整蛋糕 同屋企有工具..所以佢話黎我屋企整生日蛋糕比我…咁我好開心啦…因為咁大個仔都未試過有人親手整生日蛋糕比我…最多都只係買….咁就約左24號..係星期6黎…而佢就只係同game老公講同fd慶祝生日..冇話係見net fd…咁我準時到地鐵站接佢啦…因為佢住屯門..所以出黎比較耐..中途我收到sms 佢話叫我番屋企先..因為佢話冇咁快到…咁我問咩事..佢唔肯講..所以我去左機鋪打幾場機再番去地鐵站等佢…咁佢到喇…第一眼比我感覺係完全唔同相見果個…因為相果個一d都唔得(後尾佢話番比我聽話相果個唔係佢黎…只係試下我係米睇樣o既人先決定出唔出)…咁我問佢咩事…佢話比我聽搭錯車..所以遲左…我話冇所謂啦 不過而家5點幾唔夠時間整蛋糕架啦 問佢有冇地方想去 佢就話去(青衣)海傍坐下 o係海傍度傾下計咁…我果陣先知我係第一個佢見o既net fd 之後我問佢學校做咩事唔開心呀~佢一五一十講晒出黎 話因為拒絕左個男仔搞到個男仔唔開心 所以比人排斥 我就講d野開解下佢啦 話過一排冇野架喇之類o既野 之後我拉開話題...講笑咁問佢你唔係話咬我架咩 之後佢真係咬左落條頸(仲要勁大力果隻=.=||||)之後食野送佢番屋企 都有玩下吹下水咁…呢一日o既事就咁完左

12月:
之後幾日我同佢都係照常sms呀果d 我同佢講我有d鐘意佢…可唔可以一齊..做佢真人男朋友…佢話唔得…佢話佢自己都唔知對我點…但係佢有game果個老公…唔想做d對唔住佢o既事…所以話做對好朋友先…咁我好唔開心啦…之後12月1號到佢同我講星期6(12月8號)同佢game老公見…果陣個心真係好痛…到星期6啦…佢直到見到個game老公前都一直有同佢sms…咁佢地睇完戲之後就各散東西…咁佢打比我…我問佢點…佢話有d唔開心…有d失落….我問點解…佢話因為個感覺完全唔同…一d feel都冇…我話係咁架啦…網上同真人feel跟本完全唔同的…之後我叫佢快d番屋企啦 咁凍。

第2日同佢msn 傾傾下佢問我可唔可以而家出黎…我話下…而家3點幾4點啦喎…出到黎都冇咩時間啦(其實果日有d事所以唔出得)…佢話佢好想見我…之後過2日…佢話其實果日睇戲果陣個腦只係係咁諗到我…所以睇完就打比我…咁我問佢做咩而家先講呀…佢話唔想呃住自己..咁呢日我地就開始左啦…12月11號…我問佢…咁你game果邊點算…佢話比d時間佢..等佢講清楚…直到星期6前我地都冇得見面…因為住得太遠…佢住屯門..我住青衣…呢幾日傾左好多野…問佢點解中意我…我又唔靚仔..又冇$..又唔高..冇咩野特別叻等等(我對自己冇咩信心)…我問佢第一次拍拖想要咩…佢話要100粒可樂味珍寶珠…之後佢話講笑…第2日我就去左買定100粒比佢…到星期6 去巴士站接佢…之後搭巴士番屋企 之後o係屋企度我真係比左100粒珍寶珠佢同埋一封信…講我感受o既信..佢睇完之後o係度喊…攬住我…跟住每次見面都要等星期6..每次走都好唔捨得…平日番學上堂都只係用sms溝通

到12月24號…隻game d族人搞網聚 佢想去…而我又約左game另外一d人..所以我地要走2場…完左之後我地坐海灘邊…果度好凍..所以我除左件褸比佢(其實我都好凍)…雖然好凍..但我地都o係度攬住傾計…想比d暖佢…唔知點解唔想走..想靜靜地過2個人o既夜晚 果陣真係得我地2個人….之後坐左好耐先搭的士出番市區…出到去佢game老公sms佢…問佢同我玩得開唔開心(語氣不太好)…咁我女朋友就知道佢叫族d人查佢去邊(game關係未解決的)…因為佢冇同game老公講過會同我有下一場…咁我女朋友就好嬲..因為佢最憎人查佢…跟住各自番屋企…

到12月31號….我同佢約左班族人溜冰同倒數…去到後知道佢game老公都有黎..佢就想走啦..最後都冇走到…一路上都冇咩事…但行緊去倒數就開始有事(果陣佢仲未知我同我女朋友一齊左…我女朋友唔想佢多事)…行行下佢突然攬住我女朋友講對唔住呀對唔住呀咁…我女朋友甩開左佢…之後我細細聲叫佢行埋d我度…但果個人又想攬住我女朋友…之後我忍唔住推開左佢(平時我好怕事..唔知點解突然間咁勇 果個人高過我半個頭又大隻過我)我女朋友就喊住咁渡過倒數…之後d族人就叫我地行先..佢地o係後面叫果個人走..佢地o既關係就咁完左…送完佢番屋企之後我回家途中同佢sms…佢話聽到我同佢講唔好再搞佢同推開佢其實好開心…呢個時候我都放心晒…呢日就咁完左…

悲傷小子

2008年:

1月:有次見佢…佢同我講細個果陣o係公園玩..有個男人o係佢面前打飛機仲射左..果陣細個唔知咩事…雖然佢冇掂到d污糟野..但大個左就知咩事…所以對男性佢係好唔信任..

2月:
去到2月頭…約左佢去海洋公園…仲帶左情人節禮物比佢(果日唔o係情人節)…o係海洋公園入面佢見到個熊貓背包話好得意..但最後冇買到…之後番屋企途中我就送左個翠兒公仔比佢..佢好鐘意 佢問我點解我知佢鐘意翠兒 我話問fd之後特登去搵…

到情人節…因為佢屋企唔比佢拍拖..所以佢話果日唔出得街…會比人懷疑…但係到夜晚佢話出去同同學唱k…我問佢你唔係唔出得咩..佢話同同學之ma…咁我就有d介意其實..因為佢都可以話同同學出..但其實同我出…咁所以後補…果日佢送左隻情侶手鐲比我…佢話本來想刻名…但因為唔得閒所以冇刻到…果日我地都整左蛋糕食…本身想整2個…但因為唔夠時間..所以整左一個only…朱古力果個冇整到..

3月4月5月:
呢2個月我地開始見小左..由原來一至兩星期一次變到差唔多一個月先一次…我同佢講見得好小…關係好易淡…佢話唔駛成日見啦…到時一齊住果陣都大把機會見…5月果陣..我特登約個fd去海洋公園買隻熊貓背包比佢做生日禮物…因為佢6月生日…呢幾個月我同佢見o既次數係同佢見game族人o既次數係差唔多…

6月:6月11係佢生日…亦係半年o既日子…本身諗住正日同佢去玩…但佢要考試..所以唔得…而果個星期6佢就約左族人慶祝…我都有份去…所以我同佢o既事就後補…但我已經有d唔開心其實…因為已經差唔多一個月冇見過佢…但佢同人慶祝左先…諗住等下星期…佢又話約左同學…因為呢件事同耐冇見o既關係已經嘈左排…而再下星期6佢又m痛冇得出…拖下拖下拖左成個月…7月頭先補得番…就出街問題已經開始有d爭執…隻熊貓公仔送左好耐都送唔出…

7月:終於到左補番611o既月份…因為佢好鐘意食日本野…所以就訂左位…佢黎緊果陣話不如叫xx黎埋呀…我問點解…佢話熱鬧d..我話點解我同你慶祝都要叫埋第3個人…之後佢就話算…黎到我屋企啦…hea左陣就出去睇戲…睇完戲諗住去影貼紙相啦…佢半年前已經話半年先影啦…但到今日我帶佢去影都又唔肯…話唔係我走架…咁我果陣都好唔開心…已經半年…同佢一張合照都冇…想影張相都咁難…之後送左隻熊貓比佢..佢當然係好開心..呢一日就完左….

8月9月:見得越黎越小…試過一個半月先見一次…但佢完全唔覺得有問題…亦都因為呢個問題我地真係嘈過好多次…次次都係我認錯….我仲記得有一次佢話…咁鐘意成日見..你米搵個鐘意痴住你o既女朋友囉…果陣我真係好痛~”~其實果陣我已經有種感覺…覺得佢已經唔鐘意我…我覺得係同一堆文字拍拖…因為佢屋企唔比佢傾電話傾得耐…連聲都冇得聽…我亦都成日預先約佢..但佢成日都話到時先算…但其他人約定佢就得..我就唔得…有反映過..但都係冇變….

10月:
佢問我生日想要咩(其實我11月生日 只不過佢早問)..我就話想去哈囉喂…我好想去好耐…2年冇去…因為個個fd都同女去…而同學就冇興趣…但佢話驚…不過最後都肯同我去…所以聽到佢同我去真係好開心…但最後都係去唔成…因為本身同佢講買至尊飛…佢唔想排隊…..但遲買o既關係賣晒…而我心急驚冇飛就買左普通飛…後尾同佢講番….佢話唔去喇…佢話唔想排隊同本身都唔想去…我就話買左飛喇喎…佢就用好惡o既語氣話總之我唔會去!最多我比番我果張飛o既$你..你同第2個去喇…但我唔同佢去都唔想同第2個去…所以我賣左張飛…而我媽媽知道我好想去玩..所以佢出$買飛…本身話去果日…我要特登出街去行…因為我唔想我媽咪失望~_~.而d$我後尾都搵左借口比番媽咪….

有日…我女朋友同我講唔識填報會考張紙…叫我去幫佢…咁我去到屯門邊食野邊幫佢填…佢睇住我填啦…佢話原來咁簡單..早知唔駛叫我黎…我心諗…都冇見咁耐…當食下飯都好呀…駛唔駛咁講野….好簡單..食完一餐飯就走…

11月:11月只係見得一次…亦係我同佢o既感情最後一次…果日係我o既生日…我叫佢早d到..佢話咁早做咩…都冇咩野做…我話見耐d都好ma..但都係唔肯…佢黎到我屋企4點幾5點到….咁我地攬下玩下電腦咁…佢o係我msn同fd講話冇買生日禮物比我..問我信唔信..咁我緊係信啦~但冇咩所謂…有佢陪就得啦…之後就發生左一d唔開心o既野…我問佢咩事佢又唔肯講…我地冇同大家講野一個鐘到…我唔開心係因為佢唔肯同我講咩事….之後離開屋企…落到樓下坐…一路都冇講野…後尾佢拎左份生日禮物比我…拆開黎睇係一個銀包…咁我好開心..o佢叫我估幾$...我估極都唔中…最後佢都冇講..只係話佢用左成副身家…我問佢做咩買咁貴呀…唔洗買咁貴啦..佢話呢個靚…所以揀左呢個…之後我地好番…

[ 本帖最後由 悲傷小子 於 2009-2-21 10:48 PM 編輯 ]

悲傷小子

12月:11號係一年…果個星期6唔記得有咩事..所以出唔到…諗住下星期啦..係20號..咁我19號問佢…佢話星期6約左人..上個月約定…咁我問24號得唔得…佢話留左比屋企…我話25..佢話有個bbq…同另外一個家族o既網聚…佢話23米見到囉…但23只係同本身族果d人o既聖誕網聚…
我話我之前約過佢…佢話唔記得…問佢可唔可以25唔去..佢話唔可以..問佢有冇諗過陪我詔…佢話有…我問佢咁又比晒fd…佢話冇比晒 一日屋企一日fd..23號唔係咩…我話邊算呀…我心諗…平時已經見得小…點解你連呢d特別日子都唔肯同我過…之後佢問我咁我想佢點…我問佢係米好不滿…佢話唉..唔知呀…之後就冇應…隔左1個鐘到…我收到個sms…內容大概係..話佢有樣野想同我講好耐…只係唔忍心講…拖到而家..佢已經諗得好清楚同好耐先講...其實佢覺得我地好唔夾...我鐘意2人世界佢鐘意多人熱鬧...我又想成日見但佢又唔想咁麻煩..出耐小小街就吹佢...我已經20歲..佢唔想晒我時間..分開左對大家都舒服d...佢只係唔想咁辛苦..我又唔洗成日等我星期6..其實佢有睇我地個日記...話咁不滿..咁我地以後都唔駛咁辛苦啦..點都好..我都想我地做番朋友...xx字

之後我都留過…但都係唔成功….我話最多忍下..但佢話唔關我事..係佢問題….佢話怕左拍拖唔想拍…長期都唔會再拍拖…話大個左先…咁我問佢可唔可以好似之前咁親..叫佢呀…打比佢叫佢起身等等…佢都話ok…咁之後我都有打比佢叫佢起身…但過左排佢話唔好成日打比佢叫佢起身..佢話覺得好冇空間感…到左25號…我約左佢31號…但要叫埋2個fd(佢地係情侶)先肯去…咁成功啦…果日我地玩得好親密…我2個fd都話我地唔似散左…o係度挨挨撞撞….睇戲果陣佢有一下係挨左落我個搏頭度…但係即刻起番身…睇完戲倒數完果2個fd就番屋企 同我地唔同路…咁我諗住送佢番屋企啦…但佢唔比…諗住比封信佢…佢唔肯收…我話封信冇野..唔係想叫你同番我一齊..(入面其實係話同佢一齊果d回憶…好多謝佢…同埋叫佢努力讀書…因為佢成績真係好差…又懶果堆人…會考一定係0-3分…)最後我都塞左封信比佢…之後佢話掉左落垃圾桶…咁我就o係美孚站度逐個逐個垃圾桶度望…希望搵番封信..但最後都係搵唔到…而佢都嬲左我一陣…

後尾佢話其實冇掉到封信…但佢唔會睇…話或者有一日無聊會拎黎睇….果陣個心都係好痛…

2009年

1月:

新年果陣因為大家都唔得閒..所以好耐冇傾…之後佢番黎…我o係度搵佢啦….佢話可唔可以唔好度度都搵我…佢話好煩..可唔可以比d空間佢(我心諗又係你話可以好似之前咁親..)之後我話好喇..我話我過份左…之後搵親佢都話行開陣/唔得閒…我就冇搵佢了…到有一日…我個fd出糧…咁我叫佢請食飯啦..佢話..呀xx都咁講喎…之後過幾日諗住tum番佢同埋叫佢搵埋個fd食飯…我一叫佢..佢就即應話唔得閒…咁我其實都知咩事..佢唔係唔得閒..只係唔想理我/唔想同我講野…咁我就叫我個fd約佢食飯啦…個fd一問佢佢就話係米呀xx叫你問我做緊咩?我個fd就話我同呀xx都咁岩有野搵你…之後佢問我做咩又查佢…話佢唔係蠢..話我好討厭..呢句亦都係我同佢o既最後一句說話…

講左咁耐…其實呢段感情o既中途我都感覺到佢已經唔鐘意我…或者係過左佢果個唔開心o既時期佢已經唔需要我…不過我唔想接受...亦唔想承認..所以就寧願係咁令自己唔開心都想繼續落去…但…最後都係keep唔到…忍唔住….都係分手收場…可能你地會認為我好傻…做咩咁都忍到同咁對佢…我自己都唔知點解會為佢瘋狂…但我冇後悔到…其實我而家已經放低左佢…只係想做番好朋友…但係唔知點解反而做唔到朋友之後反而輕鬆左…覺得成個人鬆晒…為左呢段感情…我頹左好耐…做左頹青大半年…而我而家好想同你講聲對唔住…令你煩厭…雖然唔知你會唔會黎呢個版睇…..同埋希望你有好o既前途同好好努力讀書啦…雖然我好想同你做番朋友…但即使做唔番朋友…我都會祝福你…再見了 我生命的其中一個重要回憶=]

[ 本帖最後由 悲傷小子 於 2009-4-14 11:01 PM 編輯 ]

大地燒粟米

嘩 一口氣睇哂

下次拍拖唔好揀妹妹仔 佢地未定性

睇得出你對女仔幾好的

搵個大個d既就perfect

希望你能做到師傅同埋搵到你鐘意既人啦

悲傷小子

多謝晒

我會努力架喇

宏中子

記住d開心回憶吧~~
^^"
情人節我都好傷心/_\
睇開晒^^

悲傷小子

原帖由 宏中子 於 2009-2-22 08:51 PM 發表
記住d開心回憶吧~~
^^"
情人節我都好傷心/_\
睇開晒^^

最後係傷心回憶~.~
你情人節做咩呀~~

883516

回憶係最重要~.~

JasonXYu

寫得好好牙.....
我同你既經歷有少少似
所以身同感受.......明白點解要今做

天街小雨

好好記住呢個回憶啦@@

悲傷小子

原帖由 JasonXYu 於 2009-3-7 02:39 AM 發表
寫得好好牙.....
我同你既經歷有少少似
所以身同感受.......明白點解要今做

唉=_=你明就好..佢唔明呢...

悲傷小子

原帖由 天街小雨 於 2009-3-9 11:02 PM 發表
好好記住呢個回憶啦@@

嗯...好多時都諗起佢..

-極愛小鈞仔-

我都係一口氣睇哂@_@

好開心你最後都想清楚~
識得再去讀返D自己鍾意既野~
雖然你留唔住佢個人~
但至少你都可以保留左D美好既回億~

我同你情況都係差唔多~
一樣對佢好好,但發覺到最後佢已經唔再需要我.

[ 最美的愛情, 回憶里待續 ]

小神話

一口氣睇完也

ccfei

感謝大大的分享^^

mygames

以後真的注意了。。。 樓主真好