- 閱讀權限
- 40
- 最後登錄
- 10-6-2
- 精華
- 0
- UID
- 478448
- 帖子
- 589
- 積分
- 1052
- 註冊時間
- 05-8-18
- 在線時間
- 181 小時
- UID
- 478448
- 帖子
- 589
- 積分
- 1052
- Good
- 3
- 註冊時間
- 05-8-18
- 在線時間
- 181 小時
|
其實各位網友都係度討論石2點樣唔夠石1好!但係你地要知道,呢個遊戲叫石器時代2 (我係一個石1石化玩家,由1.0時期就開始玩到7.5時期)
首先講講畫面同遊戲速度及地圖全開:
畫面方面:根本就無咩需要去與石1比較好與壞,因為石2既畫面就係佢自己獨有,
只有好唔好睇既問題!但係好唔好睇又係見仁見智,各花入各眼,你唔喜歡
唔代表人人都唔Like..無謂爭論!!!
速度方面:我好唔明白,點解會有咁多網友要用有外掛,有變速器既石1去與石2比較,
其實好多石1既玩家都知道,無外掛無變速器既石1,可以話某程度速度上仲
要比依家既石2慢,依家既石2速度上,我覺得尚可!
地圖方面:我爬文既時候,見到有網友話地圖黑麻麻,好麻煩!又要去與石1比較,但係石1
之所以地圖全開,都係因為有文件下載之後先覆蓋,呢個問題唔大!!
之後講講外掛的爭議與遊戲既玩法:
外掛方面:好多網友都話要求要有外掛,因為石1就係咁玩,但係呢個係石器2,我想講,
石2既玩法同風格,根本就與石1唔同,一直都提住石1有外掛,幾好幾方便,
咁不如你地玩返石1啦!有私服! 更何況石2根本就唔想玩返石1既後路!
遊戲方面:本版上,我見到好多與魔2有關既post!! 將魔2與石2又作比較!兩者雖然
玩法與風格差唔多,但係又有唔同既一種風味!你like魔2完全係你地既事,
但係唔代表別人唔可以like石2,情人眼裡出西施呢個道理,簡單易明吧!!
仲有好多人話魔1好過石1,我可以認同呢個講法,因為魔1既設計團隊就係
石1既設計團隊! 設計團隊當然會知道石1既壞處!因而製作出更好既魔1!!
後續:好多網友強行將石2與2000年既石1同埋與現今既遊戲相比. 我想講,如果要與2000既石1
比較,又根本唔同一個講法, 與現今其他遊戲比較,又的確有唔夠好既地方!其實大家知道
石2其實係2005年已經係日本有測試!要與現今遊戲作比較,又點會有公平既一面???
 打完啦!最後想講,各人既背景,思想,觀念都唔同,,但係又無話邊個岩與錯!!遊戲最緊要係
玩得開心..唔開心咪走囉! 我見有D網友強行將心目中既最佳遊戲想係石2出現,但係又何苦呢,
無論爭吵成點,個遊戲都唔會改變到你心目中既完美!! 既然依家都將要公測,喜歡既就留低,
唔喜歡既咪去追尋你既好遊戲囉!! 為左一個遊戲,有必要爭吵成咁嗎????
仲有!!好多人因為覺得石2慢,但比較既對象竟然係用外掛既石1.外掛根本就唔係遊戲本身既附帶功能.公平嗎??
仲有D網友話因為要返工返學少時間玩作為要用外掛 掛機既理由,我知道有邊個人玩遊戲唔想自己玩得好少少,
至少都唔好俾人拋離..我十分明白!!但係絕對唔可以因此作為一個理由,因為我地係屬於消費者,而唔係製造商.
明白嗎??既係人地拎樣野出黎賣,你只可以選擇買與唔買,你係可以評論比D意見.但係 你最後都係只可以選擇買與唔買姐!
真係最後一句:以上既說話,我完全無要得罪別人既意思,我只係想表達下我既睇法, 如果你係想玩一個有外掛,可以掛機,
速度又岩自己既遊戲,!! 就應該係你自己去揀遊戲..而唔係你揀左個遊戲(石2).叫個遊戲去配合你..因為
咁樣根本就唔附合消費者原則!!!! 講完,多謝各位!!! 早抖啦!! 依家都成6:54分!!!
[ 本帖最後由 googlesp 於 2009-3-13 05:53 PM 編輯 ] |
|
發表於 09-3-8 03:26 AM
發表於 09-3-8 02:06 PM
