我可以點做 ?!

kevinwong38

呢個問題 其實已經困擾左小弟很久很久 一直都未解決 令我生活也出現負面影響 ..

話說係咁 ..幾個月之前 經過朋友約會下識到一個女仔 , 其實個女我早就知道她的存在 只不過因為學校唔同班 又無共同朋友 所以到而家先算係認識

果日我地去左某友人家BBQ , 其實我地全程都無咩接觸 , 因為我全程都同朋友一齊行一齊傾 , 無乜點理佢 所以我地既話題亦都唔係多

呢一日 係我地第一日相識 。



其實由呢日起我對佢係有好感 , 或者係她的樣子是我喜歡的類型 好膚淺吧 ? 所以我一直都唔敢肯定我既感覺

果一晚 各自回到家之後 經過facebook知道佢msn , 佢都好主動去add我 果一刻我既感覺係  有機會 !


我地一直以來都係用MSN傾下 漸漸地又msn變成電話 由電話變成開始出街 由普通出街變成曖昧

我有向佢表白過 不過佢無接受我 或者就係由呢一刻開始 我地從前無發現既問題開始加深 ..


我有問過點解佢唔同我一齊 , 佢既原因就係覺得我好賤格 佢有好多朋友係佢面前講我壞話同勸阻佢

至於我有咩野咁賤格 大約就係我既過去 比人覺得我係一個花心 , 玩玩下既人 雖則我唔認同

就係呢個問題 我地一直都只係曖昧關係 其實咁樣 我個心已經好唔安落 硬係覺得唔知點咁 我唔想咁既關係

不過 我明白有d野係要時間證明 我唔介意比時間佢 因為我係真心鍾意佢 。


直到某段時間 , 有另外一個男仔追佢 果個男仔同佢同校 其實我唔知佢地發展過程 / 關係如何

佢大部分朋友都支持佢選佢唔選我 就係咁 我地又因為呢個問題 進一步加深左煩惱同矛盾

矛盾既係 佢話佢係鍾意我多d 但係另外個個無過去 第一次拍拖 無朋輩壓力 佢咁樣會舒服d 。


呢段事件持續左唔耐 因為佢決定左遠離我同佢拍拖 一開頭我為左呢件事真係好傷心 傷心到係乜都唔想做

我試著去忘記佢 關電話 熄電腦 唔番學 盡量都唔想比人搵到我 果一刻我剩係想一個人頹廢落去 ...


其實只不過係兩日既時間 佢打黎我屋企搵我 叫左我出去 其實果一刻我扮到若無其事咁 其實我好開心

我唔知我開心既係因為咩 係見到佢 ? 定係覺得自己仲有希望 ? 總之 我就係出左去搵佢 去接佢放學

果一日 我地好似以前咁 我曾經天真到以為佢同佢男朋友發生左問題 以為我地可以回復以前 ...


呢段日子都係咁 比我知道原來果日佢其實係呃我 無同佢一齊 只不過後來佢地都係一齊左 我覺得性質上無唔同 所以都無乜點理

係 我承認 ... 我係做左第三者 我地做既野已經超越左朋友既限線 但我控制唔到 我抽唔到身 我唔捨得 或者係 太喜歡 ...


佢話過佢唔鍾意佢男朋友 佢地手都無拖過 我相信 但我接受唔到 我接受唔到我係第三者 接受唔到同人分享女人

我知道佢係鍾意我 但係佢點都唔肯都佢男朋友分手 佢話驚 佢驚佢男朋友係第一次就有個唔好既回憶 佢驚佢朋輩既壓力 佢驚同我一齊會唔開心

佢話介意我好多野 包括我既過去 就算一齊左都會唔開心 ...

我問佢想點 佢話想對我淡d 無咁鍾意我 咁就唔會介意我既野 又話佢唔係鍾意佢男朋友 同佢一齊只係責任 唔肯分手 ...



我覺得佢已經決定左 放棄我 , 我唔知自己想點 或者我知 但我又做唔到 ...

我可以點 ?!

pkpalk

我同你一樣﹏接受唔到自己做第三者
但係我講我既意見之前...希望你同果個女仔講...太遲分手...對個男仔反而傷得更深..因為冇人會鍾意俾人呃既感覺..理由並唔重要...可以同其他人講..性格不合..而且...兩個人一齊..點解要理其他人感受...係兩個人定所有人既事?..佢怕係因為佢唔夠堅決...或者信心未夠吧...

樓主..我都好同情你..因為我都試過俾人話花心..結果好多女仔都好似討厭我咁..
但我真係好鍾意每一個同我拍拖既女仔..只係佢地同我夾唔黎..唔想晒時間而已..
如果你真係鍾意佢...不如俾時間佢..其實可以一齊已經好好..
要不...你就證明俾所有人睇..你有幾鍾意佢...再唔係搵埋佢既好朋友出黎...
傾債計...表明立場...好多人都會尊重你..因為冇咩人肯咁做...
主動搵佢既朋友...不但需要勇氣...仲要令佢地信你...難啊..不過呢個對係黎講係最好既解決方法..
   既然你鍾意佢...就應該了解佢...體諒佢...既然你都知佢難處係咩...點解唔同佢一齊解決佢呢..仲拖?..所以咪令自己更煩惱..行動比諗更來得實際同有用..
        我一定支持你..因為我都因為自己既無能而煩惱過...我都曾經關晒所有既野令所有人都搵唔到我...但其實你同我都知道...果陣既自己其實係好想好想搵個了解自己既人去傾計談心..你唔係真正避...反而你更希望人人都注意你..支持你吧...
                聽日就同個女仔講...叫佢約埋朋友出黎...表明你要追佢既決心...佢既朋友有咩反對...直接同你講..唔好係人背後講壞話..自己去解答...但記住...脾氣好小小...唔好發嬲...唔係既話...神都幫你唔到...

kevinwong38

原帖由 pkpalk 於 2009-3-23 11:50 PM 發表
我同你一樣﹏接受唔到自己做第三者
但係我講我既意見之前...希望你同果個女仔講...太遲分手...對個男仔反而傷得更深..因為冇人會鍾意俾人呃既感覺..理由並唔重要...可以同其他人講..性格不合..而且...兩個人一齊..點 ...

過來人吧 ? 你簡直係照住我既鏡 ...
我而家只係等佢搵番我 都仲未可以有咩行動 或者係我同佢講電話果陣激得濟令佢嬲左我 ...

~Ayaya~

其實也沒什麼可以作 , 你除了等 , 也作不了什麼的
說真的自己的過去也是自己 ..... 除非她是完全不知道
要是她知道你的過去 , 你是沒辦法在她心中抹殺那些

我倒是覺得 , 她也沒有很愛你 , 當然也更不愛那個男生了
聽你所形容 , 其實她也是一個蠻糟糕的女生 , 好像連自己想要什麼也不知道
要是她真的愛你去到一個地方
我相信就算你的過去是怎樣 , 她也會試著去接受然後欣賞你的優點

紫龍-

個女仔怕同佢本身男朋友分手後會唔開心 您或者可以系個女仔認同既情況下 幫佢提出分手
但千其唔好私自行動~ 否則自食其果     
同埋您應該改一下自己形象! 將您之前唔要得既性格改左佢~ 系就系辛苦喲 不過咁做唔多唔小個女仔都可能會感動而去接受您   
頹廢生活久唔久就0k 不過長期黎講就唔系件好事~~@@
成唔成功只可以睇您既做法~ 加油吧大哥哥!0.0

kevinwong38

原帖由 ~Ayaya~ 於 2009-3-24 11:27 AM 發表
其實也沒什麼可以作 , 你除了等 , 也作不了什麼的
說真的自己的過去也是自己 ..... 除非她是完全不知道
要是她知道你的過去 , 你是沒辦法在她心中抹殺那些

我倒是覺得 , 她也沒有很愛你 , 當然也更不愛那個男生 ...

明白 其實我也知道我地既感情仲未好深厚

kevinwong38

原帖由 紫龍- 於 2009-3-24 01:40 PM 發表
個女仔怕同佢本身男朋友分手後會唔開心 您或者可以系個女仔認同既情況下 幫佢提出分手
但千其唔好私自行動~ 否則自食其果     
同埋您應該改一下自己形象! 將您之前唔要得既性格改左佢~ 系就系辛苦喲 不過咁做唔多 ...

我問過呢招了 但佢唔肯
我已經好努力改變自己 包括行為 言語 想法等等 ...都係要時間證明
我也知道這樣的生活實在痴線 但呢件事實在太困擾我了
我不是大哥哥

紫龍-

希望您成功

joetth329

老力表白一定得既

lily050544

+u+u+u乾爸蝶+u+u+u乾爸蝶+u+u+u乾爸蝶

神一樂心

首要解決既問題係 :
你既然知道係你自己講野激得制激嬲左佢 你好應該主動搵返佢 唔理佢係唔係真係嬲你都好

跟住就係佢既問題:
佢既然真係唔鍾意而加個男友 連十指緊扣都唔會做又會同你講 証明佢重視妳同埋驚你放棄佢

佢咁樣我諗比同佢現任講分手更傷,試問自己女友同你去街唔拖妳 你會覺得冇問題嘛

佢現任唔係唔知,係怕講左就等於幫自己段感情寫上句號罷了

你同你呢位女仔講 歌都有得唱 "分手要狠" 佢等幾耐都唔會變得合襯 因為佢最簡單既鍾意都冇

而最後你既問題:
樓上有幾位仁兄都講左 你真係需要企出黎 見下佢既朋友 見招拆招

我諗佢唔同你一齊既原因 跟本就係佢朋友間既壓力 你解決到 應該就會馬到功成

最後給你女仔朋友既意見:
只要大家或者一方都係用心愛過 分手就算用幾美麗既藉口 都一定會係傷 特別係有美好回憶更戀愛就更加苦不堪言,甚至佢真係決定同現任男友分手同妳一齊,可能係佢現任男友朋友圈子中會變成水性揚花,有時令佢對你憎恨反而會減低對佢既傷害,有謂"因愛成恨",但最緊要係問心無慚就好了,始終戀愛係兩個人既事

希望幫到樓主啦 謝謝

明◇〞

當大家理性d睇哩件事既時侯
個女仔現家係一腳踏兩船

keithqq

我相信心入面為佢好就一定會變好的