無疾而終的暖昧

夢雲

e一個關於暖昧的故事同愛情故事好似有小小分別
如果e種故事唔可以係度出現..咁就請版主鏟post/移post吧
小弟文筆極不通順........不便之處敬請原諒

E一段係3年前既真人真事...........

經過左中4 中5既洗禮 我已經變成左一個唔識同人溝通既人
雖然係咁.....係初中既生涯中.....一個唔識同人講野既人居然都發生左一段暖昧既關係.....
e一段令人回味...一段刻骨銘心既暖昧....維持左3年既時間
到e家 我唔知係因為咩原因 我銀包仲留住佢係06年情人節寫俾我既果張野........ 懷念?
'唔知結果會點..但係我同你永遠都係一世既好朋友..........A...14.2.06'  真係可以嗎?
到e家 唔知做咩 都過左好耐 好似心底仲有一絲...鐘意佢既感覺 但係我明明唔應該鐘意e個人'
真係要獲得蹧塌亦滿足?

下文將用A來代表e個人
到e家 中6 a小姐6年都係同我同一斑
只係我同佢已經愈行愈遠......野都無乜點講

PART I :中一時期

係中一上學期 當年既我過住俾人玩既生活...e度唔係重點就唔好再提....
往事不堪回首....
到左中一下學期  大家開始熟  而且亦係情竇初開既階段..斑上亦有唔小邊個同邊個拍拖既傳聞
作為一個不知天高地厚既男仔.我竟然有一個'溝條女玩下'既稔法 e家稔番真係覺得好幼稚
於是 我搵左A小姐埋手...[原因:不明] [迷之聲:A小姐又唔係靚女..玩都玩過好d架大佬...]

[ 本帖最後由 夢雲 於 2009-4-9 07:39 PM 編輯 ]

夢雲

由於年代久遠既關係 係果時仲興ICQ e樣野 我就用古老既icq add左 A小姐
係當初 本身我同a小姐係完全唔熟 但係因為我日日都煩佢既關係 我同佢開始有更深既了解...佢亦有主動add番我 同我傾計

曾經有人問過我:'A小姐咁豬 你咁都鐘意佢?'   我只係話係就算
到e一刻 我都仲係咁稔'感覺既野唔係用樣來衡量架ma大佬.......'而且 我又唔靚仔 有咩資格要求個女朋友靚?   [迷之聲:根本就係你唔靚仔先咁講姐....虛偽]

終於 有一日 我懷住忐忑不安既心情 係icq同佢講:'A小姐 ........我鐘意你 可唔可以同我一齊?'   [心諗:玩姐...做乜會咁緊張既......]
佢好意外 稔左一陣跟著答:'俾d時間我好唔好...我想認真稔下先答你'
fine...人地認真架嗎 邊似得你話玩就玩..咁咪俾d時間人考慮考慮

係示完愛既之後果個星期 佢都無理我 我又無ADD佢 係學校同佢完全係好似唔識咁樣...
好戲來了     !
漸漸 過多1-2星期後 示愛\單野好似通左天 周圍既人都問我成唔成功
我稔:'下 我好似無同任何人講..你地點知架...'口就答無d咁既事
跟著 我番去問佢 :'係唔係你講出來' 佢話係 我問原因
佢就話:'有人鐘意我wo 係你都想俾多知人知啦下話 況且又係你話鐘意我既..介意都我介意俾人知啦.....'

..........'咁你即係擺明玩野啦'我話 佢就話:'擺明啦 玩你ja傻仔'
我玩人唔成又俾人玩番轉頭既情況下 更係唔稔下邊個唔岩 三七二十一就及發老脾
'好 你好野'跟著就off左' 係e個時候 我居然出現左一絲hurt既感覺
E種感覺 令我知道 '我稔我真係鐘意左佢'   玩火玩出事

感情 從來都唔係應該拎來玩 就算係玩 你都玩唔起
慘就慘在 我真係鐘意左佢.....留意佢一舉一動...留意佢行路既姿勢[佢行路怪怪地....]...留意佢同邊d男仔傾計....仲唔想佢同其他男仔行得太埋 .....

'再走近 是我餘情難自禁 就算知道實在太愚笨........'
我都唔想咁 但係我又有咩辦法唔去留意你做緊d乜.....
你明明無咩值得我鐘意..做乜一爛你同我講親野我都會緊張....為什麼為什麼為什麼?

PART1 完...(待續)

pkfbi999

睇黎真係玩出火喇

夢雲

係咪暖昧故事太幼稚-.-
所以無人理

天街小雨

期待下帖@@
快d打埋佢

夢雲

多謝支持..
好快出第2part

Ｋ﹏仔

好耐啦ｗｏ＝．＝仲未完既？
跟主題一樣！？ 無疾而終？

藍山咖啡

開POST直頭潛埋水...

ktszf

-_-support!!!!!!

惜．FLame

支持樓主快ｄ打下文！