大家覺得「寫情信」呢樣係唔係必須的?

暗忍b

大家覺得「寫情信」呢樣係唔係必須的?
首先我發表下個人的意見先啦~
我覺得「情信」唔係必須的!
因為要追求一個女仔,係要講求行動和細心.
例如主動同對方說話,約佢出街,送一d自己做的心思小禮物~
但係好多人認為追求一個女仔必須要寫「情信」,這樣做可能令人感到老土和沒有新意.
我覺得認該要關係熟左先,然後再當面同佢表白.
最緊要係同對方經歷過一些事情先好表白
因為表白可以面對面講.在說話當中加入一些感動的說話,先會覺得你更有誠意.
以上都係過人意見~

[ 本帖最後由 暗忍b 於 2009-4-11 06:07 PM 編輯 ]

異地遊人

情信呢家野.....
有d 女仔可能buy
但係我諗更多女仔會覺得老土同覺得你冇guts

白色夢古

我覺得作用都有,不過一定要keep住寫=_=

個女仔識欣賞會覺得好開心,唔識嘅可以冇留心睇

咁會忽略好多你想講嘅嘢

暗忍b

o...咁我都要嘗試下寫啦~
多謝你地^^

火災次人

呢個真係要好睇個女仔的性格>..<
我之前都有用`個呢個方法(不過係因為岩岩開始果陣唔想比人知先用呢個方法溝通)
如果你真係用呢個方法你最好唔好一開始就同佢講你鐘意佢
最好講下d日常生活先,,之後先慢慢來講一d對佢既feel

月下老人

原帖由 暗忍b 於 2009-4-11 06:06 PM 發表
大家覺得「寫情信」呢樣係唔係必須的?
首先我發表下個人的意見先啦~
我覺得「情信」唔係必須的!
因為要追求一個女仔,係要講求行動和細心.
例如主動同對方說話,約佢出街,送一d自己做的心思小禮物~
但係好多人認為 ...

情信，在某程度上可視為一種手段。
因為情信，只要運用得宜，絕對是一記極為浪漫的必殺技。

誘惑小香水

其實寫情信幾好
有時可能發現左大家有d咩問題..又怕面對面講怕傷感情
用書信咁既方式去講出心底話 都真係吾錯咖
不過就無話必吾必須既 視乎你地點諗咖姐

luikwanchak

乜你唔覺得如果個女仔唔係中意你-.-
你寫情信俾佢  一黎你只係中意人
個程度唔係好夠  用得情信表達
個人感覺係已經暗戀多年  好愛一個人咁
第2  唔覺得有d一廂情願?

月下老人

原帖由 luikwanchak 於 2009-4-13 11:19 AM 發表
乜你唔覺得如果個女仔唔係中意你-.-
你寫情信俾佢  一黎你只係中意人
個程度唔係好夠  用得情信表達
個人感覺係已經暗戀多年  好愛一個人咁
第2  唔覺得有d一廂情願?

世上鮮見兩「始於兩情相悅」的例子，大多數情侶的形成皆屬「追求」的產物。
其實情信只要寫得感情充沛而真摰，要感動對方並非絕無可能。

luikwanchak

你咁講  只係講出萬中無一既例子

係普遍黎講  都係可能性極低
再加上呢個世代  寫信令人感覺守舊
再加上而家追女仔  女仔可能會覺得你老土
反而反感左

月下老人

原帖由 luikwanchak 於 2009-4-13 02:12 PM 發表
你咁講  只係講出萬中無一既例子

係普遍黎講  都係可能性極低
再加上呢個世代  寫信令人感覺守舊
再加上而家追女仔  女仔可能會覺得你老土
反而反感左

絕非萬中無一，寫信亦非守舊。
「情信」是恆久不衰的一種情感表達方式，如同說話。
人說話說了幾千年了，有人會認為說話是老套的嗎？
面對面表白，也有好幾千年歷史了，會是守舊嗎？
在「愛情」的世界裡，是沒有「時令」的。

至於「情信」的「求愛」成功率，一般來說是基於以下幾種因素：
一、實際內容。
二、文字情感。
三、浪漫感染。

假如「收信者」內心真的認為「情信」是不合時宜的「求愛方式」的話，大概會直接丟掉，因為極少數人會接受「老套」。正如大部分人不會穿過時的衣物一樣。
然而，實際情況是幾乎每一位「收信者」都會拆開信封，然後細閱內容。

「情信」只是一種表達愛意的一個平台，或一種工具，對於那些文字駕馭能力優秀的浪漫小子，無疑是一種最省時省力的絕佳方法。
當然，這類有才的人不常見就是了。

○兔兔

我只可以話, 寫信可以將一d平時唔敢講既說話表達出黎,
雖然我buy情信呢套, 但相信現今好多人應該唔buy。

anyway, 我覺得試左冇壞, 始終都係一種驚喜。