我由一開始到而家都係一直玩守護星, 有小小心得, 等我同大家講下
守護星係乜東東, 就係守護人地呀~要有必死既決心先好玩
特點: 血量GAME最高,我28級有3千多血, 其他職都係得1千幾-2千幾, 攻擊力比劍星,殺星,魔道低(大家放心 , 冇你地想象中咁低..者係你搵架R35 同法拉利比..冇得比啦..但係又吾係真係咁慢者, 你地明唔明我想講乜=.=)
有非常重要既輔助技能, 慢人, 暈人, 可以穩定團隊, 大大減低滅團危險性, 因為死都係你死先吧, 你的戰友可能一早走到好遠, 不過呢個都係你玩呢隻職既責任黎, 記住你係要黎守護人呢~
我會由 升LV 裝備 技能三方面同大家分析一下
1. 升LV: 升LV 最好其實係2個人升 一齊解任 一來冇咁苦悶, 可以有講有笑, 2 來可以填補守護星攻擊力低既決點
好多人成日問 去邊升LV好呀, 其實隻 GAME 已經幫大家念得好周到, 佢每一個任務, 都係你個個LV應該要打既怪黎, 所以
一直努力去解任 升到27級其實係好容易既事. 以2個人升級黎講 守護最好搵攻擊力輸出高既職業, 者係劍星, 殺星同魔道星
你做肉盾 佢地殺怪 係超快的 唔洗停, 大大加強升LV效率 但係有好多人會問, 點解唔搵奶媽呀(遊戲中既治癒星,因為(.)(.) 所以叫奶媽吧, 哈哈)? 因為守護星其實真係好守護下....高血量,,,回血技能...防高...怪打你其實唔會太傷, 加上你有超強攻擊輸出做你同伴, 所以坐地板回血既機會係好小的~ 置於想刷精英怪(國內人會叫JY,是遊戲裏一D比較特別既怪, 血量同攻擊力會比其他同等既怪高10-20倍'<--誇張手法?!!'以上, 當然經驗都係非常之高)升等的, 一定要6個人一隊LA 唔洗念了, 唔係好難打, 以我目前28LV , 我所見遊戲裏面既精英怪地區有 2個, 一個係係貝城右下角海岸個邊, 國內人會叫個到做"駐地", 是遊戲裏18級-20級的精英怪,可以升到大約22級到, 另一個係埃城右手邊中間的地區, 個到係28級精英怪.目前估計個到可以升到30級到 想打JY, 6個人一隊係一定要, 呢點我岩岩都講過, 團中一定要有守護星, 同奶媽, 我可以肯定同你地講 除左守護星, 係冇人抗得起, 一定比怪秒, 不過另一點係 如果冇奶媽加血, 守護星都係必死! 守護星仇恨值一定要控制得非常之好, 唔係滅團機會就會好大 如果大家都係有經驗之人, 組隊建議: 1守護, 1 奶媽, 2魔道, 1弓星同1殺星. 點解唔搵劍星? 因為佢有一招係範圍攻擊....係精英地區如果同一時間拉到2 隻JY怪既話...後果真係...所以, 最好唔好搵劍星=.=
不過如果大家25級後 又未有能力去打28JY 可以去深淵(國內會叫OBS) 打怪,OBS係乜我唔多講了 大家可以上網搵下資料, 個到D怪 單練係好好既, 經高 血唔算多 好岩守護星係個到單練, 大量任務, 大量經驗 . 好 講住咁多先 等我黎簡單總結一下
1>>>16LV 不停解任, 16LV開始 可以組隊打18級JY怪升到20-22, 之後去埃城, 都係不停做任, 升到25級, 可以去組隊打28JY怪/去OBS單練 升到30, 30之後點我都唔知了 未來等我30後再同大家分享吧~!
2.裝備 先講武器, 好多人會用雙手劍, 但係我嚾大家千其唔好, 守護既最好武器係單手劍, 攻速快, 爆擊高, 而另外一個最緊要既原因 , 係因為佢要裝番個靚靚盾牌~.~ 點解? 我會係技能分析個到同大家講下. 防具方面, 不用想了 全身金屬裝吧, 額外能力最好係盾防>>加血>> 爆擊, 魔法石(自己上網搵下吧如果唔明, 唔好咁懶)方面, 全身盾防石>>>血石>>爆擊石
前期1-18級裝備都唔洗點買 做任會送, 打怪都好易掉, 唔洗點去理, 不過大家記住一定要不停採集, 因為後期裝備難打, 買又貴 最好自己整吧~我自己武器會上爆擊石 其他全身盾防石, 血石都唔會點上, 好既 血石先+55血 但係盾防一下都已經-人地35-40%攻擊傷害, 點計條數都係防人地好過自己多血(反正都已經好多血=.=...) 加上守護星最重要個D技能都要盾防左人地之後先會出到~
大家都應該知 裝 係分 4 種 白色 綠色 藍色 金色 (都係個句 唔明自己上網搵LA-.-), 基本黎講 如果冇乜錢,又冇乜運, 唔洗去點追求藍裝(金裝更加唔洗念)基本黎講一套綠裝已經OK (守護星咋 其他唔知架) 綠裝打怪就會掉, 都唔算難出, 自己整都有機會整到綠裝, 都唔算難整. 裝備強化方面, 盔甲為主, 強化一下+6防 , 之後就盾牌, 每次多2%減傷或者其他防具,最後武器, 因為加唔加你攻都唔係點高=.=
總結: 武器(單手劍, 最好有加攻擊力, 爆擊, 血) 石頭上全爆擊石
裝甲(金屬系列, 最好有+血, 盾防) 石頭上全盾石
飾物(加血同爆擊為主)
3. 技能 技能分2隻, 技能書同絡印石 石要打怪先出, 書就係NPC買/打怪都會出~
守護最主要輔助技能有 "主神之盔" 13LV學到 極樂世界個到會有得賣, 唔學佢你唔好做守護吧
第二, 就係絡印石技能 "捕獲", 最型最有用既一招 18級JY怪會出 打唔到都唔怕 都係3-5萬一粒, 唔會好貴的
算喇..打住咁多先 好累了....夜D再完成埋佢 |
發表於 09-5-8 10:44 AM
