兩少無猜

manwoohk

行至紅綠燈前等過馬路.在前面的是一對小小情侶,看來只有12-14歲.繁忙路口的交通燈下通常都有一個黃色的發聲物體.紅燈時會"撻...撻...撻"慢慢響.綠燈時會"撻.撻.撻"響得較急.這是為我此等盲人而設的.此時他兩少正在研究那個發聲物體.
女問"點解會響o既.有乜用o架"
男答"呀...比又盲又聾o既人用".
女再問"咁點用o架".
男又問"轉綠燈之後會唔同響法.咁又盲又聾的就會聽到知道過得".
在他們身後的我,心中正想問問又盲又聾又點會聽到唔同響法之時.交通燈轉成綠色公仔,聲響亦轉為較急.此時女的就好驚喜一樣,用崇拜的眼神望向小男友說"好得意呀?真係咁!你點知o架?".邊問邊手拖手過馬路,那時的小男友表情亦帶點驕傲.行人甚多,我亦再聽不到他們兩少的對答.年少真好.在我等老人家聽來白痴一般的事.在他們之間可以是甜密之情.過後步行回家途中不停想,自己年少時有沒有這些回憶呢?可惜都想不起.人大了沒有了那份純真.好像就連記憶中的純真亦跟隨流逝!不其然對這兩少無猜生起羨慕之心.

異地遊人

所以要養成寫日記既好習慣..lol

Em.

除去樓主感想後,可以post去笑話區xddd

天街小雨

笑話黎= =

wingkin42

其實個位男仔只係想講盲同聾
而唔係又盲又聾
而家d後生講野係咁
但係樓主又唔好一副先入為主 大前輩既姿態
一係你太大年齡 同而家既年輕一代有代溝
一係你就有d主觀囉