好唔開心...唔知自己決定岩唔岩

俠三不二

我同女友行左4年....

咁我msn好耐前add左幾個朋友(女)..我同佢地係小學同學/中學同學...想重新一點純粹係朋友

係幾個朋友之中,其中一個係我前女友(大家都知對方有新既另一半,純好朋友)...

我女友唔知點解好唔鐘意我其中2個朋友....

咁近排玩NetMeeting時,女友知左我msn有佢地....之後發脾氣...

嬲我add左呢個舊同學....都冇話佢知,,話我比唔到信心佢

要求我唔可以同佢地傾計,要我del哂佢地....如果唔del就要我分手

我覺得...就算係女友,都唔可以控制我去識d咩人,,

唔可以管我同邊個傾計,,(但我可以拍心口話佢知,我冇做d對唔住佢既事)

我覺得唔係我比唔到信心佢,,係佢所謂心信既要求太霸道,太管束

可能今天管我唔可以同ABC識,,下年管唔可以同DEF傾計...咁我算唔算係木偶!??

最後.....我MSN del哂佢地,都同女友講分手....

不懂得處理的你

你話我嬲你add佢地，但你明明講係佢地add你，
同埋你個陣時同我講，個msn係新開既，
而且你以前用舊msn都知，我最唔鐘意你同佢地傾解，

信心？有個女同事，你明知佢對你有feel，
人地話放工等埋你(個陣時得你地兩個單獨)，
你都可以竟然應承人地...算點？
你太唔識得去拒絕人...而且又唔係第一次發生呢d事，

你同前度女友傾msn，
你又係甘踩我，話我點點點..
又爆我d私人事俾佢聽，我之前已經強調講過，我唔鐘意佢知道我甘多野..
你仲要甘做？我超嬲！！！

講野唔好講一半唔講一半，
如果唔係，人地以為我真係甘衰...

ps：一齊左唔係四年，係四年半..

~Ayaya~

簡單 ....... 開多一個 MSN 就好 .....
把你女朋友會吃醋和不喜歡的人加到另一個 msn 裡面就好
這樣她就算 check 你 msn , 也不見得會找得到

hoyin2234

咦....樓主既女朋友都係到?[見2樓]
我覺得男方應該解釋清楚
女方 其實男方有其他異性朋友都好正常啫

longkit123

冷靜d la...小小野就分手..,,.,.

kagaink

就係因為咁而講分手,
其實都蠻幼稚,,,,
公道說話,識什麼朋友,都是私人交際生活.....
男女雙方唔可以相信既,
一年你地都可以講足365次分手.....

neoykc

原帖由 kagaink 於 2009-5-18 08:00 PM 發表
就係因為咁而講分手,
其實都蠻幼稚,,,,
公道說話,識什麼朋友,都是私人交際生活.....
男女雙方唔可以相信既,
一年你地都可以講足365次分手.....

咪係囉=,="大家都唔相信大家......
而且仲上到黎呢度嘈=.="((1樓&2樓))

plasticmn

相信自己la
唔係會愈諗愈覺得自己的決定有問題

小羽毛

回一樓
世事好多時無話兩全其美
你一係就重色輕友
一係就重友輕色
你而家友又唔要色又唔要
其實你只係o係度逃避
根本為鬥氣而鬥氣
再講
兩個人相處就要互相遷就
對女性從來都係小事讓步大事堅決
呢d 小事
一係就諗計
一係好似上面咁講開另新個 msn 傾
要欺要瞞
總有辦法
同女性溝通唔係單靠講道理
你講既道理佢每一句都明
但佢偏唔受你果套
因為佢做你女朋友並唔係因為你識講道理
每個女仔肯做人女朋友都係因為呢個男仔疼佢
如果你連少少都做唔到我諗你將來對佢好極有限


回二樓
清官難審家庭案
你地每人做過d 咩
誰是誰非旁人唔方便批評
但睇妳都鍾意用個人喜好去控制人
妳而家唔鍾意佢既朋友
就禁止佢同朋友傾計
禁止唔到就嘈
唔通妳唔鍾意食蘋果
又為左一個蘋果嘈??
我相信就算比你地勉強結到婚都係離婚收場
有人做過統計
夫妻間因大事爭執而離婚既只係佔少數
因為小事鬧離婚既佔大多數
再加上妳而家都已經對佢無信心
一係改變自己
唔得既話
早散遲散
你地自己選擇

~可遇不可求~

我覺得有時真係要講下大話
老老實實既話反而會有個更加唔好既情況

旋律影子【健】

有人同我講過
身邊另一半會做出咁既行為
目的係好緊張你既朋友係咩人
想更加了解你
又可以話减低同其他異性接觸時所產生既好感而引致移情別戀

對我黎講，
開頭會好嬲　好唔滿意
但隔一陣就會算數
我唔會太在乎其他異性吧
只係最緊要果個係度就可以。

至今，最後分開左
呢一種習慣都係咁　
對其他異性無興趣同埋唔想晒時間傾計
只係知道　
唯獨我未放棄我自己
條路自己一個人行。　


樓主
如果佢係咁緊張你
不如同佢平心靜氣傾傾
有咩方法解決
４年．．好長時間
一定要珍惜落去
唔好為左小小問題放棄

longkit123

係囉....如果佢唔鐘意你...都慢得理你la....

俠三不二

問題已解決...和好如初了~
唔該哂咁多位既解答!

係今次呢件事上,學識左d野...
總之唔該哂大家

書三小雨

我覺得男方好想比機會其他人 想其他女性鐘意你
明知個女既對你有意思 仲要同佢單獨2個
姐係你既心態係想人地繼續誤會 從而令自己得到更大既快樂
如果你有女朋友就避忌D 如果你仲想玩玩下既
咁你就同女果個分手
明知女朋友唔鐘意仲要做 我諗你鐘意佢極都有限

tkgroe01

女仔唔中意好正常,比在我會就下女朋友,唔好比你d女性朋友誤會你
既然女朋友呷醋既話,一定好中意你啦,你痴埋d你女朋友咁你就唔會理其他女仔啦

[ 本帖最後由 tkgroe01 於 2009-6-1 04:17 PM 編輯 ]

死神｜銘

呢d禁小既野就要講到分手??
仲要你地一齊左禁耐,,,
話分就分??
唉

joetth329

@@放棄佢啦 搵過第二個 唔洗唔開心- -你自己做既決定一定岩唔好理人點睇包括我