前途灰暗-.-

戰神阿瑞斯

會考完之後 覺得好迷茫.. 打算搵工 但係而家市道差 好難搵工 d老細聽到會考生搵工 即刻唔請 又話冇工作經驗 我想講工作經驗係要返工先有 機會又唔比人 以為會考生做1個月走人  唔通工作經驗天生有架咩 好灰 都唔知d老細點諗-.-

雪菜肉絲米

廚房長期缺人..你識人既一定有工開...人工至少都7000(7000多數冇人做 見意你都唔好做)

正常9000起 返11am放1pm A_A

異地遊人

原帖由 雪菜肉絲米 於 2009-5-19 07:50 PM 發表
廚房長期缺人..你識人既一定有工開...人工至少都7000(7000多數冇人做 見意你都唔好做)

正常9000起 返11am放1pm A_A

11am - 1pm

冷月清風

原帖由 雪菜肉絲米 於 2009-5-19 05:50 PM 發表
廚房長期缺人..你識人既一定有工開...人工至少都7000(7000多數冇人做 見意你都唔好做)

正常9000起 返11am放1pm A_A

3小時就9千   邊到搵....
大大知唔知咩叫"am"咩叫"pm"   =.=

樓主~~~
中五去進修吧.....不然就先做一些底技術工作
慢慢累積經驗

將之若

原帖由 戰神阿瑞斯 於 2009-5-19 05:46 PM 發表
會考完之後 覺得好迷茫.. 打算搵工 但係而家市道差 好難搵工 d老細聽到會考生搵工 即刻唔請 又話冇工作經驗 我想講工作經驗係要返工先有 機會又唔比人 以為會考生做1個月走人  唔通工作經驗天生有架咩 好灰 都唔知d老 ...

工你慌冇機會做... 不如趁等放榜ge日子發掘自已ge興趣 ,收集不同學校學一門手藝資料ge資格還實際得多...
如果等$用都叫冇話可說,否則,呢個時候打ge工...只會長時間,人工少..捱殘你自已.. .唔值得...
要養精蓄銳做好幾手凖備於放搒後ge工夫....又唔係要等好耐...何需急在一時

戰神阿瑞斯

原帖由 將之若 於 2009-5-20 05:04 AM 發表

工你慌冇機會做... 不如趁等放榜ge日子發掘自已ge興趣 ,收集不同學校學一門手藝資料ge資格還實際得多...
如果等$用都叫冇話可說,否則,呢個時候打ge工...只會長時間,人工少..捱殘你自已..:smilie_/ ...

而家個經濟好差 搵到算好
講真 等8月5 有排先到 我驚屋企人話我日日係屋企打機   平時又冇咩積蓄 出街用好多錢

wingkin42

老實講 同你3鬼唔識7
你又無工作經驗 又未做過個行
而且今時今日既時世
唔請未唔請囉 又唔係同你有親 你唔識仲未教你去做
仲要時間去教你到你識做 你話要幾耐呢
人地唔識你 無義務去教你請你 人地係做緊生意
所以你怨咩姐 出黎做野就係咁架啦

以前讀唔到書出黎做3行學師仲慘過你多多聲啦 你唔信問人
就算係我 當年都要做2年幾先有機會得落手落腳去做野
你要明白人地係無義務 教你幫你請你唔係老馮架
要怪就怪你唔肯去讀書 讀唔成書又唔為自己將來打算
問心你努力過d咩 到而家先岩岩去搵野做就話灰暗
咁你真係無咩用喇

17歲仔 唔該你就為自己將來打算就努力d
衣個社會就係咁殘酷 如果你仲好似細路仔咁
不如伸隻大手板問屋企人拎錢仲未咁辛苦

將之若

原帖由 戰神阿瑞斯 於 2009-5-20 10:07 PM 發表

而家個經濟好差 搵到算好
講真 等8月5 有排先到 我驚屋企人話我日日係屋企打機   平時又冇咩積蓄 出街用好多錢

記住,無論你幾急都好....都要考慮到自已ge興趣、安全為先...
留得青山在、那怕冇柴燒

好記得大約三、四年之前發生過一單新聞,受傷ge事主係一個會考生,而當時係時興整浮冰飲品...
果個時期有好多ge浮冰飲品應運而生....成行成市....所以有好多ge製冰工場大量請人...
而事主只不過係剛剛讀完書,冇任何ge社會經驗....
初黎到新環境...乜都唔識...更加唔敢say no....也難怪...假如諸多推糖又話怕危險,
怕呢樣果樣的話...只會落得被炒下場....

會考生被調去將冰塊攪碎...於放入冰塊期間連手指也一拼攪碎了..
後來報導講會考生手指嚴重受傷沒法接駁....有四五隻手指報銷..
佢ge一生也一拼報銷了....

雖然....依家浮冰飲品沒落....但...由此可見....出到去係唔會有任何人錫住你...
新黎新猪肉....一定要預左內裏有好多冇人願做ge工夫就一定推比新人做..
就正如做護士ge第一步就係包屍...
什麼什麼跳樓而死斷手斷腳都要面對...仲要用雙手親手包札好....
你諗吓幾難頂...護士ge職責第一步並唔係面對病人而係包屍...
唔好誤會我係護士,而係睇楊干華ge訪問而得之佢以前ge護士經過

度度都係會甘....唔好怕sit底....抵得諗你才會學到野...容易溶入新環境....同事
但...盡責還盡責都要衡量番自已有冇呢方面ge經驗..安全為先
否則.....有咩事就好似果位會考生因頂硬上而毀了自已ge一生....

你還沒有家庭包服,,一個男仔慳慳地可以做吓m記果d,當吸收吓社會人事經驗...冇妨
又唔算太危險....不過人工真係少....
所以才要認真睇睇自巳長處在那...學學一技之長....

否則冇一技之長的話而求其打份工....冇金風暴的話...還可以做到你有能力娶妻生子什至做到退休
都冇問題...否則....
假如hk久不久有金融經濟衰退的話....分分中你份工做到三十幾可能會比裁...
就好似早前滙豐大裁員甘...被裁的那批還是個個都擁有大學畢業...
個個都巳經上哂軌道...過中產生活...有兒有女...
依家佢地被裁...你話點算？

企遠小小...高膽遠足一些....
盤算自已ge長處而攻讀自已興趣ge學科....要有計劃...step by step,,,
練好一身好武工...將來大把世界..
况且$永遠搵唔哂...何苦急於一時而捱殘自已呢....

[ 本帖最後由 將之若 於 2009-5-21 04:41 AM 編輯 ]

戰神阿瑞斯

原帖由 將之若 於 2009-5-21 04:30 AM 發表

記住,無論你幾急都好....都要考慮到自已ge興趣、安全為先...
留得青山在、那怕冇柴燒

好記得大約三、四年之前發生過一單新聞,受傷ge事主係一個會考生,而當時係時興整浮冰飲品...
果個時期有好多 ...

我決定左 8月5先再算

朋友1號

等我又解釋下
其實工唔難搵,只係你肯唔肯做
政府話咁高失業率
但係你去勞工處睇24小時都有公司請人
以下有幾句說話係本人格言
"當你覺得自己身價高既時候,你冇可以有份岩你既工"

"當知道自己目標,請不要希望一步登天,只要你努力付出後,你會得到應有的"

將之若

原帖由 戰神阿瑞斯 於 2009-5-21 08:53 PM 發表

我決定左 8月5先再算

甘咪幾好
人生冇幾可有呢個無憂無慮的歲月...
何不盡情玩樂一番

hk1234567

心境好在那都會是天堂,心境差在天堂都會覺得像地獄