五年幾前,當我仲係小五下學期,一個偶然既機會,俾我認識到咩叫"ONLINE GAME" (之前仲玩緊PKMON同數瑪暴龍機-.-)
係一位小四既同學介紹,叫做童話.
佢借左個新手包我,我返去就裝左.
記得果陣 , 我係吉恩村村長(如果無記錯), 果度係咁搵地方,點解出極都出唔到去? 原來要同村長傾計,然後去地下室先..
呢度都搞左我好耐. 終於出到去.
好新奇,個感覺SO GOOD! 點解會有人係到打怪?? 原來ONLINE GAME係咁既! (唔好怪我無知)
我一路跟住個任務搵D人物,好快做完.
然後一路就係到打怪,轉職,果陣既吉恩村係好多好多人
跟住有個人係度話 "帶去史洞升LV" 我見到,即刻就想組佢, 點知已經爆左 ,
不過果個人(我已經唔係好記得佢個名,有6個字架,好似叫古代唔知咩 ,30LV 法師)(注,果陣30LV 已經超高) 叫我,好開心,有得入組打怪
一路行史洞,見到果個人出招好正,點解有D流星既? 仲要一打打晒全部怪(火焰流星?)
好型,好想好似變到佢咁.
然後過左幾日,撞下撞下,俾我去左金銀城,好新奇,好靚.
一路行黎行去,入左去商場,見到好多人係到唔知做咩---原來係擺檔.
我印象最深刻, 係賣寵物, 我見到1隻俾人封印既雲(唔記得叫咩名)
好靚,好似好勁咁,好想買返黎,但係我當時得幾千蚊, 而隻怪要幾萬.
之後再開始想辦法賺錢.
跟住又撞下撞下..去左月光山(金銀城最下方出果到)
見到D怪好高LV, 1下就打死左我返去吉恩村, 但係終於俾我見識到咩叫勁野.
唔記得咩事,我書包有粒2級封印石.
之後仲聽到有人叫買, 好似係3萬6.
果次係我第一次交易, 差D俾人呃,臨交收筆錢唔見左,好彩最後冇事.(我斷線 KAKA)
無幾耐賺到第一桶金,主要係打怪同做任.
然後滾下滾下, (已經唔係幾個禮拜既事, 係幾個月), 慢慢開始多錢.
果陣好似3X LV , 我係金銀城出面同人PK, 有個上榜既人(60LV 2轉左)
好屈機,我又想學佢咁, 所以果陣日日煲,希望爭到經驗榜, 好可惜, LV好難升.
之後認識到一班人升LV, 果陣同佢地升又同佢地PK,
係偶然一次傾傾下,發現自已加錯晒D點數,
法師竟然加左好多力 , 我竟然唔知, 但原來有人仲加得錯過我
不過返唔到轉頭,因為當時仲未有調整丸, 又唔想重開AC,所以繼續玩落去--- 呢個就係" Lim "
我開始爭好野人榜,好刺激,日日睇實個榜,
第一次上榜係600萬,第14名定唔知第15名
果次開心到死,繼續全力賺錢. 雖然冇上過第1名
然後賺到800萬,已經頭十, 日日就係咁搵錢.
呢個就係我新手既時代 ,亦都係我最有回憶既時代, 講晒我玩童話既經歷?講笑咩,邊講得晒,我玩左童話2年幾,好多記都唔記得.
其實我想繼續寫落去..免得第日唔記得晒
P.S.就連上2KF都係因為童話而開始
童話吸印人係咩??好多好多..多到我數唔到
咁最有回憶既野係咩??一定係佢D音樂!
吉恩村既音樂..醫院既音樂..金銀城既音樂..打怪既音樂.. 等等等等.. 每次聽返都好回味, 真係好想好想時間可以返返去,繼續回味
最白痴又係咩?? 果陣玩到無聊,成日就同人玩捉依因, 係金銀城玩, 最鍾意就係匿埋係銀行書櫃後面
而家已經中五,考完會考添, 返返去童話入面,好多野都變左
起碼金銀城不再金銀, 冇人擺賣,冇人"啦啦啦啦啦啦啦啦啦啦啦啦"
起碼昔日係銀行前面掛機既人已經冇晒
起碼再冇人會咁白痴俾人呃
起碼史洞,吉恩呢D地方唔會再有LAG到爆既情況
起碼以前節日活動而家再唔係活動,係"死動",死寂到爆, (好似中秋節咁)
起碼村長開咪叫你地返去,你地唔會再返去.
ANYWAY!童話就係一個咁精彩既回憶,於我,於大家,相信都係.而家就送上吉恩村既背景音樂!
|
發表於 09-5-19 07:21 PM
