只剩下16天 我們便一起了3年半的時間

藍．希羅

盡量一切從簡 否則大家可能唔想睇
中2級 是我們的開始
已經3年多了 有好多野我都唔係記得咁詳細 也許是我不夠愛你
但係我地既開始 我仍然記得好清楚
係中2級開學之後 我就一直留意住你 好快已經覺得自己喜歡了你
但並不是因為你的樣子 是因為你的可愛 引起了我想保護你的衝動
因為大家有著共同的朋友底下 我地係學校舉辦聖誕聯歡會既之後
我地一齊去左一個朋友屋企度玩 係去之前 我已經決定果日要向佢表白
屋主係我既好好好朋友 佢都知我果日會表白 佢之前已經同我女朋友講左話我中意佢
但佢就無特別咩反應
佢突登拉走我地兩個搭巴士
其他人就搭小巴定的士
上到車既上層 我同佢一齊坐 坐到去到中途 我仍然唔敢行動...
但係我突然鼓起勇氣 我唔係出聲向佢表白 而係捉住佢隻手
O shit 佢縮左= = 我問左個句好白痴既問題 你係唔係驚我?
因為果陣我太驚 唔知講咩好 問左個咁白痴既問題 [廢話 緊係驚啦 無啦啦有個男仔拖 點會唔驚]
佢只係應左 唔係... 我都唔係聽得咁清楚
直到落車喇 我再黎多次 拖住佢落車 拖到落車發現!! 佢無fing開我=]]]]
yo 我得左喇
我拖住佢企係我朋友樓下等埋其他人 果種感覺好甜 呢世都唔會唔記得!!

係我地開始既時候 途中呢段時雖然我洗左好多錢 亦因此而放棄左玩星夢
賣哂所有野 [估唔到我都賣到千幾2千蚊] 但係一樣洗得好開心好開心
同你一齊既日子真係開心到暈
但無奈我地一齊左不夠3個月 我們就分手了
我因為呷佢同我個fd玩得太埋 所以就大吵了一次
結果就分手了

但尚未完結的
待續

[ 本帖最後由 藍．希羅 於 2009-6-7 11:26 AM 編輯 ]

○笨＊笨○

@@接著落去呢???

乂影商乂

之後點呢??@@

alah

嗯嗯,後文呢?
怎沒繼續了?

藍．希羅

自從上次以後
我們雖然分手了 但仍然非常留意著對方的一舉一動
我自己每看見她與其他異性親近
我就會覺得好唔開心 就算分左手 我都好介意佢同其他男仔
果陣既心情 完全係非常down  想理也理不了 但自己又好介懷 好唔開心
又唔敢話佢 叫佢唔好同其他男仔玩得咁埋 因為我地已經分左手

呢種生活 keep左差不多10個月了
直到中3的12月 我終於鼓起勇氣再搵番佢
雖然只係msn 但係我仍然覺得自己果陣好大膽
唔怕無面子 去搵番佢 最初我地只講對方既近況
漸漸我就開始講我既心底話比佢知.. 同佢講我到咁耐都無變過心
仍然鐘意你 [其實佢都知 因為好多人都知我對佢好專一 ]
我地好快又好似情侶講野咁親密
係12月既18號 我約左佢放學一齊
我同佢到左我地平時去既公園玩 [唔係偷情 只係小情侶談心的小空間]
走果陣 我照舊 直接拖佢隻手 佢無fing開我 佢好開心 樣子好甜蜜
我好開心=] 之後我地就開始講大家應該點做
我地傾好左唔可以再令對方誤會 唔再同異性玩得埋
12月的確令我地更有緣=]

之後的時間我地都過地好好 更加親密 好開心
我有時重會上佢屋企玩wii 當然唔少得攬攬錫錫
好甜蜜的階段
可惜 開心的日子並不長

在中3階段的農曆新年 我沒有忘記到我答應你每年也要跟你親身去一次煙火
可惜我只能實踐到1年 對不起
待續

[ 本帖最後由 藍．希羅 於 2009-6-8 08:38 AM 編輯 ]

〥迷雪〤欣

之後點呀@@^^樓主之前都係玩星夢

O_MO如

下場係咩 下場係咩丫

藍．希羅

多人回下........

七。培﹏

YOYO"等你打下去@@"
樓主有玩童話@@"~應該係快樂王子吧-C-?

aR奇

我想快d睇下一篇呀 =3=
樓主快d打下篇啦,十卜 ^_^

藍．希羅

原帖由 七。培﹏ 於 2009-6-9 04:45 PM 發表
YOYO"等你打下去@@"
樓主有玩童話@@"~應該係快樂王子吧-C-?

我玩童話玩鴨子嫁=]

藍．希羅

雖然我地既關係一直keep到8個月
但其實 我係不知不覺間 係暑假既中段 已經失去左佢
在開學前 我發現左 佢已經同另一個男仔一齊....
果個男仔 的確條件比我好 樣子討好過我 我知道後 真的有點不知所措
果一日 我印象好深刻 係果排 我同佢已經有少少冷戰
我同朋友去圖書館借書做暑期功課 但怎料到 係圖書館碰見了他們
佢地坐係一齊做功課 [我地係管得對方好嚴果種 同男仔出街我無可能唔知]
我開始感覺到鼻酸.... 我呆望著他們 直到佢望到我 我先至扮睇唔到 行開了
我笑住同朋友講我要去廁所交水費 我即刻沖左入廁所 load緊究竟發生左咩事.....
但係眼淚是忍不到的... 因為明知眼前已經係一個事實 我打比我另外一個同我傾開心事既朋友...
我同佢講我見到佢同邊個一齊 佢安慰我話佢地可能係朋友出黎溫書呢...
但係我唔係一個白痴 人係有感覺的.. 所以我一路係廁所到喊.. 直到我有股衝動想知道事實
我抹哂所有眼淚 等左一陣 隻眼無咁紅 我行番出去 同朋友借埋書就即刻番左屋企
之後我個fd打黎  話佢地真係一齊左 聽到之後 心碎了 人也崩潰了
我個fd亦都係我女朋友既fd 佢唔想見到我地咁 佢呃我女朋友話我撞左車 入左醫院
佢叫我即刻衝上醫院 睇下重有冇彎轉  我聽到之後 即刻飛的去左醫院
我係醫院門口附近已經撞到佢 但係... 我發現左 我見到佢我咩都唔識講
我唔識再問 也要強忍淚水 所以我當時做左一個決定
我立刻拖佢上的士 我送佢番屋企 途中大家都無出聲 直到我送到佢樓下
當時我除左傷心 我真的有點兒氣憤 我將我同佢放係銀包既相 去迪士尼既入場券
一次過比番左佢  我除左講再見 我都唔知講咩
我轉過身後  <---保持呢個樣直到番到屋企
我感到氣憤 但漸漸 就變成了悲哀  我一直都放唔低呢件事
我有好多朋友都有陪到我 呢一次 係我人生之中 暫時遇到最心痛既事
我係第一次攬住自己fd喊 [男仔來的] 印象好深刻.... 係喊到收唔到聲果種

呢段時間之後 我發現左 佢同果個男仔已經一起了半個月左右的時間
原因係.... 我對她不夠好... 而果個男仔對佢更好...

開學之後 我不想我既朋友擔心 開始保持開開心心既表情
見到女仔又成日hi佢地 傾兩句 個個果陣都話我傻左
因為我好少會撩其他唔熟既fd 淨係會熟既朋友面前表露狂野既一面
但係我依然好留意住我女朋友 一直無變過心
到果刻為止 雖然係斷斷續續一齊 但係我一直鐘意住佢已經1年9個月既時間
我地重會有下文!?

待續

[ 本帖最後由 藍．希羅 於 2009-6-10 08:42 AM 編輯 ]

〥迷雪〤欣

樓主~你快d打埋去@@好想知之後係點

21431

唔通個女仔回心轉意@@

Cherry乂霖

快d 打啦...我都想知結局會點xp

dice123

結果係點

黑﹏影

樓主你真係好長情

藍．希羅

中四已經變成另外一個人的我
永遠在人前都是輕挑的嘴臉....

這時候 我因為成績比其他人差 所以會同其他差 或者留班生去浮動班
類似小班教學般 就係呢個時候 我看見了一個美麗得令我注視的女孩
呢個女仔係留班生

經過左一段時間  我覺得... 我需要活得比她好.... 但我的心態只係想激佢
所以我好衝動就係msn向左留班生表白 我地重出左一次街
感覺好似真係追緊佢咁 但係我知道 我依然無法放低佢

而轉捩點... 就係我同留班生出街的一天
回家的時候 我發現左佢係我既樓下... 佢話佢等朋友
咁我就上番屋企 但係我知道佢係黎搵我
佢知我同女仔出街 所以佢黎搵我 我忍唔住落左去搵佢 之後我既兩個朋友都落左黎
叫做緩和下氣氛掛 佢問我係唔係拍緊拖
我無回應佢 之後佢行行下就喊起上黎 我完全無思索過 一手就攬左佢過黎
見到佢唔開心... 見到佢喊 我就忍唔住要保護佢
果晚之後 我已經無再搵果個留班生 我覺得好對唔住留班生
粒聲唔出就消失左... 無再搵佢 而番學更加不知如何面對

我做人好失敗 好容易改變 諗法經常唔同...
我又忘記左佢同另外一個男仔既事 我知佢同男朋友已散了
我又忍不住跟她在一起
我不敢說自己專一 但每見到她我就會心軟..
雖然心中仍然對佢好多不滿
但愛她的事實 沒法子暪騙自己
之後既1年時間 我地什麼事都鬧分手 鬧左十幾次 之後又會一齊番
咩原因都有 第3者 脾氣不好 等等
當中相方亦都有不對 尢其係我 我係中四同番佢一齊之後
好多時有復仇既心態
終於有一次 我暪住佢識左一個女網友 更任由果個女網友去講野傷害佢
我無阻止佢... 我唔知點解我會咁做
我覺得自己好唔岩... 但係我完全唔識去阻止
但事後我亦都向佢道歉 並比佢管哂我同我既朋友既野
承諾唔會再有第二次
我地鬧左好多好多次交...
但始終都無散到

中五會考完 我番工之後
大家更加少見面
佢覺得我唔陪佢 但係我有時間都想抖下
諗法大家開始唔同....
而我又發現左我咁多年既心態都係唔好....
最終在我發帖的一天
我決定離開了她

對不起.... 對不起....
只差16天  我們便有著3年半的回憶
我沒法再跟你去走3年半 4年半 5年半 6年半...
這次的分手 是決絕 是肯定的...
我不能給你幸福 但我真的很想看到你幸福的日子
我並不是一個好男孩 成績差不在話下 做人又無目標 只懂遊戲人間
經常諗起唔好既野 我不想又再傷害你 我真的不想再看見你因為我心痛
我希望係我重有良知既時候離開你 否則將來
我跟你在一起 有著1個 2個 3個 4個女朋友來傷害你
到時你更加會傷心
我整輩子最決斷的決定 就是不容許我再傷害你
大家心中已經有好多刺 無可能再一齊落去

你係我心目中 即使你曾傷害我 但係我只認為你是貪新鮮 玩玩而已
所以你係一個好好好好既女仔
我表面上係一個好好好好既男仔 但其實我係一個極差的男孩
希望你明白 我們完了 才是你美好的開始

完~

[ 本帖最後由 藍．希羅 於 2009-6-17 11:19 AM 編輯 ]

爭霸者

唔知點解覺得男仔有2條女仲可以原諒
女仔有外遇-,-就冇得原諒~~~自己會係有咁既心態

影二xD

搵返人啦@__@