容忍定反抗?

戰神阿瑞斯

我睇一套戲 套戲既男主角 男主角係武打巨星 之後一班黑社會 3番4次想做佢經理人 之後男主角亦都拒絕左 之後男主角亦比佢地打 男主角要假死 對付佢地 最後班社會 死哂 男主角比人拉左  我係到諗男主角 如果唔識功夫 咁就要 妥協  雖然戲入面班社會會幫男主角解決麻煩 但係搵到既錢會冇左一半 我諗到既係 如果男主角同佢地妥協 下場就係 搵到既錢冇左一半同可能會比佢當扯線公仔咁 唔妥協就會可能命都冇埋 呢套戲令我明白 1個人既力量係唔夠架 好似現實世界 君子=男主魚 果班衰人=小人/賤人 君子好難同小人鬥 小人在暗 君子在明 我覺小人同歷史上既太監有D相似地方 排斥異己 成群結黨 而忠臣 根本鬥唔過太監 我都中過小人招 之後我睇1D書點對付小人 書話最好就係保持距離 我覺得呢個方法好似係到捱打 唔可以還擊 只可以閃避 不可進攻

○兔兔

原帖由 戰神阿瑞斯 於 2009-6-10 21:43 發表
我睇一套戲 套戲既男主角 男主角係武打巨星 之後一班黑社會 3番4次想做佢經理人 之後男主角亦都拒絕左 之後男主角亦比佢地打 男主角要假死 對付佢地 最後班社會 死哂 男主角比人拉左  我係到諗男主角 如果唔識功夫 咁 ...

視乎主角心態,
有人認為不能受別人的操控, 因此為人剛烈不容被別人壓榨,
所以就像樓主說的主角般的做法。

但有時小人在暗, 君子在明, 一個人的一生不能只有自己,
如果您是個有家室, 上有高堂下有妻兒的人,
您便不能裝死了事, 同樣的, 您需要的便是錢養活家庭的人,
難保小人不會以其家人作威脅, 那到這個狀況, 該怎樣選擇呢?

戰神阿瑞斯

我既問題係1個人冇咩機心 遇到一D道行高 既人 係忍定反擊

將之若

原帖由 戰神阿瑞斯 於 2009-6-20 10:39 PM 發表
我既問題係1個人冇咩機心 遇到一D道行高 既人 係忍定反擊

要視乎當時境况而定,,
呢d...又好難好似楚河漢界咁要分類分得咁清楚..
因為呢d並唔係人生十戎...有乜可以做...有乜係唔可以做..
更何況...你面對ge係人...並唔係死物..

有好多ge灰色地帶,,出泥社會做事係好難以非黑即白可以分得咁清色...
一切都要視乎當時環境、情况而定,,冇可能寫到甘清楚好似條文甘...
因為個程之中會出現變數...下一分鐘都唔知會發生咩事..
凡事都只能以大慨來推測...就好像摸住石頭行路甘...見步行步

假如,樣樣都可以以條文去分類去面對人同事的話..
就會好容易流於一本通書睇到老..
亦缺乏靈活度..

我地雖然大個左，書，亦都讀完..
但唔代表係停止學習..
我地每一日都係面對有不同ge新知識出現..
會識到新ge朋友、同事..
假如以一套機制、條文泥對人對事的話..
便會容易出現固歩自封ge情况出現...

你要放鬆一點..
人係好難去分類...
人因為有不同性格，自會有不同ge情緒表現..
呢個係真性情...真我ge表現

假如你係完全睇唔到對方ge喜、怒、哀、樂...
都係一個面孔的話
摸不透...你才吃驚呢

[ 本帖最後由 將之若 於 2009-6-25 06:43 AM 編輯 ]

戰神阿瑞斯

原帖由 將之若 於 2009-6-25 06:25 AM 發表

要視乎當時境况而定,,
呢d...又好難好似楚河漢界咁要分類分得咁清楚..
因為呢d並唔係人生十戎...有乜可以做...有乜係唔可以做..
更何況...你面對ge係人...並唔係死物..

有好多ge灰色地帶, ...

我覺得灰色地帶好似中間位  EG:好人同壞人之間 有D野好人係做唔到 亦有D野壞人做唔到 舉例舉得唔好  唔好見怪 簡單D講 即係無輪輸贏 都冇損失

將之若

原帖由 戰神阿瑞斯 於 2009-7-6 11:20 PM 發表

我覺得灰色地帶好似中間位  EG:好人同壞人之間 有D野好人係做唔到 亦有D野壞人做唔到 舉例舉得唔好  唔好見怪 簡單D講 即係無輪輸贏 都冇損失

你甘樣做人又點會開心呢？！成日計住計住...將一件事盡量簡單化而唔係複雜化ma,
真係好想問吓你,你有幾耐又或者開心、放開懷抱甘笑過？
每個人都會有煩惱、都會唔開心...但日子都係要甘過,
何苦要令你自已成日都愁懷苦面去計住人地害唔害自已甘幸苦呢？
朋友...啱傾ge,大家做個fd...傾多兩句...風花雪月吹吓水ㄡ一日,,尤其是假如果d只不過係你d同事、同學..
並唔係深交,大家假若傾得投契ge,,,又會慢慢變成好好ge朋友,,同你好傾ge朋友,明白你ge,
一定唔會多....所以就會有呢句..：..酒逢知己千杯少、話不投機半句多...你覺得有d朋友對你唔好ge,
咪講少d...至於你話有d 朋友係對你唔好ge,,,比香蕉皮你踩,,甘你盡量自已小心d,,
係冇一套ge標凖機制係說明應該點應付ma..都係要睇隨機應變、睇環境而定..
人生..都係邊做邊學ma...尤其是係涉及人同人之間ge是是非非,,,都係講唔同環境,唔同人情況下..先會知道
決定要點做..
又點可以分類得甘死估估呢？
放鬆自已個心,,唔好太緊張先....日子先會過得開心d ma

[ 本帖最後由 將之若 於 2009-7-9 02:10 AM 編輯 ]

戰神阿瑞斯

原帖由 將之若 於 2009-7-9 02:07 AM 發表


你甘樣做人又點會開心呢？！成日計住計住...將一件事盡量簡單化而唔係複雜化ma,
真係好想問吓你,你有幾耐又或者開心、放開懷抱甘笑過？
每個人都會有煩惱、都會唔開心...但日子都係要甘過, ...

講真 我都好耐冇盡情咁笑......
我曾經都係一名弱者  好多人踩人來提高自己 我就係比人踩果個 所以我而家睇1D學做人處世既書 希望自保

將之若

原帖由 戰神阿瑞斯 於 2009-7-10 08:19 PM 發表

講真 我都好耐冇盡情咁笑......
我曾經都係一名弱者  好多人踩人來提高自己 我就係比人踩果個 所以我而家睇1D學做人處世既書 希望自保

好容易會笑,就會好容易會哭,係情感ge表現,,我唔知你係咪甘,無論我自已幾煩幾唔開心都好,
自已都好容易會笑 ,成日笑咪咪甘,所以,基本上係冇人會知道我內心其實亦有煩惱,,有唔開心,
久而久之,習慣左開心ge笑容,係會比較容易結識到新ge朋友,,有時,唔太熟絡ge朋友又會鐘意同你傾計..
先唔講係友誼之中交唔交到心做朋友先,起碼..你面對ge朋友都會嘻嘻哈哈又過一日,
你自已又或者係身旁ge人都會感到輕鬆d,自在d... 起碼人地見到你亦都唔會抗拒你,
.呢d,並唔係叫你去假:,而係,做人有時候唔洗吓吓都太認真ge態度ma..

人...係有血有肉有情緒ge動物,,開心ge時候,,盡情笑多d
,唔開心時..便會自自然然想哭 ,係一個直接情緒表現ge反射,,,如果樣樣都隱藏,,
將喜怒哀樂去積壓ge話,耐左,如果你有留意到,有好多人ge面部表情都係猛猛緊的.
.失去了生氣似的...變左木無表情..

人類同動物分別之處在於人係有思想,有感情...其實嚴格黎講呢兩樣,動物都會有,
只不過..人..基本上,人類的智慧會不斷進化、進步..而動物ge進化去到一定ge程度就會終止,
所以動物ge智慧遠遠不及人類...人類會笑..大笑...可以說話,動物就唔可以有人類ge表情...
佢地ge情緒唔可以好似人類咁高興地笑..傷心時會哭...可以找同伴去傾訴...

你唔好成日都標籖你自已係弱者先得ga... 人..因為有時會有自私自利ge心,所以,
人性ge行為可以唔簡單,但亦都唔係個個都甘恐佈ma...書本只不過教你基本處世之道,但最重要ge...
都係你平時係生活之中活學活用..人...個個性格都唔同,當中有好有唔好,,,又點能夠以書本劃一的處世方式
去對待不同的人呢？又會好容易到左一本通書睇到老ga la...係咪..

你成日都圍起一道牆,,裝出一副好ma ma緊ge表情 ,人地唔熟你ge會好容易誤解左你ga..
人同人係唔多唔少係會有以貌取人泥作第一個印像黎交朋友..泥定好壞...你第一個印像假如唔熟你
ge為人,,如你又擺出一副不好惹ge態度...人地會誤解左你...當左你係唔好ge...你話幾無謂..

假如你唔放鬆心情,放開懷抱...你呢世都會唔開心...你自已畫定一個圈圈ge角度唔敢踏前一歩ge話..
亦只不過係掩耳盜鈴...tall鳥政策...做人又點會開心呢？！你試吓由依家開始起,放鬆吓心情,
笑多d..笑多左..就會好容易會笑.. 會開心ma...或者..d朋友見你寬容左..
會接近你多d..亦都了解到你ge為人並唔係好似其他人所講ge唔好ma...
人地同你交往過...時間耐左..你係好人定壞人..
人地都會知ma..係咪

戰神阿瑞斯

原帖由 將之若 於 2009-7-15 05:41 AM 發表


好容易會笑,就會好容易會哭,係情感ge表現,,我唔知你係咪甘,無論我自已幾煩幾唔開心都好,
自已都好容易會笑 ,成日笑咪咪甘,所以,基本上係冇人會知道我內心其實亦有煩惱,,有唔開心,
久而久之,習慣左 ...

書只不過係基礎野 當然要遇到 自知點應付
唔知點解 我覺得好難開心 我睇D笑片 冇大笑既感覺 最多都係笑左一下

求問

做番真正的自己就得 只要你問心無愧 又何必去做咩君子同小人 有時小人 好過君子 起碼小人撫心自問 自己冇錯 為佐生存or 某樣野 只要個心 對得住天地同自己就得la +上  君子 - -sor 世上好少真正的君子 偽君子就大把 所以有個人 講佐一個好的道理 寧做真小人 莫做偽君子  起碼唔像點偽君子 可以問心無愧

戰神阿瑞斯

真小人同小人有咩分別?
我曾經犯左1個好嚴重既錯 果時既我咩都唔識 鍾意D咩同唔鍾意D咩都同人講  而家呢D野成為把柄對付我......我惱自己果時點解咁做

[ 本帖最後由 戰神阿瑞斯 於 2009-7-18 08:18 PM 編輯 ]

將之若

原帖由 戰神阿瑞斯 於 2009-7-17 10:55 AM 發表
真小人同小人有咩分別?
我曾經犯左1個好嚴重既錯 果時既我咩都唔識 鍾意D咩同唔鍾意D咩都同人講  而家呢D野成為把柄對付我......我惱自己果時點解咁做

其實,真小人同偽君子係要待你踏入社會後才會比較明白,
寫出來只是文字上,要真實去經歷過才會比較理解,有所體會...
而你講所到好ge好嚴重既錯,,你話：「鍾意D咩同唔鍾意D咩都同人講」,,就算講左出泥,
又洗唔洗成日甘自責呢？ 你成日不斷去自責講左呢樣講左果樣,究竟你日子點過？
咪成日都愁眉苦臉？放開你ge心la, ,呢d朋友你又唔係成世都同佢地一齊ma..
.畢左業,自自然然大家各奔前程...生活圈子又會唔同....邊個甘得閒聽完你d野仲慢慢記住先得ga..？！
好話唔好聽,冇權又冇勢又唔係明星,就算你主動去講自已d野比人知,人地都唔得閒去聽la...
其實,,好多時人地聽完你d野,,水過鴨背.聽完就算....你唔好將件事無限上綱放到甘大先得ga,,,
可能係人地眼中係小事一則ma...係咪

[ 本帖最後由 將之若 於 2009-7-20 03:56 AM 編輯 ]

戰神阿瑞斯

我都想以後見唔到佢地 最好 都有人同我講要放開個心 但係我覺得唔可以 我而家先知無絕對 只有晢時 E.G朋友 我而家清楚哂佢地 最好保持距離...以前我覺得講假話唔好.但係我而家要重新諗下

[ 本帖最後由 戰神阿瑞斯 於 2009-7-24 10:10 PM 編輯 ]

困在回憶裏的人

呢個社會偽君子多的是

睇嚟樓主已經上緊社會第一課：「如何面對是是非非？」

對付小人，真係無辦法，唯有係說話行為上處處小心Ｄ。

咁樣先可以避免俾人捉痛脚。

講真係社會交際度，如果唔係想同人深交的話，都係唔好講咁多自己底細野俾人聽

因為講多錯多嗎，鬼知佢陣間會用你講過的野嚟做乜？

社會就係咁黑暗，好大時候都要睇人地面色／靠嚇做人。唔惡同精Ｄ分分鐘俾人食左都唔知乜野事。

戰神阿瑞斯

原帖由 困在回憶裏的人 於 2009-7-26 05:52 AM 發表
呢個社會偽君子多的是

睇嚟樓主已經上緊社會第一課：「如何面對是是非非？」

對付小人，真係無辦法，唯有係說話行為上處處小心Ｄ。

咁樣先可以避免俾人捉痛脚。

講真係社會交際度，如果唔係 ...

小人最鍾意顛倒是非 無中生有 日日夜夜諗住點先可以搵你痛腳 除非你啞既
以前既我 就係講多錯多 搞到而家好後侮 都唔知仲有冇得補救
我真係天真 同小人鬥 小人同偽君子 我覺得偽君子係難對付 小人點都會露出1D破綻 偽君子外面睇好似友善 內面就唔知點
我一直都想做1個喜怒形於色 城府深既人 但係真係好難做到-.-

[ 本帖最後由 戰神阿瑞斯 於 2009-8-10 10:56 PM 編輯 ]