隱圖搶王大過天??

神秘武者

我game名 魔界使者
琴日開喇叭阻到既唔好意思
因為就係呢d無品既人令到我唔串唔得
琴日開喇叭 今日開post討論

琴日係個貝拉位等貝拉啦
下午4:30果轉 有個 卡XX萊 既人黎搶王
唔夠佢搶wo@.@那是一定的啦
巫同獵鬥搶王
技都連唔到 邊夠你黎呀
好喇都無野做跟佢走ser走左轉
之後番番10ser等王
7點半佢又黎搶王
場無話係邊個 只可以邊個打
但可唔可以有品d呀 見個場有人就自己換ser等啦
人地等幾粒鐘你一黎隻王係你既
家陣搶王大哂呀
貝拉翼你要就得 人地唔打得呀???
你要搵錢 人地唔洗搵??
仲咁大口氣同我講"道理"
比個5x lv搶係你唔好彩<~~~呢個係道理??
人人都係咁ga啦<~~~家陣幾多人搶呀 得個小幾個人你就唔好誇大黎講

開呢個post上面就真係發洩既姐
下面呢度黎重點喇
世界上好多野都係先到先得
搶怪都比人媽叉喇 更何況搶王
家陣人地入ser等幾幾粒鐘
成果你一個唔該就可以搶
其實我有個建議 對等王既玩家又可以公平d
我建議官方考慮下採用先到先得制
因為d人係不停換ser打
好多時等到隻王 隻王未必show佢 對等既玩家好唔好平
玩家在該ser地圖內逗留時間越耐
不論貢獻度 只要有份打隻怪 隻怪所出既物品就係佢既
咁樣 唔好講搶怪 搶王都唔會有
對換ser打王既人黎講 係唔公平左d
不過係人都換ser打王ga la
有幾多人會係第個位見出王時去王位搶王??
呆企係野外地區都設有防外掛啦
唔回你就彈番城 一定會人係野外地圖掛到企等王
除非你真係咁有錢 2部電腦係屋企 or 去網吧

家陣 你行行下街 咁 "好彩" 中頭獎都有得追究啦
點解我地比人搶怪無得追究呢??
家陣有呢d無品玩家玩搶怪 咁就要set一d方案去對付佢地ga啦
我個人覺得搶唔搶怪係你既決定 你唔好阻到人就得
阻到人 姐係麻煩到自己
如果自己仲係公會重要要員 你影衰埋個公會
搞到自己咁樣好咩

有人話: 不如你玩單機game啦
點解我要玩單機呀 家陣我衰??
家陣係邊個搞衰隻game呀??
轉單機都唔係我要轉呀嗎??
你咁想強既 自己開ser 你做開機果個
咩勁裝你一個動作就set哂出黎比自己用啦
出黎打online game做咩姐

各位不如講下自己既意見

呢個post講緊搶怪既事你會做既話
入黎講下你d大道理
講講你既搶怪搶王大道理 令我地服你吧

LovelyBird

只可以同你講   一係就吹行雞個個ser  同佢搶~
一係就升高d  lv同佢搶囉

matrixeye

俾人搶王只可以怪自己冇人地咁勁咁高LV冇人咁多時間
鬥打得隻王痛之嘛，你有咁多時間都可以練勁練多隻去同佢鬥搶，
或者你凌晨上game會冇人同你搶~

去打得野外王既個個都會做資料搜集，人人都要等，個個都有付出
你都識話 "場無話係邊個 只可以邊個打"，咁冇得怨架喎
你企係度等不如用白等果d時間去做其他野，搵真銀仲好啦

如果要建議既，我建議稀有怪出係F4副本入面第四版，隨機出，
你有運咪見到囉，咁就實唔會有搶怪問題

PS:我都俾人搶過，唔夠人勁有咩好講??

〝童年。回憶〞

原帖由 matrixeye 於 2009-6-16 02:48 PM 發表
俾人搶王只可以怪自己冇人地咁勁咁高LV冇人咁多時間
鬥打得隻王痛之嘛，你有咁多時間都可以練勁練多隻去同佢鬥搶，
或者你凌晨上game會冇人同你搶~

去打得野外王既個個都會做資料搜集，人人都要等，個個都有付出 ...

又唔可以怪自己ge 講真果句~打機為開心 ....唔洗搞到 唔開心ge

不過呢d玩家 系 hkser 一定有嫁啦- -  鬼叫 有咁多 無品ge人 系香港咩-_-"

matthew05020

我想知貝拉係咩怪

次狼

好同意你既講法既- -...
無奈~"~隱圖冇忍者既裝~
但係你要gm改果d野..就真係冇咩可能囉- -...之前我要求佢出0.0.10-0.0.11既更新檔都吾出比我= =
你以為會為左咁既小事去改咩?- -

傻佬＊蛋～＞

我愈到既人多數都好有品..
有人見到我等緊..搶幾隻小怪就會自己走..
不過樓主係巫定係獵?

神秘武者

原帖由 matrixeye 於 2009-6-16 02:48 PM 發表
俾人搶王只可以怪自己冇人地咁勁咁高LV冇人咁多時間
鬥打得隻王痛之嘛，你有咁多時間都可以練勁練多隻去同佢鬥搶，
或者你凌晨上game會冇人同你搶~

去打得野外王既個個都會做資料搜集，人人都要等，個個都有付出 ...

佢地做資料搜集就等同可以搶王??
人地係地圖入面王位打左幾粒鐘為左隻王就等同要比隻王d人搶-.-??
你高lv就等同做咩都得??
家陣唔關沖唔沖lv事 係d人人品問題
搶完王 同佢理論 一句話你唔好on8+1我識你ga
識我就可以搶我王??




回最後個post-.-我係巫
巫單p王時比人搶王係唔夠人搶的-.-
因為連唔到技
落完冰出電再出飛彈再出辣椒
之後落冰 電就連唔到喇
何來夠人搶-.-

７人一個～＊

我睇到你啦 琴日

me id :KinGSa

艾草

老實講..王就得10隻...如果要打就一定要爭..邊有話先後既問題..
呢d就係競爭囉..online game 就係鬥勁..鬥多裝..
邊會咁有秩序..排住隊打王..搶怪係無可避免..只可怪技不如人..

hin12365

怪就怪自己冇能力
只可做既只係發洩

yy606

更新維護後即刻入去打囉

果時我咁樣都打左五隻喇

~闇靈~

原帖由 yy606 於 2009-6-17 03:36 AM 發表
更新維護後即刻入去打囉

果時我咁樣都打左五隻喇

佩服你打到5隻
但係E家問題係樓主比 同一個人 搶左2次隻王......
果個人爆哂粗咁又"大"樓主
其實都無咩方法可以解決....樓主想要個裝比錢同人買啦

mrrrwhat

新斷線可能改嫁~
改入商城囉...

saiming1988

原帖由 神秘武者 於 2009-6-16 12:56 PM 發表
我game名 魔界使者
琴日開喇叭阻到既唔好意思
因為就係呢d無品既人令到我唔串唔得
琴日開喇叭 今日開post討論

琴日係個貝拉位等貝拉啦
下午4:30果轉 有個 卡XX萊 既人黎搶王
唔夠佢搶wo@.@那是一定的啦
巫同 ...

咁多時間等,不如返下工,1日搵幾百 買點都夠玩

arashi132

只可以話好多hk人利字行頭,人品唔值錢......

想玩人品好而又多好人品既ser話就要去台灣ser la