睇中殺傷力強 阿嬌苦練詠春自衞

elbar

阿嬌昨日練習打木樁，有姿勢有實際。


鍾欣桐一向鍾情做打女，原來在一年前她已秘密向曾替電影《葉問》做顧問的詠春好手冼國林拜師學藝。阿嬌昨日又到灣仔練功，師傅冼國林大讚她有武藝潛質。





阿嬌踢高右腿直撐沙包，勁力十足。





阿嬌雙手拿着雙柺，動作敏捷。





「我唔隨便打人」
阿嬌昨日還即場示範詠春基本功，更在冼國林指導下打木樁，她的出拳盡顯詠春柔中帶剛的實力，其後與冼國林對打時，她再耍出攤手直撐，腳力勁度十足。獲冼國林大讚：「阿嬌好有心機學習，今年 3月我本想幫佢報名參賽，等佢可以證明自己嘅實力，但可惜當時佢未正式復出，所以配合唔到。」
阿嬌越學越愛習武，她說：「詠春既可強身健體，又好實用，少少力，但殺傷力好強，練武好講肢體同腦部配合，又可以練就個人修養。」練得一身好武功的阿嬌卻強調不會動手隨便打人，就算遇上壞男人，也只動口不動手，她說：「學武係用嚟保護自己，我唔主張隨便出手打人。」談到習武的辛酸，她說：「手腳好易瘀，而且武館係唔開冷氣，我有試過練到好熱，腳軟軟到差啲暈。」
冼國林熱衷把詠春發揚光大，除了親自授徒，他最近還與友人成立國藝娛樂有限公司，今年 11月斥資約 7,000萬元開拍電影《少年葉問》，並會邀請邱禮濤執導，冼國林親做武術指導，演員方面必須要懂真功夫。據知冼國林除了起用愛徒杜宇航，還有意安排阿嬌、樊少皇和范冰冰參演。冼國林說：「我挑選演員必須有真功夫，唔想要用威吔或特技效果，其實吳澋滔同徐淑敏都有跟我學功夫，都唔排除會搵埋佢哋演出。女演員方面，我覺得阿嬌嘅拳腳好有潛質，好希望佢到時有期參演。」




冼國林以刀拼持雙柺的阿嬌。




在冼國林指導下，阿嬌耍出一招攤手直撐，柔中帶剛。





初演舞台劇緊張
此外，阿嬌暫仍未登大銀幕，但她稍後卻有新嘗試，她將於 8月 27日開始，在灣仔演藝學院參演一連 6場的舞台劇《星爸阿爸》，對於這個挑戰，她說：「好快就要投入綵排工作，始終第一次演舞台劇，我都好緊張吓。」阿嬌會扮演單親家庭長大的女生，但卻渴望當明星，由外地返港尋找生父，其實角色背景很像她的現實生活，她說：「呢套劇好多感動位，我呢排都睇好多舞台劇做參考。」阿嬌為答謝師傅冼國林免費教導，她稍後會請他看舞台劇。
採訪：比華利
攝影：陳慧安
化妝： Michelle Tong（ Make360.com.hk）
髮型： Daniel Cheng（ Chin.G）
場地：香港詠春聯會

SmartPerson

原帖由 elbar 於 2009-6-27 01:22 PM 發表


阿嬌昨日練習打木樁，有姿勢有實際。
http://hk.apple.nextmedia.com/template/apple/images/art/rating_star_rated_h ...

其實冼國林可考慮在 葉問 3 找希仔 飾演 李小龍 死在 阿嬌 香閨