各位,
之前都有post話魔力2越黎越少人,我本來都唔想特登再開post
但眼見魔力2既玩家人數持續地每況愈下,宜家都係開個post講下喇,或者我以下內容講得唔岩,但都係我睇到既野
我以前係由魔力1 1.0神獸傳奇之前的時期開始玩的,
坦白說,我認為魔力2玩家出走既原因不在代理商,事關台灣魔力2人氣同香港都一樣每日都下降緊,開放短短2個幾月,魔力2在巴哈姆特的排行由前幾名跌到去廿幾,宜家排行仲低過魔力1,造成呢個境況,魔力2既玩家都係唔想,無奈的確係事實
我覺得無論港台代理做咩都好,都好難挽救呢個局面,根本原因就係魔力2係一隻半成品,不完整遊戲,我講既不完整唔係指未更新,而係本身個遊戲結構唔係太合理
就以魔幣黎講,宜家唔同以前魔力1要收點數先可以開新帳號,係每個人都可以申請好多個帳號去掛機洗錢,
何況宜家好多人都要2部或以上電腦,再加埋d沙盤程式,同時掛幾個至十幾個帳號去採野,然後去造物品開拓,搵錢真係話咁易
錢易搵唔係問題,但要可以流通,控制得到個數量,唔係就會造成貨幣失衡
咁魔力2有咩魔幣回收機制?除左稅收,醫院,傳石,少量npc物品如封卡等同埋好似過橋費等通行費......根本無其他
魔力2如果係月費遊戲,稅收功能當然可以發揮,但魔力2唔係,所以每個人都可以開創好多逃稅角色,稅收功能如同虛設
醫院無咩特別,唔講太多,但醫院的確係魔力2目前主要都係靠呢樣去減少市場上流通既魔幣
傳石,唔同魔力1,魔2要開傳點又要解任,加上傳石收費唔合理根本少人去用
過橋費過低,同埋只有隊長要比,亦都造唔成回收魔幣功能
但大家賺埋咁多錢,個個都起碼有幾十萬,但市場又欠缺流通既貨品,寵物除左檔寵,大部分玩家都只係養1-2隻,皆因寵物比人物角色更難升,加上魔力2既寵物系統令寵物單一化,主流寵物亦只有數款,來來去去都係火山鳥人死神龍骨火舞,非金銀卡寵都唔會有人有興趣去練,令到玩家養寵物欠缺成就感,後期亦都令封師既寵物無法出售,大家賺返黎既魔幣除左買時裝同基本eq外亦都無地方可用
另外,魔力2玩家根本欠缺交流,公會系統令玩家分成很多小圈子,造成玩家很少同公會以外的人接觸,當然公會有其好處的,可謂好壞參半
魔力2與魔力1分別在於魔力2根本無人玩pk,玩家玩到封頂解完大部分任務都唔知做咩好,賺錢又無地方使,升完人寵又無得pk,仲唔悶到走?
就算宜家魔力513私服,日頭夜晚都有人在Pk場,每晚都有幾十人在pk,氣氛不知幾好,魔力2?真人鬼影都無隻lor
我說魔力2的確係一隻半成品,魔力1起碼每個人物都有唔同動作,寵物都係,魔力2個個角色都好似複制人咁,動作都一模一樣的,寵物又唔可以做動作,令到遊戲變化更加少
一隻如此的遊戲,到底可唔可以過埋今年呢?
我唔知道喇 |
發表於 09-7-6 11:25 PM
發表於 09-7-7 01:34 AM
(雖然是大陸人設計的....)
