命運之鑰職業解構 - 《命運之鑰》心得資料區

2000FUN論壇 › 綜合論壇 › 海王傳說(81Keys) › 《命運之鑰》心得資料區 › 命運之鑰職業解構

查看: 36658\|回覆: 199	go 命運之鑰職業解構 [複製鏈接]

Barry2006

三星高級會員

Rank: 3 Rank: 3 Rank: 3

UID: 672088
帖子: 406
積分: 704
Good: 38
註冊時間: 06-6-19
在線時間: 249 小時

1^#

發表於 09-7-9 05:31 PM |只看該作者 |倒序瀏覽 |打印

本身一直玩台版81KEYS嘅我諗住港版都唔會有人玩~
但係宜家見到麗欣做代言~我諗一定唔會少人得去邊XDD
呢幾日見到好多人對呢隻GAME嘅職業十分之有興趣~(路人甲:我對欣欣有興趣DXDD;我:OKOK=    =")
所以我想同一D未玩過台版GE朋友仔分享一下各職概要~希望大家有深入嘅了解~

人類槍兵
簡介:拿住長槍,攻頗高防頗低,但閃最勁嘅職~
單綀:由於高迴避,中上攻擊力同埋一招極好用GE範圍技(台灣簡稱:"舞槍")
   單綀絕對係可行的~想體驗一個人輕鬆掃怪GE朋友絕對要玩佢!
團綀:槍兵在GAME中算是一位打手~不過由於範圍傷害輸出不夠露露勁~範技也不像露露有狀態(定怪暈怪)~
   所以槍兵在團綀時不會太過搶手~不過亦會有人組GE~放心LA~
戰場:雖然人人都說:玩家技術才是王道!不過我相信大部份人都仍然會認為槍兵是為戰場而生存的@@
   原因只有一個:槍兵有一招專為PK而設(台灣簡稱:"強衝")~呢招既係暈技~亦都係遠程技~加上槍兵閃高~
   要打得中佢都有難度~不過有技巧對付佢~就係靠牆行XDD詳細原因自己玩到就知~

人類劍士
簡介:拿住短劍同盾,攻中等防高,整體防禦最高GE職(因為鬥士魔防很低)
單綀:由於只有一招攻低嘅範技,閃又低,常常被怪摸到~因此裝嘅維修費會幾貴~
   單綀會辛苦少少~不過亦無不可~
團綀:劍士在GAME中是一位坦~佢雖然吸怪沒鬥士穩(有技術玩家除外)~但佢嘅範圍暈技同高魔防使佢o係game入面坦職佔一籍位~做副坦一流~
   所以劍士在團綀刷副本時會幾搶手~效率亦頗高~
戰場:劍士係戰場控場手~說殺人~他不是很猛~但佢有暈技(台灣簡稱:"盾暈")~亦有持續傷害技(台灣簡稱:"失血")~減速技(台灣簡稱:"斷筋")
   所以劍士o係戰場上係頗重要的~當然~還是那句:技術才是王道!!!!!

瓦塔鬥士
簡介:可以拿巨劍(加命中,攻最低,攻速最高),拿巨斧(加物爆率,攻中等,攻速亦中等),拿巨錘(加防,攻最高,攻速最慢)物攻物防最勁嘅職~血多而皮厚~但魔防為全職最屎= ="~
單綀:由於高防血多,超高物攻同埋多招範圍技~
   初期(1-50lv)單綀係可行的~不過!!!!!!由於閃低又只有一招冇乜用嘅暈技~高lv怪又血防攻都好高~後期單綀效率的確不高~
   裝維修費亦可以話係多到嚇人~想體驗一個人輕鬆掃怪GE朋友絕對要有$!=..=
團綀:鬥士在GAME中係一位主坦~範圍傷害輸出勁~吸怪穩~
   但拉怪拉得稍為多了點或少了點就很容易被人diu(我冇玩鬥士都登佢地心酸)~
戰場:鬥士在二轉前基本上都係少入戰場為妙~原因有多個:鬥士跑得慢要衝跑鞋灌跑水~冇暈技~亦冇遠程技~
   被很多職都視為肥豬肉~雖說:有技巧就得la~但係隻game 嘅setting係咁~技術幾好都唔會差好多~
   不過有好多台灣大大對此仍進行深入研究~亦有很多鬥士戰場心得~自己可以上巴哈爬文~

瓦塔薩滿
簡介:拿住碌棍(咪諗衰野),魔攻高亦有大量輔助技,係咁多個職最易綀嘅~
單綀:由於有兩招持續傷害屬性技(台灣合稱:"蟲火"),又有回血技可以自己回血~
   單綀揀屬性相尅嘅怪打會好快~打完一堆怪你會發現你d血冇乜少過XDD只係冇MP~
團綀:薩滿在GAME中有輔助作用~幫人加攻加防~幫小牧牧減低補血負擔~
   打王時掟蟲火~又可以減輕打手負擔~在團綀刷副本時會好好用~
戰場:薩滿蟲火由於係一定中~冇MISS~威力驚人~又有回血技~PK可以話係幾正~
   不過缺點係兩招都有詠唱時間~未必可以兩招出哂~要有人BACKUP~

露露元素使
簡介:拿住長杖,遠程傷害輸出為全職第二高,但血防全職最低~
單綀:由於有不同屬性狀態技, 單綀係可行的~(單綀露露通常修火冰或火緩)~
   但要小心被怪圍~露露始終係血低皮薄嘅BB>3<
團綀:元素在GAME中也是一位打手~範圍傷害輸出勁到嘔~範技有狀態(定怪暈怪)~
   (團綀露露最常修地風~一齊出會有定怪作用)~所以元素在團綀時很搶手~
戰場:元素遠程傷害輸出高~但要知道一點~佢招招技(除緩速)都有詠唱時間~
   此時就係佢死亡之時~所以要尅服呢點又係要技術XDD~例如之前講過嘅靠牆~

露露牧師
簡介:拿住單手細錘,遠程傷害輸出為全職最高(因為有一招聖光彈亦係唯一一招攻擊技),其他全部係ec技~
單綀:由於聖光彈威力變態咁勁~假如你係暴牧~全加智再衝手套武器光傷嘅話~再去打闇怪~威力唔使講都知~
   加上可以點少少補技~所以單綀絕對可以~但係純補師就唔得~
團綀:相反純補師團綀冇可能冇人組(路人甲:廢話=..=)但係暴牧會係孤兒~(坐在一旁被冷風吹的BB T_T)~

戰場:暴牧可以兩至三下聖光彈KO對手~不過聖光彈亦有兩秒詠唱時間~但距離遠~一樣都係果句:睇技術LA~
   而EC唔使講LA=    =~難道戰場唔使EC咩~

詠夜咒術
簡介:拿住護身刃(95%),遠程傷害輸出中等,血防中等偏低~主要靠不同特別嘅狀態技打怪(如減攻,吸血,中毒,變人做小動物,同人換位= =...)
單綀:基本上咒術就係單綀王~遊戲setting就係咁~佢d狀態技你見到都知道一定會玩到d怪頭哂暈~
   但係由於佢係主要衝闇傷~而高lv怪多數係闇屬~所以綀功既話會幾慘~一定要去巴哈睇下咒術嘅綀功好去處~
團綀:會有人組~因為台版改左咒術有一招變左範技~而且打王刷副本亦有一定用處~
戰場:哈哈~咒術好好玩~變你做小吉姆~等你冇得出招只有逃走~嘻嘻~
   掛機lag機的人有難了~幫你轉轉位置XD等你被人同怪打到HIGH HIGH~

不過其實咒術也只可以控下場~想殺人嘅話........好少.........睇技術LA~(路人甲:又係呢句= =";我:個個人都係咁講GA LA

)
P.S雖然我宜家有隻咒術得59LV(好想快D轉佢做二轉>3<)~但係感覺上幾好玩~大家不妨試試~不過要等一等港版= =

詠夜錬金術師
介紹前講左先~唔好睇個名咁型~睇到宜家FA裡面愛德華咁型就搶住綀=..="...
呢個職~係O係台版81KEYS最少人揀嘅職@@原因:耗錢(港幣),耗時間,耗精力...仲要綀多個小錬金幫手製水...(因為技點有限)結果唔知點解冇人組...
簡介:綀力敏揸西洋劍;綀智精揸護身刃~主要玩掟炸彈(即藥水)~有大範圍火或毒亦有單一火或毒~
單綀:注定單綀=.="不過工序繁複...分解裝到製精石到製藥水到出場打怪~你D FD可能已經升左幾LV...
團綀:我唔知點解D人唔組錬金...有範毒範火幫清怪~可能D人認為組錬金不如組多個槍或元...因為錬金D藥水係會用完GA!!!!!!!!!!!!
跟住再去分解裝,製精石,製藥水,打怪,分解裝,製精石,製藥水,打怪,分解裝,製精石,製藥水,打怪...............
戰場:普普通通~都係掟彈加吸血闇箭或塗毒突刺...戰績一般~(因為我好少見到錬金~冇乜實戰例子供我研究)

某大大詳細錬金資料心得: http://www.2000fun.com/bbs/viewthread.php?tid=3575695&extra=page%3D1

希望可以幫到你地LA^^

總結:呢隻GAME唔似其他GAME咁~某個職會獨大~而加點方面亦係人人不同~(齋係劍士已經可以分主力副體,純體,體敏平均,力體平均,力體敏平均,隻隻功用不同)
仲有好多講求技巧嘅野要學~仲有好多好玩系統~係隻值得花時間玩嘅遊戲~

P.S希望版主欣欣可以將此POST列為精華POST費事等陣打得咁辛苦俾其他POST埋左

而且可以俾新手作為參考~

[ 本帖最後由 Barry2006 於 2009-7-24 02:02 PM 編輯 ]

已有 29 人評分	Good	收起理由
希文一族	+ 1	正正正-0- 我都決定玩下先!!
wingwing0606	+ 2	支持你!下次繼續^_^
KIZU	+ 2	勁
nicky	+ 1	感謝分享!
lcs00259	+ 2	你的文章對我很有用。謝謝!
山羊	+ 1	精品文章
＊ＭIＮG＊	+ 2	←新手辛苦你啦!
媽媽生	+ 1	原創內容
vsop999	+ 1	精品文章
goodluck2424	+ 1	你說的內容我非常同意

總評分: 威望 + 30 Good + 35 查看全部評分

讚0 噓0

回覆引用

關閉 安全驗證

命運之鑰職業解構 [複製鏈接]

關閉安全驗證