（新文章）對線上遊戲未來的展望 （各位代理商來看看吧）

kts20041075

最近我玩緊一隻遊戲，相信大家未玩過都應該聽過這個名，SD高達online

點解我會提起呢隻遊戲呢，就係呢隻遊戲缺乏左線上遊戲最重要既野，就係

溝通，相信玩過呢隻遊戲既人都知道，當你用速成打字果陣，會出現字尾，這

一點問題，可能有人覺得，又有何所謂呢？但係這一點卻反映左線上遊戲開始

退步，玩線上遊戲既人開始唔著重人與人之既溝通，代理也不需認真處理這些問

題，玩這遊戲心態的人就是只要擊落到對方既機體就可以啦，自問我都不可能

一路射擊，一路打低敵方既機體，一路打住字同你傾用咩戰略對付對手，我都

知這些事情係完全無可能發生既事。


上個月，我玩Left 4 Dead，介唔介定佢為線上遊戲，就見人見智，但我好清楚

，有陣時聽人講野係一件好搞笑既野黎，有人像電台開咪，有人有時會播歌，又

會有人搞下爛gag，最緊要大家都有戰有略，有計有謀，遇著Tank時大家會叫人

逃走，想知佢係男定女一聽把聲就一清二楚，講左咁耐，大家都明白依家遊戲缺乏左ｄ咩！


其實無論休閒遊戲，定係MMORPG，都好需要一個咁既語音系統，就算一個無戰略可言遊戲

，靠著語言系統，也可以令人與人之間既關係拉近，也同時能夠化解在文字上的不必要誤會，

當然最受惠既就係我地呢班打字慢，又唔多識打字既人。

我幾時都講，沒有溝通，我不如去玩高畫質既單機遊戲，

代理商如果下次代理遊戲既時候真係要諗諗遊戲有無語音系統先好代理！

講起對未來的展望，就不得不提到近年興起既web game（線上網頁遊戲）

其實對我黎講web game根本就沒有前途可言！
第一：畫質問題，雖然國外有大廠商已經研製到高畫質既網頁遊戲，不過始終都係花大量既金錢就做到

第二：遊戲內容，休閒不能說休閒，題材永遠圍繞著三國，村莊戰鬥，又要計住ｄ時數黎起野

第三：近期出左ｄ網頁遊戲，例如：雲起既天書奇談，講真如果我係玩家點解我唔下載ｄ好玩既網絡遊戲，而要玩質素ｄ

差既網頁遊戲呢？依家家用電腦容量，不段增大，有不少人電腦已經有１ＴＢ既容量，網速最慢既我（網上行６Ｍ）用迅

雷下載最快都有5xxkb 1秒，唔計bb100果Ｄ，咁我又點解唔下載Ｄ好玩遊戲，又要玩你既網頁遊戲呢？？



所以我幾時都話，如果遊戲要有人氣也要出位，就要諗諗計，例如：網頁形式打麻雀打啤牌遊戲，

有新意ｄ出埋低流量既手機版網頁形式打麻雀打啤牌遊戲，可以除時除地玩又可以發展出手機網絡

遊戲呢個新市場，對於香港呢個手機龐大市場，係絕對有得諗諗！而遊戲題材可以轉變一下，由三

國轉做便利店，搞一間便利商店呀，吸引下客人，我相信如果引入到更多唔同形式既網頁遊戲將會更多姿多采！！

[ 本帖最後由 kts20041075 於 2009-7-13 08:20 PM 編輯 ]

kts20041075

好似篇野無咩人睇咁，不過都希望有人回覆

尚慧-檸檬茶

睇起來唔係無可能, ....
不過..突破~ 都是從意想不到而慢慢演變出來..
加油~~

kts20041075

語音系統雖然會加重代理商伺服器既負擔，但長遠黎講係一個可發展項目

我還在等待突破中，相信不久，大部份競技類遊戲都會加裝語音系統


而WEB GAME既市場，還可以發展多一段時間，Facebook既網頁遊戲，其實都幾值得參考！

ting1021t

語音系統我認為有d唔可行:
1.隻game會變到好大(你地都應該知點解)
2.錢既問題(唔多講)
3.lag爆既問題(可能只有我先會)
4.會好噪(唔係隻隻game都好似Left 4 Dead咁,有d game有大聲公,再+上普通頻道既人講野,咁會搞到好噪,真係聽到人都煩)

不過你提出左一樣好重要既野:溝通(樓主你真係冇得頂呀)

[ 本帖最後由 ting1021t 於 2009-7-14 08:49 PM 編輯 ]

乂飛蓬乂

原帖由 kts20041075 於 2009-7-13 03:44 PM 發表
最近我玩緊一隻遊戲，相信大家未玩過都應該聽過這個名，SD高達online

點解我會提起呢隻遊戲呢，就係呢隻遊戲缺乏左線上遊戲最重要既野，就係

溝通，相信玩過呢隻遊戲既人都知道，當你用速成打字果陣，會出現字 ...

其實果D打麻雀玩啤牌果d
又或者係篤下波,捉下棋
係yahoo或者sina都已經可以連線玩
除非隻game有某種好特別既因素
如果唔係都幾難吸引到人比錢去玩(唔理月費定商城)

kts20041075

原帖由 ting1021t 於 2009-7-14 08:47 PM 發表
語音系統我認為有d唔可行:
1.隻game會變到好大(你地都應該知點解)
2.錢既問題(唔多講)
3.lag爆既問題(可能只有我先會)
4.會好噪(唔係隻隻game都好似Left 4 Dead咁,有d game有大聲公,再+上普通頻道既人講野,咁會搞 ...

錢既問題其實我覺得如果我有錢，我會考慮當這個是投資，而且LAG都係同錢既問題差不多，有好既伺服器就自然唔會LAG

好噪方面，其實一個語音遊戲當然會有關掉功能啦，與者封鎖公會某個人既語音係必備功能，反而有時打字，打到自己好燥！

[ 本帖最後由 kts20041075 於 2009-7-15 11:20 AM 編輯 ]

kts20041075

原帖由 乂飛蓬乂 於 2009-7-15 01:12 AM 發表

其實果D打麻雀玩啤牌果d
又或者係篤下波,捉下棋
係yahoo或者sina都已經可以連線玩
除非隻game有某種好特別既因素
如果唔係都幾難吸引到人比錢去玩(唔理月費定商城)

都係既，不過最主要開設網頁版遊戲，可以連帶發展手機網頁遊戲，我係想帶出呢個信息

加上網頁遊戲應該開始要有番ｄ新意，第一次玩網頁三國就或者會覺得好玩姐，第二第三

次就會比人覺得好悶好煩！

[ 本帖最後由 kts20041075 於 2009-7-15 11:21 AM 編輯 ]

Gurren

你諗得太多    打個字有問題就話冇溝通  你睇下SD D小朋友 爆粗咪又係咁快 搞到GM出埋面TIM 依家  溝通方面我認為已經以現時普遍既技術已經做到差唔多架啦

語言系統 GAME比埋當然係好  但其實好多有公會戰 / 團戰之類遊戲既玩家都已經用緊某幾個  即時溝通既軟件  一面玩一邊傾  但呢方面又唔係代理商整既呢

網頁遊戲冇人逼你玩   好明顯係比番緊工 或者  番緊校既 朋友玩架啦   唔通真係番工番校用公機都要DL野裝黎玩咩?  
同埋網頁遊戲要求畫質高真係好難  一面要考慮到網頁流量 同 順暢度  仲有伺服器承擔

唔好以為做代理商真係咁好賺啦  (除左某幾個突出D既..通常佢地有本錢或者規模大)

卍天命卍

天書奇談...應該只是雲起想在WebGame市場佔一席位的始端

畢竟WebGame在內地有無數的多...而近年本港不同網遊公司亦代理了部分WebGame

如網龍的貓遊記...在內地我早已玩過了...但香港的版本...

不能說沒人玩,只能說玩的人數少,佔整體遊戲的一小部分

他們以不用安裝為優點,藉此吸納上班一族去玩...

這正是公司怎去推廣,以及對象的問題

因此,我並不認為WebGame根本就沒有前途可言。

tkc1994125

下 我覺得sd高達溝通冇問題喎
字尾問題有方法解決 只不過你唔去試下找解決方法姐
另外你提到語音...唔係個個人都有咪 (雖然好平) 不過打打下機有人講野有時會覺得好煩
而且有d人d咪重好鬼沙 越玩就越心煩

kts20041075

原帖由 Gurren 於 2009-7-15 09:05 PM 發表
你諗得太多    打個字有問題就話冇溝通  你睇下SD D小朋友 爆粗咪又係咁快 搞到GM出埋面TIM 依家  溝通方面我認為已經以現時普遍既技術已經做到差唔多架啦

語言系統 GAME比埋當然係好  但其實好多有公會戰 / 團戰 ...

你對於線上遊戲實在無咩要求，事實上我覺得依家打字既溝通，就係因為太過普遍，但係點解唔可以推廣語音普遍化呢？？

我都知，SD中有少部份人都有用這些軟件，但事實上，用的人不多，我覺得每逢對戰都需要用這些系統，如果有左語音，我

相信小朋友會收歛Ｄ，起碼語氣唔好一定場場比人踢

除著科技發展，網絡速度漸漸提升相信在學校下載遊戲既速度也不慢

加上我係話依家再咁落去WEB GAME會無前途，所以需要更多唔同既玩法

[ 本帖最後由 kts20041075 於 2009-7-16 11:07 AM 編輯 ]

kts20041075

原帖由 tkc1994125 於 2009-7-15 10:36 PM 發表
下 我覺得sd高達溝通冇問題喎
字尾問題有方法解決 只不過你唔去試下找解決方法姐
另外你提到語音...唔係個個人都有咪 (雖然好平) 不過打打下機有人講野有時會覺得好煩
而且有d人d咪重好鬼沙 越玩就越心煩

雖然是有辦法解決，但是為何要玩家解決呢，這些本應是官方的責任，所以官方根本就不重視這一點問題

依家一個咪，最平15蚊，一個耳筒連咪，最平30~50蚊，相信無咩人會出唔起錢，再加上心煩你可以關左佢

用番打字姐，無話兩樣野唔可以共存，只要果陣你地唔係商討緊戰略就OK啦！

kts20041075

原帖由 卍天命卍 於 2009-7-15 09:19 PM 發表
天書奇談...應該只是雲起想在WebGame市場佔一席位的始端

畢竟WebGame在內地有無數的多...而近年本港不同網遊公司亦代理了部分WebGame

如網龍的貓遊記...在內地我早已玩過了...但香港的版本...

不能說沒人玩 ...

依家雲起樣樣都想，又想發展馬來西亞，又想同台灣代理商打好關係，可惜聲譽始終麻麻．．．．．

當然公司宣傳策略係重要，不過我覺得遊戲內容更加重要，WebGame市場其實也可以可圈可點

WebGame就一定比一般遊戲代理費平，如果能夠同普通既線上遊戲收入睇齊，就可算是暴利

cleverjc2003

你呢篇野好有意義
呢個系統其實就系一個受歡迎游戲最要具備的倆種元素其中之一，
好玩程度同交流程度的交流程度
可惜現在的公司有意無意地忽略了交流程度
令到游戲界顯得黯然失色
不過靠公司自身是沒有足夠能力開發這樣的系統
第一 香港沒有自發研制的game，即是版權問題
2黎 呢個系統都頗覆雜 唔系so容易整   
3黎 推廣程度成問題（呢個最唔重要）
4呢 就系間間公司都想享漁人之利，因為這系統不是游戲問題
當一間公司將其開發出來 其他代理只系須要copy就可一以
中間可奪取的利益可想而知

所以呢， ‘要開發這個系統，我想都系要請教育局局長幫忙ga la‘ 呢句好重要XD

cleverjc2003

至於webgame既潛力我不予置評
反正都不是這篇文章既重點
不過就如我說的
一個低好玩程度and低交流程度的游戲是沒法在市場上立足的

不過
我認為現在的發展商實在太著重好玩程度了
導至到好玩程度and交流程度的不平衡日益嚴重
一個好玩ge game系好需要交流ge支持
而一個好有交留ge game系好需要高質素ge 游戲去support
倆者同樣重要

總括來說
一個好游戲需要用到ge身體器官越多 潛力就越大

枯葉

唉．．．講到溝通
其實跑online真係唔錯,
佢係就係跑來跑去=.="
但係可以比玩家吹下水
玩得幾開心．．．．
但係隻games出埋太多無厘頭野
搞到唔想玩~
加上遊戲好悶,淨係跑>_<

kts20041075

原帖由 cleverjc2003 於 2009-7-16 03:03 PM 發表
你呢篇野好有意義
呢個系統其實就系一個受歡迎游戲最要具備的倆種元素其中之一，
好玩程度同交流程度的交流程度
可惜現在的公司有意無意地忽略了交流程度
令到游戲界顯得黯然失色
不過靠公司自身是沒有足夠能力 ...

其實香港都有自主開發既遊戲，只不過有ｄ沒比人代理到，有ｄ就自己開發比自己代理

講真，其實我打字又唔算快，有陣時起遊戲公會裡自己既存在感都好低，相信有部份人都有類似既經歷

要開發一套語音系統難唔難都係見人見志，不過我相信都係將來既大方向之一

kts20041075

原帖由 枯葉 於 2009-7-16 04:06 PM 發表
唉．．．講到溝通
其實跑online真係唔錯,
佢係就係跑來跑去=.="
但係可以比玩家吹下水
玩得幾開心．．．．
但係隻games出埋太多無厘頭野
搞到唔想玩~
加上遊戲好悶,淨係跑>_

跑，算係我識得最多朋友既遊戲，佢個好友系統做得唔差，因為有ｄ表面上係有好友系統，但係實質是是沒有，SD就係其中一個

佢地既公園都係設定為吹水用既，講真，其實玩跑果陣我開始癲癲地

Gurren

~"~ 唔係我冇咩要求 係因為我基本上係呢幾年花左好多時間行左全世界既OLG 不斷搵代理商 研製商 中 GAME 玩過下  當然都有唔少係因為玩唔到漏左既

但係大部份都係我上手幾下就同佢講88  可能我要求比較獨特啦  MMORPG 技術型都會好易比我玩悶 (秒速個隻)      
同埋語言系統果方面其實好易整  根本佢只要肯叫本身做緊即時溝通工具果邊既公司黎插幾手  就好易做到 仲可以宣傳 冇人話要正式咁入落隻game度  只要係官網下載區個邊
加番句  打機必用 即時溝通工具  再加d好描述 咁就ok  

同埋大家唔好諗到代理商咁衰  淨係想賺錢咁簡單  代理商都係想有佢地既遊戲
想大家熱愛  但代理商真係賺唔得幾多  你認為一隻OLG 有幾多人玩?有幾多人買野?
夠唔夠比佢地成間公司員工既人工  伺服器費用  仲有代理一隻GAME既版權費
佢地做到落去係因為佢地有本錢  但唔通就係咁 等果堆錢用完 ?  之後汁咩
當然要搵野賺錢啦   當然冇人逼你買  但又唔好話隻GAME唔買就廢  代理商好賤
因為唔關代理商事  隻GAME唔買就廢得2個原因
1.你廢
2.廠商SETTING
(好似有D離題 )
提外話:  最近網龍上左市