係咪我太過份？

甜心草莓

都唔細了，成22歲，只拍過兩次拖，一次初戀三年倒，第二次就一直到而家了，四年幾~

問心講句，我BF對我好好，錢，時間，都好願意為我付出，佢返工好勤力，放工後唔會周圍去，

通常會打比我或者返黎陪我~咩節日佢一定記得一定有禮物送~

外表亦算幾好~各方面都好好~

但係日子過得越耐，我就越厭倦呢種平靜如水的生活~

當然我只係得個諗字，我並無做出任何野~

我做SALES的，之前想轉做美容，佢撐我，後黎又覺得美容辛苦又學唔到野~佢又撐我~

我今日見左幾份工，諗住做返SALES，佢亦撐我~

我都唔明佢點解可以對我咁好？

我覺得好悶，每日都係返工，放工，返屋企，同佢好似老夫老妻咁，

我地返工時間都長，所以其實都好少出街，偶然放假都係睇下戲行一陣就算~

未識我前佢係標準既"浪子",仲好鍾意去酒吧~識左我之後四年幾去既次數唔超過十次~而且一定得到我批准先會去~

並唔係我管佢,而係佢自動自覺咁做的~有時我忍唔住問佢點解,佢話因為我係佢等左二十幾年既人...

其實我應該覺得幸福~我未來另一半無論人品,外表,工作都算中上,最重要係唔花心,仲對我好好..

但點解越係咁我越係覺得迷茫?

marcoccf

岩就泥 唔岩就走
佢對你好 你唔一定要對番佢好
不過都係果句啦"問心啦"

★楓間乂零☆

其實你應該係過厭左呢d生活....  你地試下去一去旅行啦!!   我覺得你地要有些新火花!!

edwin211

女人就係咁 當有果陣就唔識珍惜 到無果陣又怨

紅羽=]

因為你對依d生活已經無興趣!!
我打機都係咁..由朝打到黑,,
每日不斷從復
你地2個可以時不時去下海洋公園果d玩下

~傳說中的傻仔︻

當一段愛情變左做感情個時   就好似變左你而家咁

＊邱比特＊

只可以同你講一句：珍惜眼前人

當你失去左GE時候你會後悔!!!

LoSeRbyy

佢好好仔...唯一缺點就係盲目支持
令到你覺得問左好似冇問咁
但係條件好ge男人
好快就會冇新鮮感
佢應該係好少驚喜比到你
你先會咁諗...

p.s佢係好老公...but唔係好情人

牙茹

比d空間自己吧

甜心草莓

呢幾日開始搵工，覺得係屋企好悶，我見左幾份兼職SALES同幾份全職SALES~

同佢講兼職得三千幾，但時間短，返五個鍾，佢就話好呀，多D時間陪我嘛。

我又講全職返1-12個鍾，人工高D有8 9000，佢就話好啊，可以儲下錢。

我唔出聲佢又話呢排多暑期工丫~不如遲D先搵啊~

我話好悶，佢就話咁你睇下有岩既咪求其做住先羅，人工少，我養你羅。

我無言。佢又問我食唔食野呀（佢做飲食業的，係某大型連鎖店度做經理煮野食好叻）

食咩佢就煮，或者出街食。我話無胃口，佢就拎左D野飲比我叫我抖下先，然後佢就行埋一邊去睇書。

我望住佢個背影，唔知講咩好，如果對住一個咁既人成世，唔知會唔會悶死。

呢D係咪叫犯賤？好多朋友都不知幾恨有個咁好既男朋友....-.-

ye5rhy

原帖由 甜心草莓 於 2009-7-27 08:29 PM 發表
呢幾日開始搵工，覺得係屋企好悶，我見左幾份兼職SALES同幾份全職SALES~

同佢講兼職得三千幾，但時間短，返五個鍾，佢就話好呀，多D時間陪我嘛。

我又講全職返1-12個鍾，人工高D有8 9000，佢就話好啊，可以儲下 ...

當你對一個人厭倦左既時候 無論佢做D咩都係令你厭煩架啦 只可以講係你自己唔滿足...
你男朋友為你放棄左咁多野 但係日日點就你 , 你都係死老豆咁既款既話 我相信你男朋友仲悶仲難受啦
不如諗下你到底有咩唔滿足? 你男朋友講野太悶? 定係你地既生活太無聊?

不知不覺的

過隱........分開一個月冷靜下....
做人就係犯賤........

intermethk

可唔可以pm msn?

妳的case 我好有興趣接

[ 本帖最後由 intermethk 於 2009-7-29 01:10 PM 編輯 ]

屋屋烏

姐係你想要果種 花心 壞男孩
唔工作 唔努力既人 陪你周圍去玩
食k 吸毒
人就係咁犯賤

456741

妳 不要亂來喔

[ 本帖最後由 456741 於 2009-8-13 02:28 AM 編輯 ]

我係刺客

你嫌佢悶,甘你自己有無做d咩有情趣d既野呀!!有時d野唔一定係佢做先得既,你都可以試下做,甘你地咪會無甘悶羅

luikwanchak

我覺得係你本身個人唔中意平淡
厭悶....想玩既心態

z8007x

你迷茫係怕冇左佢  失去佢 你就真係一無所有的feel 佢真係對你咁好 你就應該同佢結婚 快d打算啦

華仔華仔

百分百好男人...係邊搵呀老實講...
女人為咩姐..當然係想有個人照顧到佢一世架拉...
你怕悶..咪去搵過另一個..只要你5後悔的話..