Chrissie腰斬活動 辣慶娜迷

紋少

周秀娜為長方形攬枕簽名，相信會令攬枕升價十倍。
宣傳攻勢由書展伸延至動漫節的周秀娜（Chrissie），昨日正式踩入動漫為印有自己嘜頭的產品造勢。原本打算以近距離策略答謝Fans的她，礙於現場情況太混亂，竟被迫站在廁所旁做訪問，以及臨時腰斬與Fans打招呼的環節，令專誠求見偶像真身的Fans一度鼓譟。
近日人氣暴升的Chrissie，原定昨午四時半親臨動漫節與Fans作近距離接觸，並親手將「特製體香攬枕」頒給排頭位的Fans。不過由於售賣其攬枕及性感Tee的攤位擠滿近200名Fans，工作人員只好臨時在舞台旁找位置給她做訪問，可惜全程她要站在廁所旁邊，認真大煞風景！由於Chrissie臨時轉移陣地，令現場更混亂，更只有數名Fans見到偶像，加上工作人員未有事先通知保安，一度出現Fans被驅趕的尷尬場面。其中Chrissie忠實Fans、只有13歲的李同學大感不滿，至於排頭位的A先生說：「我喺原來個攤位排咗成個鐘！（有冇幫襯？）冇！啲Tee成300幾蚊件好貴，個咕更加唔好提，成600蚊！」

周秀娜一出場，即引來大批記者及Fans包圍，場面混亂。

有攤位推出周秀娜另一款人形攬枕，同樣銷情不錯
唔覺得似吹氣公仔雖然要聞廁所味，Chrissie做訪問時依然氣定神閒，並笑言很開心有13歲的小Fans，問到會否怕小朋友拿攬枕「曳曳」？Chrissie無奈地說：「冇諗過用途係咁，啲Fans點用我控制唔到。」問到會否驚Fans愛她的身體多過產品時，她說：「如果鍾意我個Body都開心，我都覺得我個Body好好！」對於白韻琴抨擊攬枕似吹氣公仔，Chrissie說：「攬枕入面係棉花，唔需要吹氣，可以慳番啖氣！」對於o靚模陳若嵐（Melody）慘遭摸Pat，Chrissie說：「唔尊重女性！一定要報警同懲罰呢個人。」不過現場未見有加強保安，其助手更表示一切慳錢為上！Chrissie說：「有兩個保安同工作人員保護我，如果感覺有唔妥，我會護胸。」可是最後活動被迫取消，令現場Fans一度鼓譟。
同男友攬枕兩份攬對於被指抄襲日本水着女星野亞希，Chrissie作出澄清：「我不嬲都好欣賞星野，我出寫真前有參考過其他寫真，但刷牙呢樣嘢我冇印象其他人有影過。至於攬枕，我知日本有人出過，但我哋推出亦只係配合市場需要。」
另外，Chrissie前晚出席Belvedere IX終極伏特加派對，她笑言男友亦有訂購攬枕，二人更在家中「一咕兩攬」，十分溫馨。至於有人斥責其寫真似色情刊物，Chrissie說：「我唔覺得啲甫士大膽，每個人角度鍾意或唔鍾意好難控制，但多謝有人睇。」
街訪：好攬但太貴昨日Chrissie的一比一長方形攬枕於動漫節發售，雖然第一日銷售情況不錯，但有街坊對攬枕興趣不大，更有人直指售價$598太貴。