自私的擴張--EXP團 - FEZ 霍爾丁王國

2000FUN論壇 › 綜合論壇 › Fantasy Earth Zero › FEZ 霍爾丁王國 › 自私的擴張--EXP團

查看: 2973\|回覆: 39	go 自私的擴張--EXP團 [複製鏈接]

lazymailboy

一星新手會員

Rank: 1

UID: 1151885
帖子: 9
積分: 6
Good: 0
註冊時間: 08-9-24
在線時間: 17 小時

1^#

發表於 09-8-12 12:23 AM |只看該作者 |倒序瀏覽 |打印

先旨聲明，我係借刀，但我真係唔順氣，因為你將好多有心黎黃國同o係黃國經歷在好耐既新舊玩家一一迫走
咁大個黃國，大團小團雜團無數，每個人都係對黃國有包容同負責，為黃國出力，但我最撚憎就係以前c團同而家既exp團，係咁踢人，又霸道又自私

踢人機制，本意係出於將不依從正確戰爭行徑(例如亂擴、間諜活動或任對戰爭產生負面行為的作戰方法)，或任何非戰爭行徑而破壞遊戲平衡者(如外掛、bug等)作出處分
至少...我認為係咁，咁先係正常既踢人方式。
但我認為呢個制度絕對唔係比一d自私、個人主義濃厚、目中無人、呢d咁不知所謂既團體作為行使利己行徑的多餘機制
可笑既係，呢d情況竟然出現o係黃國最大既團，前c團同而家exp團既身上發生

撇除惡性踢人既性況唔講(你地入過exp團既場都知，一場30-45分鐘既國戰，佢地可以一路由開始踢到去完場，佢地係「有專人負責踢人」)
但最過份既係，佢地仲會屈低lv既人做錯野，然後搏取其他人既同理心黎踢人，例如屈低lv坐水回血，亂擴，上前線等(我見過幾次低lv既人齋坐水比該團以唔同「罪名」踢走，實在奇觀)，請容我講一句粗俗說話---你地好撚賤格!
更有甚者，連全場唯一一隻打召既騎(的確係得20lv，但起碼係有意識打)都踢得出去，為既就係達成佢地自私同陰險既目的(比自己人入)真係離晒大譜(成個exp團都唔識出召，淨係掛住踢人又唔睇情況)

一個大團，唔係人多，lv高就大晒，比夠你200個人on晒，同一時間都係打到4個場，但成個中土有幾多個場?你打得晒咩?咪又係要靠其他團幫手
定係淨係你地團識得打贏?其他團連贏既資格都無，所以你可以咁大安旨意踢人而做到扭轉戰局既效果?咁神奇?你地全部都可以1打50?咁你唔去玩無雙?
但到最後，你咪又係輸比幻影、v團，你地改變到d咩，輸左淨係識賴人地團做錯野，你有無問過你自己果d「踢人專員」到底做過d咩呀?

做得大團就要有大團既風度，要識包容，因為成個黃國既人一入黎，見到最多既人就係你地，有品無品人地有眼睇
一個人無品就搞到成個團都無品，而家臭名遠播，全黃國既人都知exp團=大團=自私=亂踢=霸道=目中無人=on9=令到唔少黃國人出國/走團=黃國之恥，一個團搞成咁為乜呢
俗語都有話，面就人地比，假就自己丟，自從c團無左，成個黃國既人都覺得可以由頭黎過，只要同心協力，仲有得發展，都擺過唔少希望落exp團度，令黃國更強(只少我認為會咁)
但你地而家做到咁，簡直就係「c團二世」，唔會再有人比面你，再信任你地呢班有實力但異常無品既人，因為你地根本同c團一脈相承，臭坑出臭草!

以後國戰既權利交比exp團，踢人既權利交比exp團，勝任既權利都交比exp團吧

反正黃國一日有exp團，就唔會有團結，就唔有復興，只會有一班自私自利既小人搞分化，搞個人主義，將所有老手新手迫到心灰意冷

所以，我希望其他出左國既人，以vip exp團為目標，同exp團一齊打國戰既團友，請一齊踢exp團既人(因為你唔踢佢，佢地「一定會」踢你)，或者即刻走場，以作無聲抗議

既然你做初一，我地不妨做十五，我地就為成個黃國既人黎踢你exp團既人，等你踢到腹背受敵，就咁樣惡性循環落去

可笑既係...exp團既團名有擴大、擴張既意思，擁有一個正面而有目標遠大既含意，但團入面既人心胸如此狹窄，擴張既就只有令人髮止既私心，實在非常諷刺

一個痛心疾首既黃國人上

關閉 安全驗證

自私的擴張--EXP團 [複製鏈接]

瀏覽過的版塊

關閉安全驗證