有關遊戲中刪除角色問題

血的洗禮

篇文唔算長,阻咁多位幾分鐘,黎睇一睇

響隻GAME選項介面度,有個button用黎刪除角色。正常其他online game係應該要通過多重認證先可以刪除角色,例如好似係建立人物時再輸入另外一個刪角色既密碼,係用黎日後刪角色時用,而呢隻game都要係打密碼先可以刪除人物。但係我近日發現刪除角色時唔需要打正確密碼都可以即時將角色移除,甚至唔需要輸入密碼,直接按確定都可以將角色刪除,十分兒戲。入返正題啦,我個server有個人響修改遊戲設定時,錯誤咁按左刪除角色個button,而刪除左隻角色,佢發信向官方求助時得到既回應竟然係叫玩家自行負擔返個責任,我個人就覺得官方就係度推卸緊負任,玩家係因系統漏洞(可能唔算係漏洞,係專登咁整)而錯誤操作,向官方求助無援。報左警,警方就不斷話跟進緊,沒有交代返大約去到咩進度,真係等都等死人。仲有,呢隻game都已經好耐冇出新活動同埋更新野玩下啦,我個server人流已經開始減少緊,同埋,響香港版機戰入面竟然仲有唔少簡體字及亂碼存在,都唔係話一時三刻係咁,更新左好耐版本,情況仲係冇改善。玩家拎錢,拎時間出黎娛樂下,得唔到保障,宜家仲要玩一個已經玩到冇野玩既遊戲,又比唔到一個好既環境比玩家,人流現在已經愈黎愈少,希望官方真係做下野,再係咁落去隻game真係等收皮。