【討論】烏龍球證入網判龍門球 水晶宮籲停1年

【翔少】

【明報專訊】英倫球證又有「驚世判決」，成為球迷茶餘飯後一個笑話，周六英冠聯賽水晶宮作客布里斯托城，球證判水晶宮一個明顯入球為龍門球，經與旁證討論多時仍堅持皮球不入網窩。結果逃過一


難的布里斯托城憑完場前的入球險勝，賽後水晶宮領隊禾諾克大發雷霆，要求涉案球證停賽1年以儆效尤。

水晶宮鬥布里斯托城一場平凡比賽，卻因球證蘇爾布力治及旁證洛尼斯一個決定變成經典。34分鐘水晶宮開出龍門球快速反擊，前鋒施亞斯殺入門前10碼右腳窩利抽射，皮球越過白界直入網窩，然後擊中龍門後方的框邊彈回球場。當時施亞斯正與隊友慶祝入球，球證蘇爾布力治卻走到旁邊與旁證洛尼斯討論，然後宣判入球無效。不過球證不是因為入球過程有犯規而判自由球，而是判布里斯托城龍門球，即代表他錯誤地認為皮球射出界。

這個判決即引起騷動，水晶宮領隊禾諾克怒氣沖沖向球證抗議，又到對方後備席前理論，惟不得要領。大難不死的布里斯托城完場前射入全場唯一入球，令水晶宮含冤而回。賽後禾諾克餘怒未消：「球證應禁止執法1年，旁證也是，我一生未見過更糟糕的判決，換了是發生在對手身上，肯定引發暴動。」水晶宮的冤枉球昨日成為網上熱播，有17萬網民在YouTube    重溫這超級誤判，惟其後短片逐一被刪除。

球證辯稱有違例狀況

不過布里斯托城反指自己才是受害者，表示賽後致電球證追問判決，對方解釋球場出現「違例狀況」，因此真正受害者是名譽受損的布里斯托城。水晶宮會長佐敦則語帶諷刺，提議重賽以挽回對手名譽；英格蘭    足總    則表明徹查事件，蘇爾布力治及洛尼斯即時停止執法接受調查。

其實英格蘭聯賽已非首次發生同類球證「蝦碌」事件，要數最近例子首推去年9月英冠出現的「幽靈入球」，當時屈福特    後衛烏斯泰斯於後場把球踢向柱邊，球證卻判對手雷丁    入球，事後球證工會的旁證部主管力撐犯錯是理所當然，旁證犯錯最多只受警告。英足總為保護球證，今夏推出新計劃禁止領隊賽前評論球證，又大力宣傳「尊重球證計劃」，呼籲領隊及球員尊重判決，惟不爭氣的英倫球證一次又一次犯下彌天大錯，造就一個又一個的球壇笑話，也令引入晶片足球、重播判決及加設底線球證的聲音愈見響亮。

附片


[ 本帖最後由 【翔少】 於 2009-8-18 09:44 AM 編輯 ]

啊斗

d球證可能真係太快睇唔到= =" 但係經過慢鏡 可證明球是入的
英足總 應要把賽事為1:1 /重賽 解決問題
英足總不應保護球證

【翔少】

原帖由 啊斗 於 2009-8-18 10:29 AM 發表
d球證可能真係太快睇唔到= =" 但係經過慢鏡 可證明球是入的
英足總 應要把賽事為1:1 /重賽 解決問題
英足總不應保護球證

係球場上球證就係一切
就算秋後算帳...賽果都不能改變

啊斗

球證真權力 真是大

風魔仔

笑q死-.-'睇d球員既樣就知係入左啦

【翔少】

原帖由 風魔仔 於 2009-8-18 03:18 PM 發表
笑q死-.-'睇d球員既樣就知係入左啦

唔知我以為佢吹越位

駿仔

終於有人貼依場
噚日懶得去搵youtube所以冇開

依球簡直係荒謬
雖然個波入左彈返出黎但球證同旁證都可以同時睇唔到入球
英格蘭球證執法水平真係
就算唔睇慢鏡既底線裁判究竟幾時實行....

fok1011

唔講以為越位..點知原來係球證錯誤..

~國米fans~

近視唔好做球証啦　

★☆☆★

球證係咪未訓醒,咁既判決都有

MakSaI"

會唔會係醉酒佬客串左個球証

、HIM

條片而家係咪睇唔到..?

【翔少】

原帖由 、HIM 於 2009-8-18 11:14 PM 發表
條片而家係咪睇唔到..?

O...比人刪左
下午果時仲睇到...好正

hee仔

仲要輸埋-.-....

絕望※糸色望

個LINE冇左..
有冇第個?

ＭawMＬ

此片段已被刪除