熊黛林地位不保激到病

law1012

Lynn在上海拍戲抱恙，未知是否知道城城密會新女而嬲到發燒。
向來以「城嫂」自居的熊黛林（Lynn），近期忙於在上海拍攝電影，天王歌手男友郭富城（城城）卻被指趁機秘密約會過氣歌手王秀琳（Mango），「城嫂」地位受到威脅，更嬲到發燒請假休息。至於另一天王劉德華前晚手拖朱麗倩亮相，自揭廿四載地下情，放下包袱後，昨日心情特別輕鬆。而已公開關係的黎明樂基兒，男友開工，女方跟到實晒恩愛，多位天王各自精采。
城城日前被傳媒拍到駕着近百萬戰車接載Mango出入，斷正的Mango即跳車逃亡，城城則獨自返回大坑寓所，三角關係爆發，也令身在上海的「城嫂」Lynn嬲到發燒，地位直接受到威脅，記得Lynn去年生日帶埋愛犬到城城家慶祝，「攻城」逾三十三粒鐘度過不少歡樂時光，估不到仍未能箍實城城。

城城經常出動戰車冧女。

王秀琳出碟又傳緋聞。
唔知突然變friend
入行近十年的Mango星途坎坷欠順，簽約多間經理人公司，但工作依然不多，亦曾因被尹天照涉嫌「霸王硬上杧」而成為新聞人物，直至近日成功簽約Hong Kong Star唱片公司，據知快將推出新專輯，並頻頻以低胸性感裝出席各公開活動，前晚亦春風滿面參加酒會，不過，最巧合的是Mango每次出碟例必發生緋聞事件。記者昨日致電Mango，其電話一直駁至留言信箱，而其經理人Andrew對此說：「朋友啫，冇特別，我都唔知佢哋突然咁friend，要了解吓。（拍拖？）唔答。」他又透露Mango病了，說：「不過唔係好嚴重。（傳佢快出碟要借城城宣傳？）吓，咁好？如果有咁好宣傳唔錯。」
「會唔會小題大做」
城城經理人小美則說：「係好普通的社交和紳士風度，我唔明白點解值得咁大驚小怪，會唔會有些小題大做呢？我希望大家宏觀一些去看事情，交朋友亦不應分等級，或紳士風度會畀人誤會吧，但姑勿論怎樣，大家不必要想得太複雜，真的小事一則而已，唔值得成為話題。」而Lynn經理人Kim說：「Lynn依家喺上海拍緊《葉問2》，佢發高燒要休息，唔想打擾佢，所以冇回應，Thank You。」並透露Lynn這星期都不會返港，九月頭便要飛往北京工作。
另外，城城好友余文樂昨日出席活動，對於城城與Mango傳緋聞，阿樂說：「吓！真係影到？等我了解吓。（Mango同Lynn邊個襯城城？）唔知點答，放過我啦。」問到會否戥城嫂唔抵？阿樂即扮傻說：「邊個係城嫂？唔想代答。」曾與Mango鬧不和的蕭定一踢爆上個月才見過對方與柬埔寨航空公司太子爺拍拖，他說：「吓，上個月先撞到佢同男朋友一齊，我覺得Mango唔係城城鍾意嗰類型。」

熊黛林為《葉問２》開工

王秀琳（右起）與吳國敬、蕭希榆等出席晚宴。

Lynn
Lynn VS MangoLynn
年齡 28歲
三圍 33-24-34
身高 1.79米
出道經過 16歲被發掘做模特兒，02年當選中國十佳模特兒，3年前來港發展，行騷及接拍電影。
騷價 10萬元

Mango
Mango
年齡 28歲
三圍 32-22-33
身高 1.67米
出道經過 任職廣告模特兒，20歲簽約新力唱片公司，出道做歌手。
騷價 已淡出，甚少曝光，近日復出，暫未有騷價。

mcfirefox

  

感謝大大分享 ... 好文推推!!