關於貓既問題

咖啡♂噗≧▼≦

我養左隻貓,大約係08年3-4月期間出世既,
到而家,算唔算大?點解仲未定性
我屋企有2間房因為潛建拆左,而拆左既地方後面就係後巷
個度好多野貓,我隻貓貓成日出去 係最近呢個月
隻貓次次出親去返黎,都好多傷痕,有次眼角流血
今日放學返黎 見到佢右手最後個隻手指成塊手指甲冇左
好多血
隻貓又唔定性 幫佢沖涼又唔肯,清理傷口又唔肯 平時摸佢摸多幾下佢都爪人
點樣可以令隻貓定性d?
同埋點樣令隻貓唔好成日出去?(唔好答我關門)
同埋點樣處理隻貓個傷口?

ho_waiao

裝貓網~關門....呢d真係要...

如果以上做唔到...就只好用籠...

通常d貓好痴人...可能因為你少同佢玩...攪到佢冇野好玩先出去玩...

你隻貓絕左育未?未既話快d拎去絕育...隻貓絕完都會定d既...

Incoming

關門 真係一個好方法
不然就是樓上說的

DC~

原帖由 咖啡♂噗≧▼≦ 於 2009-9-9 05:04 PM 發表
我養左隻貓,大約係08年3-4月期間出世既,
到而家,算唔算大?點解仲未定性
我屋企有2間房因為潛建拆左,而拆左既地方後面就係後巷
個度好多野貓,我隻貓貓成日出去 係最近呢個月
隻貓次次出親去返黎,都好多傷痕,有次眼 ...

首先.貓你當佢一歲係成年貓
舊年3-4月都足歲了

然後.貓肯定唔會定性.呢個一定
特別係夜晚既時候.d貓都會發貓癲
所以唔洗話點樣想佢靜d定d

真係唔好比佢出去同d野貓一齊.好多病毒.又皮膚病又貓愛滋.都唔知會唔會傳染比隻貓
同埋出面好污糟.d貓會生一粒粒(係咪男貓黎?絕左育會好好多)

幫佢沖涼.頭果幾次一定唔肯.我都係咁..沖多d就沖到佢冇晒牌氣架啦.慢慢黎吧

摸佢爪人?你摸佢個肚?試下係眼訓既時候摸佢.幫佢抓下巴.訓教既時候帶佢去你間房

貓傷口呢個我唔多記得了.我之前買左支野黎噴佢個傷口(佢r痕r到成身血.)而家剪q晒佢d爪.所以支野都唔知飛左去邊
用d濕紙巾幫佢清理.清理完喂佢貓零食(20幾蚊一包).提醒一下.噴佢既話佢一定走.只好用強

貓網一定要裝- -.你就算日日開罐頭佢都會走出去.我試過帶人地隻貓番屋企.差d由十幾樓直接飛落街
同埋你可以試下拍下佢個頭.力度...自己就下.當佢唔聽話既時候

DC~

同埋隻貓打左針未架
d貓走出去成日都會亂捉野黎食.老鼠啦.虫啦.雀仔啦.仲有好多估你唔到既野
我見過食到成口都係血番番黎.嚇到我虛脫
有時候落完雨又多污水.都唔知會唔會飲.快d裝番個貓網吧~