<全港最大宗靈異事件>

car0469

話說係四十幾年前,第二次世界大戰後,
油麻地一座大廈傳出<送外賣鬼魂事件>,就連警方亦都曾經介入,引起街坊恐慌!

果座大廈係一座舊式唐樓,有傳話四樓一個對住街既單位經常有人係度打麻將,
有D住係對面大廈既街坊亦都經常隱約見到有四個<人>係度打牌,特別係深夜.
有D街坊認為果D係一D唔理其他人感受既<人>,亦有人認為係鬼,更有人講話四樓果個單位其實係鬧鬼.

呢座唐樓附近有一間茶餐廳,有一晚夜晚9點左右,
茶餐廳伙計收到一個外賣電話,話要四碗粥,外賣地址正正就係四樓果個盛傳鬧鬼既單位.
當然,呢個伙計亦都因為工作需要,要將外賣送過去喇.
佢到達後就拍門,緊時見到道門開左少少,一隻手伸出黎拎果D粥,之後再伸手出黎比錢.
伙計收左錢後,冇刻意去check就好快咁放左入衫袋,
佢係返到茶餐廳後先發現果D錢竟然係一張張既陰司紙,
個伙計只可以當自己倒霉,要自己賠錢出黎.

第二日夜晚9點左右,果個單位再有人打電話黎茶餐廳叫外賣,同樣都係要四碗粥,
個伙計今次決定要睇清楚佢地比既係咪陰司紙,若果發現係陰司紙,一定追究到底,慕求連琴晚既錢都追返.

伙計再去到果個單位拍門,門再次開左一條隙,淨係見到一隻手伸出黎拎粥後就將錢交比伙計,
呢次伙計好小心咁睇清楚,發現錢係真既,並唔係陰司紙.
但當佢返到茶餐廳拎錢出黎睇睇時,先發現頭先收到既真錢竟然變成陰司紙!
伙計極力咁同老闆解釋,但老闆又點會相信呢?

之後冇耐又有一晚,又係相約既時間,同一個單位再次打電話黎叫外賣,
呢次老闆叫左另一個伙計送外賣過去,因為老闆唔多相信之前果個伙計.
點知呢次當呢個伙計返黎後,又發現收到既錢係陰司紙,而且呢個伙計既解釋同之前既伙計一樣!
茶餐廳老闆當時好嬲,認為大家都係度玩緊佢.

去到有一晚,相同時間,相同既<人>再打電話黎叫外賣時,今次老闆決定親自出馬.
老闆去到果個單位拍門,同樣都係淨係得手伸出黎拎粥,跟住比錢,
老闆認真睇清楚D錢,確定係真錢,認定之前都係D伙計夾定一齊扼佢D錢.
就係老闆佢返到茶餐廳準備鬧D伙計既時候,發現手上既錢竟然都變左做陰司紙!

老闆呢個時候知道事有蹊蹺,認為可能係果個單位既<人>用掩眼法將錢移形換影!老闆唔甘心比人扼錢,決定報警!

老闆帶住幾個警察去到四樓果個單位拍門,但係拍左好耐都冇人回應,
警方怕單位入面唔知發生左咩事,於是決定破門入屋.
一打開門,竟然發現有四個無頭既人係度打緊麻將,將老闆同埋在場既警員都嚇呆!

事件吸引記者既採訪,翌日既報紙都有大肆報導,
據說有大批警察到場,連裝甲車都黎埋,
有傳話好多人都見到果四隻無頭鬼!

不過,亦有人講話當警方破門入屋後,
其實當時唔係見到四隻無頭鬼係度打牌,
而係發現屋內有四條無頭死屍,可能是一宗集體謀殺案,
所以引黎大批記者,警員同裝甲車到場.

幻十字

回鍋....不過都感謝=.=

chen-i誠x

-____-之前聽電台聽過啦
雲海a___a

toe001002

死神BleachII

之前有網友 post 過了^o^
but thx you ~~

我愛你丫傻仔

以個真人真事來
我老豆話過我之

以單野 你地老豆老母先可能知
以家d青年 好小人知以單野

以單野係果陣好振陷嫁

無敵小肥倫

唔係掛-.-..真係好恐怖啵咁

cyrus@

真的ma.............

最後的願望

真恐怖><..

520red24

咁猛=v=!!!

風之鳥

點解喱d事往往都只係係以前先會發生，又唔見係而家喱個時代發生?