同大家研究研究拍拖好地方~！

eco_sum

我同女友已經二年有多（就快三年）

本人是在職人士~我女友仲讀緊書（中五）
所以我地拍拖的地方都可能同大家差不多~

分享我的經驗啦~！
第一位：
最好去的APM~（個戲院真係幾正，我女友都鍾意~美食也很好~過兩個站九龍灣又有MEGA BOX~我試過可以3點睇戲~6點食晚飯APM~之後晚上去MEGA BOX~幾好架）
第二位：
又一城~果到個溜冰都唔錯（好大架）但美食的樓層就高左D~同埋無咩好野買（慳錢之人不合去買野）
第三位：
荃灣~先由（可以去南豐先~再去遠D WALKCITY.....<呢到落雨去好靚~）或者你可以行去荃灣另一邊~近城門谷果到~都有幾個商場~可以夜晚游埋水~幾好~（搞到我第二日無精神返工）哈哈~！（還有愉景新城）都幾好的地方（美食為主~唔岩買野）

希望各位大大都分享D黎~我都想學野~

ＭＡＮＤＹ

我就推介東涌線沿線既車站

1.IFC...出面又有海...商場又有CITY-SUPER,又有戲院,又有名牌野野,又有大把野食...

2.九龍站圓方...果度出面有西九龍長廊...可以2人談心...商場又有戲院同溜冰場...

3.奧運站...奧海城有保齡球館...可以練下身手...仲有出面有個公園...有戲院...商場都大把野你行了

4.青衣...青衣城出面又有海睇...悶悶地仲可以去泳池游下水...運動場跑步...好有益身心...仲有青衣城又有得食同睇野.

5.欣澳站...出面有海景睇...勝在小人...空氣又好...有時間去埋迪士尼都得...

6.東涌...有商場行...有得搭吊車...搭SI去機場行下又可以...2號客運大樓好多野睇下..