分享一下你地點樣見到鬼既故事@@

mr.pong

我講先啦-____-細過果陣(大約十歲左右果陣)果陣潮流興玩滑板車(而家講鬼故吾係講滑板車wo)
跟住好啦..我就同一班豬朋狗友!!!其他朋友都係踩單車..得我踩緊滑板車..去左官塘既順利村既停車場玩..由最高開始落尼..
好啦~~~~~~~~~~~~

                    因為我踩得太慢....做左最尾...印象踩到2樓果陣...我感覺到有d野係後面...跟住回頭望一望.......
見到有個女仔(睇吾到頭吾知男定女ar)...見到佢著住純白色既連身衫...但係望吾到佢有腳係到行...只係見到飄過...之後我個心驚左一野(細過乜都吾識嘛...)
之後回頭望返吾見左了....之後我同班豬朋狗友講!!你地頭先有無見到個女仔飄過..佢地都見吾到...之後我都吾敢再過果個停車場玩了

                               信不信由你們....以上都係我經過既事...

                     你地都分享下自己見到既鬼故啦@@

☆可兒☆

^^ 有一次   夜晚悶悶地   就去搭通宵巴士  當係遊車河

幾多號巴   我就唔講啦~  唔想制做恐慌!!!

當時  我係坐 上層 車頭位

因為 上層 完全無人    當時 我不知覺得幾舒服~



但路經某條高速公路既時候..........................................



我聽見有腳步聲  有人上左上層甘

我透過 車頭既玻璃   見到有幾個人 真係上左黎..

當時 我亦都無為意    (因為真係冇咩野出奇)


隔左無耐....

唔好問我點解  我唔識解.....

總係覺得 好似怪怪地甘....


我擰轉頭望下   ....

後面完全無人.....



我二話不說

即刻 落下層

坐係司機 後面既位


我亦無同司機講

因為我怕嚇親個司機 攪到撞車就唔好啦~


卒之  一路順風甘去到總站..

我亦 即時 call 的     飛快返屋企  大覺訓 就算了~

[ 本帖最後由 ☆可兒☆ 於 09-11-23 10:07 AM 編輯 ]

mr.pong

原帖由 ☆可兒☆ 於 09-11-23 10:04 AM 發表
^^ 有一次   夜晚悶悶地   就去搭通宵巴士  當係遊車河

幾多號巴   我就唔講啦~  唔想制做恐慌!!!

當時  我係坐 上層 車頭位

因為 上層 完全無人    當時 我不知覺得幾舒服~



但路經某條高速公路既時 ...

咁你經過單野之後仲有無感覺到...???
我老豆過左生之後...我牙媽有一晚放工返到屋企門口果陣..見到我老豆........

☆可兒☆

^^ 甘又冇 wor~

mr.pong

原帖由 ☆可兒☆ 於 09-11-23 12:03 PM 發表
^^ 甘又冇 wor~

我對你簽名果隻GAME有興趣^^

☆可兒☆

路邊社 消息   26號 公測 唷~

mr.pong

我只想有多d其他分享...無人肯分享

懶惰寶貝

一個凌晨時份 我獨自回家途中
四處無人的街道 一個陌生人在我眼前
陌生人問我:先生 請問可不可以借個打火機?
當時我覺得不對路 夜深人靜問我借火
我二話不說向他擦身而過 亦沒有回頭望
歸家途中感覺比之前冰冷 回到家中大堂
管理員向我點頭 我沒有理會乘坐升降機回家
第日早上外出時管理員問我昨晚帶了位朋友回家很生面口
我打了個問號 沒有時間理他的說話步出大堂
乘坐火車途中打開報紙 一名途人在過馬路時被車撞死
內容報導 途人在過馬路時點煙 不知道私家車快速駛近
頓時把途人撞死 途人死時手上還緊握著香煙及打火機
私家車逃去無終 途人慘死在馬路
我回顧一想 昨晚我經過同一個地方 發生這件事
究竟是巧合? 還是那個途人含怨?

mr.pong

原帖由 懶惰寶貝 於 09-11-25 04:59 AM 發表
一個凌晨時份 我獨自回家途中
四處無人的街道 一個陌生人在我眼前
陌生人問我:先生 請問可不可以借個打火機?
當時我覺得不對路 夜深人靜問我借火
我二話不說向他擦身而過 亦沒有回頭望
歸家途中感覺比之前冰冷  ...

多謝你分享..不過吾知COPY定真人真事= =

toto20

有冇多d @@
我好鍾意睇呢d真人真事既經歷

我自己就未見過-0-

吳樹喜

呢件事係我細個既經歷,真事黎架我好辛苦粒粒字打出黎
我細個果陣係住牛頭角地鐵站對面的一條屋村,座樓是一字型分開前,中,後樓梯落街的
每晚飯後時間約8點左右就會落去附近一間循X中心打乒乓球,因為有好多朋友仔都會去
如果要最快時間到達那中心,就一定要行中間樓梯,但貼著樓梯即單位即係走廊尾的單位
係一間空置左無人住多年的單位,那單位長年丟空所以好黑暗,因為可以由走廊的氣窗望入去的
所以在我們一班小朋友眼中那是一間恐怖屋,平時行過都急急腳咁費事逗留
一如以往飯後會去那中心打乒乓波,我記得那晚係冬至,我老母煮左好多送好好食所以食得比平時慢
因為中心10點關門,而果陣已經9點,拿拿聲去打一個鐘都好丫嘛,咁就貪快趣行中間樓梯那邊下樓
當我行到接近尾單位即果個空置單位時候,我好肯定睇到係打開了大門的,因為走廊黑的關係
那單位有電視機的光線傳出因為一閃一閃那樣,當我行到正正單位門前的時候,我被看見的影像嚇至雙腳發軟
那個畫面我相信我這一生人也不會忘記的
我從正面望入那屋,對正我的是一張3座位梳化,坐著一家3口的面向門口那牆後面的電視機在看電視
因為那單位是人數最少也可伸請的,2-3人面積百多尺,我好清楚見到身形是2個大人坐2邊,1個小孩坐在中間
因為那屋是長年丟空的原因,附近街坊也不清楚上一手屋主是何許人
我又驚又好奇之下定眼看著那些『人』,想認清楚那些面孔有無在平時見過啦
我可以發誓,我係見到那一家三口衣著整齊,但係......除了頭髮之外,面上是沒有五官的
塊面係白色一片沒有任何東西掛在臉上的,我當時嚇撚到連大叫都無力,最恐怖係那一家三口個頭係向我移動,還向我揮手,係三個一齊揮手
即係知道我睇到佢地咁不過就無眼神接觸,因為根本無五官,我呆了大約30秒之後有番反應識行啦
一口氣跑番屋企同媽媽講頭先我見到的那家無臉鄰居,媽媽亦即刻過去睇左,根本無開門好像平時咁廢墟一間
而我在第二日早上病了一場最大的病,發燒持續104度唔退燒維持左成個星期
真係病撚到連地都落唔到
大家可能覺得我所見的是幻覺,因為夜媽媽又天氣凍,又想趕住落街打乒乓波
但係,我好肯定自己所見的那間屋中的『人』,雖然佢地係無眼耳口鼻,但係我真係有成30秒的對望
以上是我的一個可怕經歷
絕對唔係copy出黎的
講到而家又有d驚都係叫醒我老婆起身煮個麵壯下膽先
現在的我正在睇緊歐聯.....皇馬對蘇黎世,已經下半場65分鐘啦
拜拜大家,祝各位好時高運

[ 本帖最後由 吳樹喜 於 09-11-26 05:14 AM 編輯 ]

mr.pong

原帖由 吳樹喜 於 09-11-26 05:10 AM 發表
呢件事係我細個既經歷,真事黎架我好辛苦粒粒字打出黎
我細個果陣係住牛頭角地鐵站對面的一條屋村,座樓是一字型分開前,中,後樓梯落街的
每晚飯後時間約8點左右就會落去附近一間循X中心打乒乓球,因為有好多朋友仔都會 ...

多謝你既分享^^估吾到平時睇你以為發膠POST既人~原來咁正經@@

b3543

其實由細到大都係得一次好似撞過,

不過都係唔肯定,

我記得好細過果陣, 訓訓下, 聽到隔離房(阿爸, 阿媽)果邊有人係到傾計,

傾得幾大聲, 搞到我醒左, 點知佢地嘈左10幾分鐘都未嘈完,

咁我落床過去睇下做咩呢, 咁我過到去仲聽到有人係到嘈, 不過我阿爸, 阿媽又訓左,

果陣我以為係佢地部收音機開左, 所以先有聲, 不過佢地部收音機係埋邊, 我熄唔到, 咁又廢時

嘈醒佢地, 咁就由得佢, 番過去訓。

第二日 同佢地講 你地尋晚部收音機 開得好大聲, 唔該下次細聲D....

點知佢地話未個日無開到收音機....

(其實都唔知算唔算撞野 XD)

ininin1010

我只記得一次冬天去露營時...
在大家都準備睡覺時....我發現有人走過...
問朋友都說聽到...
可是...在沒有光的情況下可以看到路的嗎(離市區很遠時真的看不到路......
而且在我們離步行徑有一段路
後方又是樹林...再而是山坡..
最怪的是...我完完全全聽不到有人進入營...(聽不到拉鍊聲...= =;
那...是什麼人在深夜走到山坡呢- -?

mr.pong

多謝各位既分享先....其實我仲有個見証...
大約係9年前...果陣我仲係11歲果陣(嘻嘻~比人知道左我幾歲tim)
果陣係我最傷心既一年..因為我老豆過左生
果陣岩岩好頭七既...果時我同我牙媽返到屋企門口...我感覺到一陣冷氣無啦啦吹...我勁凍..
我牙媽無啦啦係屋企門口停左....無啦啦同吾知邊個講野...其實我都睇到少少..果個係我老豆..
因為我老豆死果陣...佢係食煙同飲酒...患左病而死...死果陣話好對吾住我地...因為佢生前做左 好多錯事....


之後...我同我牙媽講返比家姐聽..佢地都嚇左跳.....

吳樹喜

原帖由 mr.pong 於 09-11-27 02:14 AM 發表
多謝各位既分享先....其實我仲有個見証...
大約係9年前...果陣我仲係11歲果陣(嘻嘻~比人知道左我幾歲tim)
果陣係我最傷心既一年..因為我老豆過左生
果陣岩岩好頭七既...果時我同我牙媽返到屋企門口...我感覺到一陣 ...

其實回魂係唔應該對親人有任何接觸交流
因為會令先人留戀,一路維持係中陰身既狀態

mr.pong

原帖由 吳樹喜 於 09-11-27 05:39 AM 發表

其實回魂係唔應該對親人有任何接觸交流
因為會令先人留戀,一路維持係中陰身既狀態

我老豆太對吾住我牙媽...同埋全家得我一個仔~

john01006

都唔係好記得係幾時~
好似果陣仲係中學一二年級左右~
同幾個同學去吐露港踩單車~
踩到有一到係好似旋轉咁轉落去既路~
果陣唔記得左點解想落去睇睇(好似係聽講果到有鬼之類)~
我地其中有一個同學佢話佢唔知做過咩(我唔記得左)~
有陰陽眼(我都唔知真唔真)~
留低一兩個唔想落去既係上邊睇車~
之後其他人就走落去(包括我)~
落到差唔到係轉完到直路果到~
突然有陰陽眼果個話見到個黑影~
之後成班就更係即刻走啦~
一上到去即刻上車走人~
有陰陽眼果個竟然話個黑影追住~
話佢個動作係慢慢行~但係就一直跟住係後邊~
但係果陣我地踩得算幾快~
慢慢行同踩單車一樣速度?(宜家既我果樣諗)~
之後都無事發生~個個番自己屋企~
果陣我以為無咩野咁~
之後果日我就係凌晨1點幾到無啦啦醒左~
個身仲幾熱,有d汗咁~
我都覺得只係熱到醒左者~無理到繼續訓~
到左聽日~
我番到學校聽其中一個有去既講~
話佢琴晚1點幾突然醒左~
我就話我都係咁~
仲有另外一個都話係咁~
其他有去既人就唔知~
因為果陣其他有去既人唔係到~
之後都無問到~
但係到宜家都覺得邪邪地~
都係我唯一一次可能係既靈異事件~

MONTHMOON

多謝分享！多謝分享！

mr.pong

原帖由 b3543 於 09-11-26 04:11 PM 發表
其實由細到大都係得一次好似撞過,

不過都係唔肯定,

我記得好細過果陣, 訓訓下, 聽到隔離房(阿爸, 阿媽)果邊有人係到傾計,

傾得幾大聲, 搞到我醒左, 點知佢地嘈左10幾分鐘都未嘈完,

咁我落床過去睇下 ...

我好鍾意你簽名的說--