雖然分左手差唔多年半....(有少少長 純粹想發洩下...)

sam1216hk

唉 岩岩睇FACEBOOK無無聊聊咁唔知點解去左佢個PROFIT
睇到佢好似就有新男友......唔知點解個心真係好唔舒服...
雖然分左手差唔多年半....2008年8月分手...
佢係我第一個女朋友....好多既第一次同佢一齊經歷...
第一次親手整生日蛋糕比佢...第一次送女仔禮物...第一次收女仔禮物....好多好多...
雖然我同佢一齊左真係唔係好耐 大約2-3個月倒..因為個時已經係我最後一年係英國讀書
但係我個段日子真係好似發緊醒咁 好多事都好似電視劇情咁...真係好開心...每一分每一秒我都係發自內心咁笑
由於我係一個唔係好鐘意隨便同人講野既人 真係熟o的先會傾計個o的
所以我真係無乜女仔朋友
但係由於最後個年岩岩開學個時 我同我最好既朋友講我鐘意左一個日本女仔 但係個個女仔已經畢左業走左
咁我個朋友就幫我問我個ex(姐係佢)叫佢幫幫我
就咁我地就慢慢熟做左朋友講心事....之後好辛苦先一齊左...
但係當我知道我無得再留返係英國讀大學 我個時真係好唔開心
但係你記唔記得你同我講"そばにいるね" e首係我地既歌?
每次聽到e首歌個時就好似你同我講野咁?
直到e加...我mp3入面都仲會有e首歌係到....每次我聽返都會回憶返我地個2-3個月你比左幾多快樂既回憶比我
但係最後我地都係分左手 因為我已經無可能再返返英國....(佢日本人黎 so就算佢HOLIDAY我地都見唔到面)
而你同我講你開心唔開心我都已經唔可以再係你身邊個時 我真係超級超級唔開心
個時我可能講左o的任性既說話 但係唔係有心既...
直到e加我都係好掛住你....雖然你e加有你既生活...但係我都係e到祝福你...到地球既另一方祝福你...

[ 本帖最後由 sam1216hk 於 09-11-29 11:56 PM 編輯 ]

kaman9501

希望你女朋友收到你對距既祝福!=]