放棄還是不放棄...?

迷x月影

都幾長,
但係都唔係好長-_-
冇心機睇既可以 上一頁-_-


我就15歲

鐘意左個女仔...佢細我一歲...

事情就咁既... 女仔=a

開學之前我都唔知佢係同我一班既...

無意之間大家都係入左學校d服務性既職位

暑假果陣經常都有機會見面...

起初大家都係普通朋友咁...

我慢慢開始對佢有好感,因為佢對我好細心...加上佢右係我鐘意果類型...

之後先知大家係同一班,之後就大家就多傾計左...

一次無意之間因為某d原因佢就比左佢msn同電話號碼我,之後佢d fd同我講番,原來a好小會比msn人

就算連做project果d都唔會比,仲話,何況你係男仔,電話號碼都比你...

之後我冇答就番屋企add佢...

之後晚晚都傾傾傾,傾到10點半到就齊齊off訓教...

平時係學校我d行為,我右re過一年,仲要高,佢係班長,我間接幫佢減輕左佢既工作,就算冇人幫佢,我都會自己黎...

而d fd同a d fd都知我係鐘意佢...

不過a就唔係好信...

如是者,開開心心咁到11月

有次msn佢問我鐘意邊個,我就藉機唔答...

之後去camp,佢都有份,我fd係room到嚴刑逼供我...右問我係唔係同a拍緊拖

之後佢地番到去右借機話我同a...

之後有一晚msn我唔小心激嬲左a...

佢兩日冇同對我好冷淡,msn右係...

我好驚連朋友都冇得做

第三晚,佢係msn先應我機...

佢話你答我一條問題我就唔嬲你

我問係咩問題,佢右唔講

但係我右唔想佢嬲我,就應承佢

佢再問,你鐘意邊個...

最後我答佢... 係你!

佢冇出聲...之後同我講話off先,聽日傾...

第2晚,佢話唔信,我再認真咁同佢講多次...

之後佢冇拒絕我,但係都冇話接受我...

慢慢去到12月

佢講左好多野比我知,姐係例如一d我想知既野,但係我以為佢唔會到我講果d

之後有幾日...佢右唔理我

過左幾日右同我傾得好密...

好難捉摸...

12月,放假之前我約佢去睇戲,佢就話點都要叫多一個fd去...

最後大家都好開心...

最近佢右唔理我...呢幾日右同我傾計...

依家都唔知點好...我仲係好鐘意佢...但係我完全唔知佢點諗...

咁我放棄定唔放棄好...自問表白我都夠膽...但係我相信只此一次...


咁我之後仲可以點...?

紫靈姬

其實a頭一次問你鐘意邊個既時候
a好似比緊機會你 無奈係你當時無把握到機會
再隔多一段時間再問多你 你應該有停左幾秒先回答
就會比a感覺 係佢逼你 你先比個答案
當然會好難令人相信
你約佢去睇戲個日 你表白完 你無主動去做到
a會覺得你究竟係咪真係鐘意佢
有好多時 唔需要女方開聲男方應該都要識得做主動
放唔放棄 你問心你係咪鐘意佢呢
機會就係你面前你唔把握 到時你真係要放棄了

迷x月影

你約佢去睇戲個日 你表白完 你無主動去做到

做d咩-_-?

問心既真係唔想放棄...但係佢對我既態度經常轉變...

有時會好辛苦...

但係我想知佢會唔會對我有好感...

d fd話佢都係鐘意我...但係我同a一樣都係唔信-,-...

[ 本帖最後由 迷x月影 於 10-1-2 10:56 AM 編輯 ]

-GNIK-

一睇就知佢對你有意思
不過係可能基於其他因素唔想拍拖/唔拍拖住
例如:未拍過拖唔知點好 , 屋企人唔比etc
佢應該都係到掙扎緊

你試下搵日同佢出街,然後好誠心咁表白
可能佢會肯同你一齊

hoyin2234

原帖由 迷x月影 於 10-1-2 09:50 AM 發表
你約佢去睇戲個日 你表白完 你無主動去做到

做d咩-_-?

問心既真係唔想放棄...但係佢對我既態度經常轉變...

有時會好辛苦...

但係我想知佢會唔會對我有好感...

d fd話佢都係鐘意我...但係我同a一樣都 ...

A不相信你喜歡她?

那你要做點事來證明給她

sunnydoll

梗係唔好輕易放棄啦
做點事俾d信心佢
等佢相信你講既係真

–︴笨＊桐…

唔好放棄哦~
佢可能果幾日忙..0n唔到姐...
其實...我覺得佢係唔知點接受...
唔係拒絕你...
你等佢慢慢適應 ;
所以一定唔可以放棄哦

Ｓuede

有機會啦 係現實當面同佢講鐘意佢啦 好過係MSN講

加油努力啦

迷x月影

多謝咁多位支持...

其實我都有親口同佢講過...

佢只係對我笑左一笑...

ronlaw

平時同佢出街做多d體貼既野令佢覺得同你一齊既時候好舒服好warm
搵日營造氣氛當面同佢講多次~之後拖住佢對手望住佢~聽佢點答

純粹比d建議  咁多位再比下意見 :]

花戀蝶乂

直接問佢可唔可以做你條女啦...

未來使者

一手拖實佢咪搞店囉

紫靈姬

原帖由 迷x月影 於 10-1-2 15:44 發表
多謝咁多位支持...

其實我都有親口同佢講過...

佢只係對我笑左一笑...

親口同佢講與行動上好大差別
如果你肯主動一點點應該勝算幾大
佢會關心你鐘意邊個 佢既反應係笑 並唔係嚇到唔出聲 或者想即刻逃走

zz456456

個女仔好似用緊忽冷忽熱大技
這可是高招   你不要輕易放棄

killerlegend

你咁樣都放棄=    =?好似好失敗...
你都係MSN講到出口...
你搵日面對面同佢講你鐘意佢咪得-   -...
咁佢就信

迷x月影

原帖由 紫靈姬 於 10-1-2 10:17 PM 發表


親口同佢講與行動上好大差別
如果你肯主動一點點應該勝算幾大
佢會關心你鐘意邊個 佢既反應係笑 並唔係嚇到唔出聲 或者想即刻逃走

我都想主動- -

我係夠膽- -不過佢身邊d fd好痴佢- -

無咩機會會得我同a-,-夠膽都做唔到-_-

ＭＡＮＤＹ

原帖由 迷x月影 於 10-1-3 02:30 PM 發表

我都想主動- -

我係夠膽- -不過佢身邊d fd好痴佢- -

無咩機會會得我同a-,-夠膽都做唔到-_-

fd好痴佢唔係問題,都一樣可以講到的,

我個人比你既技巧就係你可以同佢D朋友講可否比1分鐘時間你同個女仔傾重要野,

佢地識做既話一定比既,記得要有禮貌同客氣咁講,比個女仔見到你好有誠意同主動的,

假如佢朋友仲痴佢身邊既話就細聲小小咁同佢講,希望個意見可以幫到你.

迷x月影

明白....唔該

我會試下-3-

乂牙樂乂

我有個朋友都係同你同一種情況  ~
個女既唔係對佢冇好感  而係只係想同佢係一種  好親密既朋友關系 但係又未到男朋友既關系~
再比你小小意見
用你覺得最可以感動佢既方法 去同佢再一次  講鍾意佢  要當面~  如果女既都係希望做朋友
你就唔再去諗啦!  係佢背後再放多d心機落去 照顧佢  我諗有一日佢會感受到你對佢既好~

大野代代

不要過份只用網絡上的溝通軟件.,,,
她不能聽到你的語氣和動作

溝通黎講如果只係看到文字,,真正的意思會被加進接收者的心情
相信她還是覺得你不夠認真.,,,

你試試認認真真約她吧.,,,,,可能只是小息的五分鍾,下課的五分鍾
絕對足夠說清楚明白.,,,,