娛圈 - 版稅? 獨大? 壟斷? 可唔可以咁樣眼丫?

NikitaC

近期娛圈可謂好事...咩電視台壟斷? 獨大? 電視同唱片公司版稅風波? 有人借勢抽水等...
睇完之後...真係好想借哩度...用另一個角度睇件事好嗎?
1. 某台壟斷? 想問下...有D電視台自己唔努力, 唔花心機同資源去棒紅自己旗下既藝人, 就眼紅人地D藝人紅, 仲要花費大筆金錢請人過檔...試問咁係咩? 對旗下既藝人公平咩? 對肯出資源培育人材既電視台公平嗎? 或者咁講...商台, 港台同新城係咪都壟斷? 哩D情況電台都有, 電台俾機會投放資源去裁培旗下既DJ, 令都佢地成為名DJ, 就好似"林海峰, 森美, 小儀, 芝see姑be, 周國峰, 范振峰 & Ben"等等...DJ紅左...除左自己既努力外, 俾機會佢地既公司算係咩呢? 三間既電台DJ係咪都可以共用呢? 或者接受另一間電台既訪問呢? 例如"A"DJ係商台既, 商台出資源去裁培佢, 佢紅左, 跟住可以去港台做節目, 接受新城訪問咁...? 如果唔得, 咁樣係咪又要話商台係壟斷DJ既合約呢?  

2. 某台獨大? 咩係獨大? 到底點樣去界定何謂獨大? 一個機構佢有財力建立大型既體制同人多, 這樣就叫獨大嗎? 咁香港好多公司都係獨大! 無競爭? 咁亞視係咩丫? 邊一個人去分細台同大台丫? 一間公司攪得好同一間公司攪得唔好當中有好多問題存在...有無人去睇過係咩問題丫? 淨係慣性收視既問題? 好討厭經常講慣性收視...因為咁樣係貶低梗辛苦付出工作的台前幕後工作人員, 咁樣講...即係套劇幾好睇都好...唔關有份工作既人事, 純因慣性收視, 所以一切既付出係白費既??? 貶低坐係電視機前既觀眾, 唔識選擇既? 好麻目既?? 真係好想講囉...依家咁多娛樂, 駛咩一定要開電視先? 唔好睇既野一定要睇既咩? 唔識上網? 唔會睇DVD/VCD? 唔聽電台/CD? ...真係認為坐係電視機則邊既人係咁唔識得選擇咩? 咁我會怪我自己做咩事要去睇"我和彊屍有個約會"囉...亦覺得柴九攞視帝係實至唔名歸囉~

3. 一個傳媒機構...自己攪唔好就眼紅人地哩樣個樣, 去借自己既節目貶低人, 踏人, 呼天叫地話人地屈你抽水, 要瓜分人地辛苦培育出黎既藝人歌手, 而自己旗下既藝人呢? 有無真係去培育過佢地呢? 有無俾機會佢地呢? 只係識用高價搶隔離紅既藝人過檔而自己既就由佢做三四線, 咁又幾健康呢? 試問...可唔可以叫港台俾錢培訓一班DJ出黎, 整紅晒佢地...跟住就唔好係港台度做過去幫商台手, 三間電台既DJ, 打亂黎用囉咁...  

4. 版稅風波...有D認同某討論區既網友, 曾經講過...四台未同無線反面前, 已經無乜點睇勁歌金曲, 更可況依家? 好想同有份出聲既歌手們講, 有D太商業上既決定同機密, 作為觀眾既我地或者係歌手既你地, 真真正正知既其實唔多, 如果係咁既話, 唔應該講太多野囉~ 話無線無投放多D資源係歌手度? 咁"勁歌金曲"係咩黎架? 係做左只係無人睇...咁到底係間公司既問題? 定係個市場話俾我地聽...觀眾已經無以前咁鍾意睇音樂節目呢? 投放資源問題...老實講...你唔係公司既資產我做咩事要投放資源係你度呢? 你紅左...得益既係邊個? 但付出既又係邊個呢? 其實有無攪番清楚..應該係唱片公司應該投放多D資源係歌手身上而唔係電視台投放呢? 歌手紅左得益個個係唱片公司喎~ 電視台會得到D咩丫? 所有音樂節目既製作..唱片公司有無負責俾錢架? 如果無...即係電視台俾啦? 咁都唔算投放資源丫? 我俾錢去開發一個產品/軟件, 但產品/軟件既擁有權同銷售成果我無份分享, 咁我做咩要俾錢出黎投資丫? 識唔識計數架?

5. 有唔少既藝人, 曾幾何時都過過其他電視台工作, 但點解到最後都要返去無線丫? 既然大家都講到無線咁衰? 點解唔少藝人想去無線但去唔到丫? 無線付出左既係咩丫? 白付架? 亞視曾經/遇然有好節目, 但好既之後係咩? 係承接唔到....咁關隔離咩事丫? 亞視好大既問題黎至節目水準時好時壞...製作質素欠火喉, 無自己既藝人班底, 一味向外求唔係一件好事!!! 就如當年..."妙手仁心"好睇...鄧特希走左出黎自己拍, 搵埋嘉欣. 朝偉 & B哥哥等大粒到爆既星去做, 結果又係點呢? 俾好多錢搵隔離台當紅既小生過檔拍劇, 結果又係點呢? 係亞視平平既張家輝過左無線後呢? 做"天地豪情"爆左出黎...咁即係代表咩呢? 亞視其實曾經有具星味既藝人, 但攪得唔好...令佢地紅唔起, 一轉公司...紅左...人地有俾機會, 有個善用佢俾個岩既角色佢做, 得左! 同樣...曾幾何時亞視係有歌手(甄楚倩&張立基等...)但結果呢? 咁歌手們會唔會話亞視無投放資源係歌手度呢? 好簡單既道理之嘛, 我俾錢出黎無非係想有錢賺, 咁搵份合約綁住你, 都係保障自己, 唔通錢係我出收成係人地丫?:smilie_O_o:

6. 香港哩個咁細既地方...唔好下下話要似台灣先得架? 台灣個邊既體制能夠容立咁多間電視台同電台唔代表香港都得, 競爭係需要, 但都要睇下實際情況! 台灣地方大香港幾多倍? 人口多香港幾多人? 台灣原住民會有自己既電視台/頻道, 唔通香港又要? 潮州頻道? 褔建頻道? 巴基斯坦頻道? 亞視跟台灣玩法係自由度大左好多, 但有利既只係紅左個D, 對唔紅既有咩好丫? 無底薪無褔利無名氣, 試問一個無名氣既藝人, 邊個會請你出現係佢頻道呢? 邊個投放資源去棒紅哩個人呢? 哩個藝人哩世都唔駛紅啦...咁樣!:smilie_O_o:

最後, 有少少較私人既感受要講, 唔該有線表現大方D得唔得? 明明係自己個台攪唔掂, 就咪鬼係度嘈啦! 自己都拍過劇丫...係唔得丫嘛...咁講咩丫? 借自己D節目係度講, 係度呻...邊有人做到個節目, 好似班八婆坐係度說三道四架? 踏人...貶低人....句句有骨既野都講得出, 傳媒人唔係應該中立D既咩? 睇到咁...只係覺得哩個台睇黎都把鬼囉! 作為觀眾唔係要睇哩D野囉...我要睇既係好節目中唔該....做咩要睇D八婆做show丫? 如果你係想人支持既...唔該幫幫忙攪好D節目啦!

P.S.多謝大家俾機會我係哩度發表個人感受~ thank you!!!!!